|
مقارنات لمساعدة الأعضاء فى المفاضلة بين الأنواع المختلفة من السيارات |
|
أدوات الموضوع |
#1
|
|||
|
|||
ياارب حد يفيدني عشان انا بجد محتااار
والسلام عليكم ورحمة الله .. اما بعد ..
دي تقريبا اول مشاركة ليا في "مصر موتورز" وياريت تتقبلوها وتساعدوني انا عندي 18 سنة ولسة مطلعتش رخصة .. بس هطلعها قريب قبل ما اجيب العربية ان شاء الله انا مش خبير في السيارات فا عشان كدا دورت كتير اليومين دول ودخلت الموقع هنا وبجد استفدت حاجات كتير جدا من "مصر موتورز" ومن اعضاءه المتميزين انا اول عربية ركبتها بتاعت والدتي وهي سيريون 1.5 اوتوماتيك .. ومسوقتهاش كتير اوي يعني ومسافات قليلة يعني اجيبلهم طلبات اودي اخويا الصغير الدرس كدا .. هي بصراحة مريحة عشان اوتوماتيك بس انا كان نفسي اول عربية اسوقها تبقى مانيوال عشان اقدر اتعود عالسواقة الصح .. بس الحمدلله .. تتعوض ان شاء الله * اسف على اطالة المقدمة ، بس عادي بقى ده اول موضوع ليا معلش D: * الموضوع بقى : انا عايز اشتري عربية "جديدة" 2014 عشان لسة شوية على ما اجيبها .. تكون كويسة وبصراحة انا ناوي اجري وكدا D: فا انا محتار بين كذا عربية هقولهالكم بالترتيب وحضراتكم ياريت تفيدوني بالافضل ولو في افضل من اللي في الليست دي ياريت تفيدوني ولكم جزيل الشكر 1- اول حاجة "شيفروليه افيو" ودي اهلي بينصحوني بيها وانا شايفها حلوة انا دورت عليها عالنت لقيتها جميلة يعني .. ( مع اني دورت هنا عليها ولقيت كلام الناس عليها معجبنيش .. هو في ناس بتشكر فيها ، بس ناس تانية كاتبة تقارير مش حلوة عليها ف علشان كدا انا محتار جدا فيها ) .. ولو اشاعة ان الشكل بتاع سونيك هينزل مصر وتبقى "شيفروليه افيو 2014" دي حقيقة ، يبقى دي رقم 1 عندي ان شاء الله عشان بجد عجباني جدا . 2- "رينو لوجان" ودي انا دورت عليها برضو لقيتها كويسة جدا وماشاء الله الناس بتشكر فيها يعني ( بس ح 3- "بريليانس FRV" ودي برضو حلوة وبيقولو الموتور بتاعها متسوبيشي ومش منتشرة اوي "بس دي صيني ياعم" : اول كلمة بسمعها لما اقول لحد ايه رأيك في العربية دي .. بس انا شايفها حلوة برضو ورياضية والفوانيس الامامي عجباني جدا . 4- "بروتون جين 2" ودي مع اخويا فهي مستبعدة 5- "ام جي 3" ودي معرفش عنها حاجة .. غير ان شكلها حلو واللي احلى علم بريطانيا اللي فووقيها ده مدي شكل للعربية تحفة .. بالنسبة لبلد التصنيع ( ناس بيقولو انجليزي وناس بيقولو صيني فا مش عارف بقى ) . ... غير كدا بقى حضراتكم اكيد تقدروا تفيدوني ويااارييت بجد تفيدووني عشان انا بجد في حيرة و تاااني بجد اسـف على الاطــالة بس اكيد في ناس غيري هتستفاد من ردودكم المميزة وشكراااااا |
#2
|
|||
|
|||
رد: ياارب حد يفيدني عشان انا بجد محتااار
ااه واحب اضيف سيارة برضو .. طلما الناس لسة مردتش
6- "ايمجراند 7" ... ايه نظامها؟؟؟؟؟؟؟ |
#3
|
|||
|
|||
رد: ياارب حد يفيدني عشان انا بجد محتااار
هي النااااس راااااااحت فييييييين ؟؟؟ ياريت لو حد يفيدني ب عربية كويسة وبنت حلال
|
#4
|
||||
|
||||
رد: ياارب حد يفيدني عشان انا بجد محتااار
لو الافيو الجديدة هى السونيك يبقى هى احسن اللى فوق طبعا
__________________
سبحانك لا علم لنا الا ما علمتنا |
#5
|
|||
|
|||
رد: ياارب حد يفيدني عشان انا بجد محتااار
اشكرك يا استاذ احمد انا فعلا منتظرها بشدة شكرا على مرورك الغالي
|
الكلمات الدليلية |
2014, brilliance frv, logan, سيارة, شيفرولية افيو |
|
|