|
#44
10-07-2012, 03:31 AM
|
||||
|
||||
رد: خلاص هشترى بس اختار ايه من الاتنيين محتارة افتونى
معندناش احنا الكلام دا في اسماعيلية
__________________
  
|
|
#45
10-07-2012, 04:15 AM
|
||||
|
||||
|
رد: خلاص هشترى بس اختار ايه من الاتنيين محتارة افتونى
شوفى أنا هاجيب لحضرتك من الأخر ,, أوعى أوعى أوعى تشترى حاجة أنتى مش راضية عنها ومتحطيش الفلوس أدامك حاجز أو عائق فى الأختيار لأنك لو عملتى كده فده هيسبب لك مشاكل نفسية وكره للعربية فيما بعد ده غير بقى الحزن على الفلوس اللى راحت والتفكير بالساعات فى اللى كان مفروض أنه يحصل
 , وده لو حصل لأقدر الله يبقى هاتتعبى نفسياً من العربية وهاتتضري تبعيها بعد كده برخص التراب عشان متشوفيش وشها أدامك أو هاتبلعيها وأنت مش قادرة تهضميها وساعتها كل ماهتعدي فى شارع وتشوفى اللى كان نفسك فيها فهتبقى عاوزة تصوريها من كتر الوقفة ادمها  وهتتنهدي بنفس عميق وتقولى ياريتنى كنت مكان اللى راكبها ..ياريتنى ماكنت أستخسرت الفلوس ويارتنى كنت جبت اللى نفسي فيه  ..والله يخرب بيت اللى يسمع كلأم الناس بعد كده  وتقولى انا اللى جبته لنفسى وتبقى عاوزة تكسري الكمبيوتر  ,, ثم تلأقى نفسك مش مستحملة ظيتت العيال فى البيت ولأ مستحملة حد يتكلم معاكى  , وسنة سنة الموضوع بيتطور والواحد من غير مايشعر بيلأقى نفسه بيتكلم مع نفسه فى البيت والشارع  .طب أيه الأحسن بقى ,, الفلوس ولأ راحة البال ؟!! راحة البال طبعاً  لأن لو فى راحة بال يبقى أن شاء الله هاتيجي الفلوس تانى ويبقى الوش منور على طوول  لو عايزة رأئى وبأمانة شديدة ومن الأخر  ,, خليكى فى i 10 ومتحوديش رأيك عنها وده من الأخر ولأكثر من سبب هحاول أخد منهم البسيط والسهل :- العربية شكلها وذوقها وحجمها100%  ويا سلأم بقى لو هتحطى فيها شوية دباديب أحمر على اصفر على أخضر وتكون العربية نفسها لونها أزرق تبقى حكاية  وتبقى ماشية حريمى جداً ومايبقاش بكدة ناقصها حاجة غير عدة سامسونج لون فوشية  تبقى فى الجون  .. أنا مش بهظر أنا بتكلم جد لأنى أنا شايف أن فى حريم كتير جيبنها فى شرم الشيخ وفى مدن كتير زى القاهرة فهى ومن الأخر أستيل حريمى اكتر منه رجالى - ثانياً :وده اهم ما فى الموضوع توافر قطع الغيار بكثرة وبرخص , وكمان ما تنسيش توافر مراكز الخدمة والصيانة فى جميع أنحاء الجمهورية .  ثالثاً : العفشة الناعمة وده هاينفع فى شوارع بلدنا الجميلة  يعنى هدوء وراحة بال فى السواقة  , ده غير بقى ما تنسيش أن التقفيل الهندي حلو وكويس جداً ومش وحش خالص .. أنا كان معايا هيونداي فيفا هندي وكانت بسم الله ماشاء الله عليها فل وبزعل عليها والله كل ما أفتكرها  لأنى أتسرعت فى بيعها .رابعاً وده بردوا مهم : باقى الأنواع الأخرة اللى أتعرضت على حضرتك ومع أحترامى لكل من تقدم بأقتراح يخص موديلأت تانية , فهى موديلأت شكلها رجالى أوى  ويعنى مش قد كده فى نواحى كتير يطول شرحها زى الفيرنا والأنوس وغيره .خامساً : وديه أخر حاجة هاتكلم فيها : ماتنسيش وأنتى بتشترى تجيبى الكاملة  , صدقينى هأتفرق معاكي فى حاجات كتير أوى وهتندمى وتزعلى جدا لو ما جبتيش الكاملة  .. وياستى ماتزعليش أوى على 4000 جنيه ,, هى فلوس اليومين دوول فلوس  , دوول عاملين زي السبيرتو وأن شاء الله ربنا يعوضك غيرهم وتكسبي وتجيبى اللى أحسن منهم طوول ما نفسيتك مستريحة مع العربية ومبسوطة ومفرفشة  .ربنا يوفقك للى فيه الخير وصلأح الحال أنتى وكل الناس المحترمين اللى هنا فى المنتدي  ,, بس ما تنسيش صلأة الأستخارة قبل الشراء , وماتبقيش تنسينا بدعوة حلوة بعد الشراء  وألف مبروك مقدماً وعقبال المرسيدس والبى أم دبليو  
__________________
شـــــــــــقة مفــــــــــروشة للبيــــــــــع بــجــنـــــــــــــــوب  ســــــــــــــــــــــين اء ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
قال رسول الله صلى الله عليه وسلم "خيركم للناس أنفعكم للناس" صدق رسول الله
|
 |
|
|
