سؤال لكل اللى عايز يشترى كليو او حتى بيفكر,,,,ليه تعمل فى نفسك كده؟

[d,mhmd brbry]

ماتقلقش يا عم تويوتا ده اللى بعمله بس مش هاركب مواصلات عشان ما اقعش تحت رحمة التاكسجية

[albasha]

المشاركة الأصلية كتبت بواسطة d,mhmd brbry اول ماتفكر فى الكليو استعيد بالله واستغفر وقوم صلى ركعتين وشيل الوساوس دى من دماغك الا ادا كان مرتبك معدى ال5 الاف ومش فارق ترمى فلوس كل شهر زكاة عن اللى هيتبقالك او كان فلوسك حرام فا مش هتفرق

كل ما أدخل القسم أقرا تعليقك وأقفل الموضوع وأقرا مواضيع تانيه بس ملقتش رد مقنع بالنسبه ليك
يا سيدي الفاضل واضح من البدايه إنك محددتش إختيارك صح للعربيه بمعني إنت عايز عربيه صغيره ولا عائليه ولا عايز عربيه شبابيه علشان كده لما ركبت العربيه لقيتها مش موافيه لطلباتك وفي نفس الوقت إنت حاسس إنك دافع فلوس في عربيه المفروض يكون فيها كل حاجه وللأسف ديه نظريه مش سليمه لإن المرسيدس غير ال128 ديه ليها إمكانياتها وديه ليها إمكانياتها
وكمان ممكن تكون وقعت في سوء إختيار للعربيه نفسها وتكون أخدتها من حد هاينه للنهايه فبالتالي إنت بتدفع ضريبة ده وده نظراً لسوء كشفك عليها من البدايه
طلب شخصي ياريت تقولنا إيه المشاكل اللي حصلت معاك وحلولها علشان نقدر نستفيد إحنا كمان معاك سواء مع العربيه ديه أو مع إختيار أي سياره أخري وهو ده الهدف الرئيسي من المشاركات والمواضيع اللي إحنا بنعملها
حاجه تانيه واضح إنك قافل تماماً من العربيه ديه حاول تبيعها ولو بخساره بس تكون أمين مع المشتري علشان ربنا يكرمك وميتكررشي نفس الموقف معاك مع عربيه تانيه
حاجه أخيره العربيه ديه ليها فئه سعريه معينه وبالتالي إمكانياتها في مقابل السعر أعتقد إنها مناسبه جداً خاصةً إنك مش شاري عربيه زيرو وندمان إنك دفعت ومستخصر تبيع علشان الخساره هتبقي كبيره ولو قارنت العربيات المستعمله في نفس الفئه السعريه ديه هتلاقيها أفضلهم
ولك مني خالص التحيات وربنا يوفقك في إختيارك للسياره القادمه إن شاء الله

[nasr78]

والله الباشا باشا كلام من الأخر وزى الفل الله ينور عليك ياباشا ..................:fun_36 _3_1[1]:

[d,mhmd brbry]

ماشى ياباشا شكل العربية مالية دماغك ومطمعاك بتفكرنى بشبابى وان انا الناصح الوحيد وكل الناس تقولى بلاش وان اقول ناس قديمة انا مفتح....العربية مفيش كلام سعرها ممتاز بالنسبة لامكانياتها والميجان برضة سعرها مغرى جدا بالنسبة للرفاهية اللى فيها مستعمل طبعا بس لازم تسال نفسك ليه سعرها قليل بالنسبة لامكانياتها وماتفتكرش انك اذكى واحد فى العالم..على فكرة انا كنت هاغير اجيب ميجان وكنت مصمم بس الوقتى خلاص استقريت على ماتريكس على فكرة انا مدمن رينو وركوبة سوبر وجميلة وتدمنها بس صدقنى مش حلوة لينا مش بتاعة شقى من الاخر واسأل كل اللى راكب كليو او ميجان وانت تفهم معنى كلامى الا اللى راكب كليو 2008 مش هيحس بده اوى انا عارف انك مش هتقتنع بكلامى وهتعاند زى ما انا عملت بالظبط واقل عقاب لعنادك انك تشتريها:w6w20050411220634 63 وعلى فكرة انا لمل جبتها كشفت عليها فى التوكيل وقالولى ممتازة ومع ذلك مافرقتش كتير هيا حلوة لو اانت فاضى تروع تقعد عند الصناعية بصفة مستمرة وماوركش شغل وحد بيصرف عليك ربنا يبعدك عنها اللهم بلغت اللهم فاشهد واسأل كتير

[d,mhmd brbry]

وانت ياعم ناصر انت شارى الكليو بقالك قد ايه ؟؟وتجربتك معاها عاملة اذاى...يا متر انا بقول تجربتى الشخصية وتجربة اصدقاء ليا وبقولها بكل امانة عشان اللى بيدور تكون قدامه كل التجارب وهوا اللى يحدد عشان مايرجعش يندم ولا انا من النوع اللى عشان اتدبس يقعد يحلل فلوسه واقول اشعار فى العربية ,,,وانا مش بقول عيوبها الرفارف والسقف فبر زى الجهلة لان دى ميزة مش عيب انا بقول انا العربية مش مناسبة لينا وعايزة ايدك فيها باستمرار لتضمن افضل اداء,,,على فكرة فى ناس راكبة كليو ومش حااسة باللى بقوله لانه بيركب وسورى يعنى بيلبص فيها وخلاص ومش فاهم يعنى ايه حساس الكرنك عاوز يتغير او الثروتل عاوز ينضف عشان العربية مخنوقة او البوبينا محتاجة تغيير او العربية سحبها وحش او لوحة الكنترول محتاجة اعادة برمجة اقص مفهوم له عن صيانة العربية انه يغير زيت ويرجع يحكى لكل قرايبه انه زاى وقف فى الحر اكتر من ربع ساعة عشن يغير زيت !!!!!!!ياحرااااام,,,تانى بقول العربية جيدة وسعرها ممتازة لكنها مش مناسة ل 80% من الشعب المصرى وشكرا