أفيو ولا فرنا و لا لانوس

[POP EL GAMED]

حضرتك اكيد وضعه هيبقى عادى جدا لغايه ما يخلص ال60000 الف بتوع الضمان واعتقد انه برضه بعد الضمان ما بيخلص خلاص انت معندكش مشكله انك تودى العربيه لميكانيكى يظبطلك اى حاجه وياخد 50 جنيه فى حين انك ممكن توديها التوكيل وياخد منك 150 جنيه(كلامى منطبق على الجديد والقديم)
ثانيا انت بالطريقه دى هتعيش مع نظام صانه ال20000 صيانه ال30000 صيانه ال40000 وهكذا واللانوس مش عربيه معقده بحيث انك تحتاج تتعامل مع توكيل وتفضل تخش فى صيانات وتدفع عشان مجرد تغيير زيت وتربيط عفشه بتعمله اى بنزينه وبتاخد منك 20 جنيه(ده لو محطيناش فى حساباتنا العطله فى التوكيل)
ولا كلامى غلط

[sam ram]

انا معاك ... طبعا
التوكيل تضييع وقت ... و فلوس زياده
بس بيعرفوا يتعاملوا مع العربيه
وبعدين لما تكون جايب عربيه زيرو تمنها 60 70 الف ...اكيد مش حنستخسر فيها 100 جنيه زياده في الصيانه كل 3 4 شهور
الحاجه التانيه لو انت النهارده حتشتري عربيه زيرو .....
حتدور على وكيل ثابت و ظروفه ثابته .... و لا حتقول ايه المشكله امشي بيها زي ما تيجي تيجي... و غصب عن عينه هي في الضمان ..... اذا كان في توكيلات شغاله و معندهاش مشاكل و يقرفوا الناس في المعامله مبالك بقى بتوكيل ساب خط الانتاج ... او توكيل لشركه (لا قدر الله ) فلست.
ولا كلامي غلط

[POP EL GAMED]

ما هى المشكله مش فى ال100 جنيه الزياده
يعنى مثلا واحد صاحبى حب يرش رفرف وكان رد التوكيل
القطعه بتترش ب250 جنيه
اى ال4 رفارف ب1000 جنيه ونحط معاهم اكصدامين يبقى 1500
طيب كمان الشنطه والكابوت يبقى حسابنا(رش بس 2000 جنيه)
طيب ما هى تترش فرن ودوكو تمام التمام ومش هتتكلف اكتر من 1000 جنيه او تزيد يمكن 200 ولا 300 جنيه
وكمان ايه بقى لا هنشتغل فيها بعد اسبوع يعنى ادفع المبلغ ده وكمان هيشتغلوا فيها بعد اسبوع طيب هتاخد وقت ايوه هتاخد من اسبوع ل10 ايام يعنى هسيب عربيتى 15 يوم
طيب ده هى كبيرها بره 4 او 5 ايام بالكتير (ده لو قلنا انى هعمل فى العربيه شغل سمكره كمان)
يبقى التوكيل بيعمل ايه غير انه بيمص دمى
ثانيا الضمان كده كده بيتاخد الشركه سابت خط الانتاج انا ميخصنيش الموضوع ده انا لازم اخد قطعه الغيار اللى انا محتاجها (جوه الضمان)الشركه فلست(الشركه اللى فى مصر مش هتفلس هى لو الدنيا خربت هتسيب التوكيل)
وبرضه هتبقى مسئوله عن انها تجيبلى اى قطعه غيار احتاجها مش بمزاجهم برضه
ودى وجهه نظرى

[sam ram]

المشاركة الأصلية كتبت بواسطة POP EL GAMED ما هى المشكله مش فى ال100 جنيه الزياده يعنى مثلا واحد صاحبى حب يرش رفرف وكان رد التوكيل القطعه بتترش ب250 جنيه اى ال4 رفارف ب1000 جنيه ونحط معاهم اكصدامين يبقى 1500 طيب كمان الشنطه والكابوت يبقى حسابنا(رش بس 2000 جنيه) طيب ما هى تترش فرن ودوكو تمام التمام ومش هتتكلف اكتر من 1000 جنيه او تزيد يمكن 200 ولا 300 جنيه وكمان ايه بقى لا هنشتغل فيها بعد اسبوع يعنى ادفع المبلغ ده وكمان هيشتغلوا فيها بعد اسبوع طيب هتاخد وقت ايوه هتاخد من اسبوع ل10 ايام يعنى هسيب عربيتى 15 يوم طيب ده هى كبيرها بره 4 او 5 ايام بالكتير (ده لو قلنا انى هعمل فى العربيه شغل سمكره كمان) يبقى التوكيل بيعمل ايه غير انه بيمص دمى

احنا مش بنتكلم في السمكره .... انا عربيتي اتعملت ساندويتش و كانت لسه نوفي .... روحت عند سمكري في شبرا و ردتها على البارد
احنا بنتكلم في الصيانه و الضمان

المشاركة الأصلية كتبت بواسطة POP EL GAMED ثانيا الضمان كده كده بيتاخد الشركه سابت خط الانتاج انا ميخصنيش الموضوع ده انا لازم اخد قطعه الغيار اللى انا محتاجها (جوه الضمان)الشركه فلست(الشركه اللى فى مصر مش هتفلس هى لو الدنيا خربت هتسيب التوكيل) وبرضه هتبقى مسئوله عن انها تجيبلى اى قطعه غيار احتاجها مش بمزاجهم برضه ودى وجهه نظرى

بتشتري عربيه زيرو ليه؟؟؟ ... علشان عايز تريح نفسك ....والا كنت تجيب حاجه مستعمله اعلا (يعني بدل ما تدفع 70 الف في لانوس و لا افيو هات حاجه اوروبي او ياباني مستعمل ) وده مش موضوعنا

طب ازاي اريح نفسي و انا بجيب حاجه عليها مشاكل
يعني عايز تفهمني ان النهارده ابو الفتوح حيعامل الانوس نفس المعامله لما كانت معاه؟؟؟
اكيد لأ ..... يبقى انا استفدت ايه

انا مقتنع بكلامك تماما .... انما النقطه اللي عايز اوصلها ... ان العربيه الزيرو المفروض يكون ليها وكيل قوي و ثابت ..... لكن لما تكون الامور ملخبطه اجيبها ليه؟؟؟؟؟
هو انا بشتري زيرو علشان اريح نفسي و لا اجيب وجع دماغ!!!!

قبل أي حاجه خش على موضوعي ده عشان ناس كتير بتقول أفيو وهما ميعرفوش مشاكلها
http://www.masrmotors.com/vb/showthread.php?t=3627