موقف مستفز قوي

[esoo]

خلاص يا كبير نغيره علشانك ولا تزعل
وكل سنه وانت طيب

[سيف الدين سعيد]

[QUOTE=pointer;321262]

المشاركة الأصلية كتبت بواسطة nktis والله يا اخوانا لو جيتوا وشفتوا وضع الاجزخانه ووضع الشارع ولما يبقي جنبك اكبر سوق موالح علي ( ليمون تحديدا ) علي مستوي مصر هتعرفوا يعني ايه نص نقل وجامبوا داخليين طالعيين طول اليوم لدرجه المحلات كتبت شكوي لسوء المرور في الشارع وان السوق ده عامل زحمه وحوادث ده غير اللي عايز ينزل مثلا يغسل عربيته ويطوقها قدام الصيدليه ؟؟؟؟؟ انا علي استعداد زي ما المحترم بيقول ابقيمتحضر لاني متعلم؟؟ بس هاتولي كزا مراره بقي علي مرارتي ؟؟ ولما ست كبيره عايزه تقيس السكر وهي في عربيتها وانا مش عارف اعدي سلمي من الباردين اللي راكنيين ولما عيل عربيه تخبطه الناحيه التانيه من الشارع عشان البيه اللي راكن قدامي؟؟ الحمدلله البلد لسه فيها شرطه بتاخد حقوق الناس ..[/SIZE][/COLOR] يا دكتورنا قلبك أبيض وخليك انت الكبير . لأن لو كل واحد ركن ادامه واحد واتخانقم وراحوا للشرطه يبقى احنا محتاجين وزارة داخليه جديده مخصوص للحسم فى شجارات الركن . والله انا برضو نفس المشكله والناس برضو ما بترحمش لاحد تعيان ولاكبير في السن كفايه شغلين طول الاسبوع ومابنخدش غير العيدين بس اجازه علي شان الناس اللي مش عجبنهم دول لما يحتاجوا علاج او نصيحه او اي ظروف انا مش هافضل اقول واعيد علي اللي بنشوفه في الصيدليه و الحالات اللي بتيجي و ظروف الناس واحوالهم اللي يجي يرمي مشاكله وتشتغل طبييب نفسي وانت عاوز اللي يشيل عنك وتقول حرام الناس اللي بتثق في تيجي تلاقيني فاتح متاخر مطر برد تلج شمس تراب تنزل علي شان اللي تعبان وعاوز بخاخه اقول ايه ولا ايح احنا والله بنحتسبه عند الله وكفايه تمن الادويه و تكاليف انشاء الصيدليه وبيجي علينا ايام تراب منبعش ب 150 جنيه علي شان الناس و للعلم دول مكسبهم ما يكملش بنزيم العربيه مرواح بس من غير مجي كمان ربنا يبارك فيك و يهدي الناس اللي ما بتقدرش و شيفه نفسها وخلاص و احنا بنخدم الناس كلها الحافي قبل اللي راكب ماي باخ وكله عند الله شكرا يا باشا كلك زوق

يا دكتوور : مع كل احترامى الشديد لكل الصيادله الأعزاء واللى انا عن نفسى بأنحنى ادامهم اجلالا واحتراما واعترافا بفضلهم علينا . الا انه من المعروف بالإحصائيات ان تجارة الأدويه هى ثالث أربح تجاره فى العالم بعد تجارة السلاح والمخدرات .
ولك منى كل الحب والإحترام .

المشاركة الأصلية كتبت بواسطة esoo خلاص يا كبير نغيره علشانك ولا تزعل وكل سنه وانت طيب

الذ وأعقل تعليق والله .
عموما يا جماعه مع كل الحب والإحترام لكل المشاركين فى الموضوع دا الا انه لو تسمحولى انى ابدى رأيى البسيط جدا فى النقاش دا ؟؟؟؟
أولا احنا كلنا معرضين للإصابه والقدر شايل لكل واحد فينا نصيبه والله أعلم بيه . وماحدش عارف هو حايحصل له ايه فى أول خطوه يخطيها بره عتبة بيته . وطبعا فضل الأخوه الصيادله لا يجرؤ أى انسان على انكاره أو حتى التغافل عنه . وطبعا انا معاهم فى انه الركنه أمام الصيدليه ممكن تكون معيقه لظروف الطوارئ . دا شيئ أكيد ..
بس دا مش بسبب ان الصيدليه دى محل أكل عيش زى ما قيل . لأن زى ما أخونا الفاضل تكرم وأشار ان أكل العيش دا رزق بتاع ربنا وحايجيلك حايجيلك فى أى مكان وتحت أى ظروف . ودا اللى احنا بنتكلم عليه . ان أى محل تانى وأى مجال تانى بيحجز أمامه وحتى لو كان كشك سجاير لمجرد حجة أكل العيش . ودا كلام فارغ طبعا . مع علمى بأن كل المحلات بيجيلها عربيات وشحن وتوصيل بضائع وخلافه . انما يا جماعه احنا بنتكلم عن ظاهره عامه وياريت نتناقش فيها بعيدا عن مجال الصيدليه لأنه له ظروف خاصه .
فلو كل محل او كشك قال ماحدش يركن ادامى يبقى معنى كده ان مافيش حد حايعرف يركن عربيته فى البلد دى .
ولكم جميعا منى كل حب وإحترام .

[pointer]

عزيزي سيف الدين
نفسي والله كلامك بيكون صح بس
واللي اعرفه ان تجاره السيارات هي التالته ياريت لينك الموضوع ده علي شان نستفيد
اولا التجاره في الادويه دي اخرها الصيدليه واللي داخل علي اد اللي خارج
وبعدين حضرتك بتقول في العالم وانا بقولك ان التجاره في الادويه مش هي مصر يعني التاموفلو او التعبيه المصري تامونيل ,ال تامو فلو دفعت مصر و العالم فيهم كام و المصنع امريكي
صناعه و تجاره المواد الفعاله
وفيه سيادتك التصنيع و ده هو الكسبان الحقيقي و بعدين شركات التوزيع ووو لغايه الصيدليه اللي بتبيع بالتمن المكتوب علي العلبه من غير زياده او نقصان لان لو ناقص عن تمنها يبقي الدوا مشكوك وبقول مشكوك في امره
طبعا مصانع تحت السلم
و تهريب الدواء سواء للداخل او للخارج
حضرتك سبت كل دول ومسكت فينا احنا
بقولك ايه تعالي خد الصيدليه بتاعتي و انا افتح اي ورشه هاكسب اكتر او موبيلات او او
اقله لسه واحد مقطوع له عرق بهدل الصيدليه دم و قفلنا نص يوم ومنظر فظيع ونمن المنظفات الخ

بالنسبه للموضوع الاصلي والله الناس برضو بتركن وربنا يديهم علي اد نيتهم لاني بصراحه بلاقي ان الناس الكبيره و المحترمه ما بتعملش كدا انما معظم اللي بيعمل كدا ناس اسف في التعبير هايفه او مستهيفه او حاقد معرفش علي ايه بس والله الشخصيات المحترمه اللي حولينا عمر ما حد ازاني و الشخصيات المعقده هي اللي دائما بتحاول تعمل ليها وضع فتعمل كدا وبيبقي قاصد الايذاء و انه يقرفك و يقول لصحابه اللي مدينوه علي قفاه انا عملت وسويت
انا بتكلم عن الوضع في صيدليتي
احتسب و ادعي ربنا هيوريهم وربنا اكبر مني ومنك ومنهم هو اللي هينتقم منهم

[MoNiB]

بهدوء كدة

حضرتك اللي غلطان

لأنك لا تملك الشارع حتى الجزء اللي امام الصيدليه ليس من حقك وحدك ولكن من حق الجميع

الشارع ملكية عــــــــــــــــــــــــ ـــــــامة

وفكره انك قطاع خدمي ومن حقك تمنع السيارات من الركن امام الصيدلية دة كلام اول مره اسمعه وملوش اي نص في القانون المصري

حدود ملكيتك هو المحل فقط بالمساحة المكتوبة في عقد الأيجار او التمليك

[pointer]

المشاركة الأصلية كتبت بواسطة MoNiB بهدوء كدة حضرتك اللي غلطان لأنك لا تملك الشارع حتى الجزء اللي امام الصيدليه ليس من حقك وحدك ولكن من حق الجميع الشارع ملكية عــــــــــــــــــــــــ ـــــــامة وفكره انك قطاع خدمي ومن حقك تمنع السيارات من الركن امام الصيدلية دة كلام اول مره اسمعه وملوش اي نص في القانون المصري حدود ملكيتك هو المحل فقط بالمساحة المكتوبة في عقد الأيجار او التمليك

سيانك اولا فيه حقوق كتير زي اللي كتبتهم قبل كدا
في حقوق ارتفاق وحقوق مرور وانه ممنوع الوقوف امام المحال العامه وحقوق ربنا انك متضيقش حد ووو
وكمان فيه نصوص تمنع الوقوف امام الجراجات و المحال العامه و في نصوص كتير او لا مجال لسردها
بس بهدوء برضو هو حضرتك بتتكلم عل انهي شارع بالضبط اصل انا مقرتش حد جاب سيره سارع عمومي ولا حاجه
ثانيا لو حتي عمومي فبلاش تركن ادام صيدليه بيجلها اي حد بيموت او حاله طارئه ولولا ان الله جعل الصيدلي سبب لماتت الحاله اللي معاه لغايه الاسعاف ما تيجي
بلاش يا جماعه حد يتعرض لموقف زي ده علي شان يحس
و لسه من كام يوم واحد من اللي كنوا بيجروا شكلي ابنه احتاج يعمل عمليه في القلب و الدوا ناقص جدا يكاد يكون منعدم وجالي بعد ما لف صيدليات مصر و الاخر جرب يجي لي طبعا جبت له الدوا ووفرت احتياجاته لشهر ادام وللعلم الزجاجه ب 3 جنيه صرفت اكتر من تمن الدواء محيله علي الشركات لغايه ما ربنا فرجها و جبت له ال 10 علب
فسيادتك عقد ايه و كلام ايه ايوه معايا عقود وفيها حقوق ارتفاق و كل حاجه بس ماجتش مره واحد ليه ظروف وركن امام باب الصيدليه وقلت له امشي
فيه زوق و ادب و اخلاق ومراعه للناس مش كدا ولا ايه
الكلام مش موجه ليك بس لتوصيل المعلومات و سهوله سرد الموضوع
تقبل تحياتي