|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#36
15-05-2009, 03:51 AM
|
||||
|
||||
رد: قصة عبد الله00 عفريت حقيقى من الجن
-7-
خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله ذهبت معهم فى اليوم المحدد لزيارة الشيخ وانا فى قمه التردد وان كانت نفيى تتلهف لمعرفة ما يحد ث فى هذه الجلسات 00وهل ما يحدث حقيقة وما اسمع واقع يتم بالصورة والكيفية الخرافية التى يرددها معظم الناس00 كانت بالنسبة لى تجربة فريده وخطوة نحو فهم هذا الشىء الغامض واتخاذ طريق الرفض التام او النفى الكامل النهائى! خاص بمصر موتورز كانت فتاتنا فى هذا اليوم فى كامل عافيتها وبدا انها فى صحة جيده وعندما دخلنا على الشيخ رحب بنا جدا 00كان مضيافا لطيف الكلام رصين العبارة هادىء الصوت مهاب الشخصية بصوته الرخيم القوى واتسعت ابتسامته عندما علم انى طبيب وقال: -يا مرحبا بأهل العلم دلوقتى نعرف ان كان ليها سكة فى الطب ولا سكتنا وأخذ كوب وقرأ عليه آيات من الذكر الحكيم ثم قال: -بص ياسيدى ده مش سحر 00ده قرآن00آيات من البقرة والصافات والمعوذتين وأعطى الكوب للفتاه وقال لها اشربى بسم الله وبسملت الفتاة وشربت ولم يحدث شىء ثم قال لها اشربى دون بسملة فشربت واذ بالتشنجات تحدث وبصورة كبيرة والفتاة تتلوى وتنتفض ثم تهدأ وانا مشدوه وهو يمنعنا من الاقتراب منها جميع الحقوق محفوظة للمؤلف د0تامر محمد قلت : -هوه ايه اللى بيحصل؟ -الشيطان لايقرب ما ذكر اسم الله عليه00لما شربت باسم الله لم يشرب ولم يحدث شىء وعندما شربت بدون ذكر الله شرب معاها وكانت الميه نار بتحرقه البت ملبوسه ولازم نخرجه منها بسم الله توكلنا على اللهتجمدت فى مكانى والرجل يقرأ الآيات وانا فى قمة الدهشة من الجسد المسجى امامى باستسلام بلا حراك خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله واذ به فجاة يضربها بعصا ويقول فى بأس وقوة: -أخرج ياعدو الله ولم يسمع شىء فضرب هذه المرة بقوة وهو يقول بشدة اكبر: -أنت مين؟ واذ بالفتاة تتحدث بصوت غليظ خشن 00صوت كله رجوله من فتاة رقيقة الصوت خافتتة النبرات: -أنا عبد الله -أنت كاذب -أنا عبد الله -اسمك ايه؟ وضرب الفتاة فتأوه هذا الصوت الغريب وهو يقول: -اسمى عبد الله -لا00أنت كافر -لا أنا مسلم -كداب يا كلب وضرب الفتاة بقسوة والغريب انها لا تتألم لهذه الضربات الموجعة وحاولت ان امنعه من هذه القسوة ولكنى لم استطع وكأنى تجمدت فى مكانى والتصقت به وكأن لسانى خرس والدهشه تدثرنى00 تأوه هذا أكثر وتوجع قبل ان يقول =أنا زاف -أخرج منها ياعدو الله -لا -أخرج -لا00لا00لا وتوالت الضربات الموجعة00فقال وهو يتالم -ح أخرج 00ح أخرج -ياالله اخرج -ح أخرج بس من عينها -ياكلب 00أنا ح أحرقك وانتفضت الفتاة بشدة وتلوى جسدها فى تتابع غريب فانهال الشيخ بضرباته الموجعة ممنوع النقل او الاقتباس او النشر خارج الموقع فقال هذا: -حاضر ح أخرج 00بس انا بحبها حرام عليك -حرمت عليك عشيتك 00اخرج اخرج من صابعها ياكلب -حرام عليك ياشيخ انا بحبها انا عايز اتجوزها وحياة ابنك على سبنى -أخرج ياكلب حالا وضرب ضربتين متتالين -حاضر 00حاضر -يا الله قبل ما أحرقك 00أنا صبرى نفد أخرج ضرب الشيخ ضربة قويه ثم ضرخ فيه: أخرج أخرج أخرج خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله واستفاقت الفتاة وأخذت تتلفت حولها فى ذهول نظرت الى امها وهى تقول: -أنا فين يا أمه هوه حصل ايه؟ ضمتها أمها لصدرها وهى تبكى: -ياحبة عينى ياقلبى كان الشيخ يبدو منهكا جدا00وكأنه خارجا لتوه من حرب ضروس كنت مشدوها ولم استطع ان اتفوه بكلمة واحدة وعقلى مازال لا يصدق ما حدث وان كنت قد سمعت عن معظم مادار لكن رؤية العين والتجربة شىء آخر قال الشيخ: -شرفتنا يادكتور مش كل حاجه علاجها الطب الامراض الروحية واللبس علاجه كلام الله وانصرفنا من عند الرجل وانا فى دهشة وأكاد لا اصدق فقد كانت اول مرة أرى هذا الرجل عن قرب وكانت معرفتى به خطيبا منبريا عذب الحديث طالما استمعت له واعجبتنى خطابته وعذب حديثه وكان فى هذا العمل لوجه الله لا يتقاضى مليما وان كان يخسر من جيبه اكرم ضيوفه بسخاء وكرم منقطع النظير ! ومرت الايام وترددت علىّ الفتاة وكانت منتعشه ومتفتحة كوردة الربيع لم تعانى مما قد عانت منه وقد شفيت تماما من علتها التى أضنتها شهورا وياللعجب وانتهت قصة الفتاة ولكن لم تنته التجربة التى تكررت ! خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله وللحديث بقية باذن الله
__________________
التعديل الأخير تم بواسطة sh_masry ; 17-05-2009 الساعة 04:40 PM 
|
|
#37
17-05-2009, 03:10 AM
|
||||
|
||||
|
رد: قصة عبد الله00 عفريت حقيقى من الجن
-8-
أنا والدجال خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله ********* خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله تم طلبى لحالة فى غيبوبة وقيل انها فى هذه الغيبوبة منذ نصف ساعة وذهبت اليها على عجل وحاولت استفاقة الحالة فاستجابت وعاودت الدخول الى الغيبوبة مرة أخرى وكانت من النوع النفسى فقمت بكتابة روشته تحتوى على محلول وريدى وبعض الحقن وقمت بتركيب المحلول واثناء ذلك 00دخل علينا شاب فى الثلاثينات من العمر قابله الناس بترحاب وهم يدعونه بالشيخ! وكان هذا الشيخ صديق لشقيق هذه السيدة المريضة نفسيا والتى تم علاجه من قبل على يد أطباء نفسيين00دخل الشيخ الذى لا يوحى شكله ولا هيئته ولا طريقته فى الكلام بانه ربع شيخ حتى! تقدم من الحالة فاستفزنى وانا اشعر بالضيق والاحراج الشديد فلماذا طلبونى وهم يعتقدون فى هذا الدجل! خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله سألته: -انت ح تعمل ايه؟ -الست دى ملبوسه وانا ح افوقها -يا سلام -فى اقل من خمس دقايق ح تفوق -على فكره هيه مش ح تفوق قبل نص ساعة من دلوقتى خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله قال مبتسما فى سماجة: -اقل من خمس دقايق وحتفوق -هوه انت بقى دكتور ولا ايه عشان تفتى؟ -لا 00انا بعالج بالقرآن00والست دى انا معالجها اكتر من مرة -ياراجل وشهاداتك ايه بقه ؟ -انا حاصل على معهد عالى -من الازهر ياترى؟ -لا00معهد لاسلكى -هههههههه ونعم ياسيدى وانت بقوا درسوا ليكو هناك بقى قرىن وفقه وأصول دين! -ده اطلاع وثقافة وايمان -ربنا يقوى ايمانك اتفضل شوف شغلك خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله وقام صاحبنا بالامساك بالاذن اليسرى واخذ يتحدث فيها لمدة ثلاث دقائق وكلما مر الوقت كلما احمر وجهه وبالطبع انا عارف اللى فيها ولولا وجودى لكان استطاع سبك النصبه ولكنى كنت له بالمرصاد لانى متأكد من ان الحالة سليمة من هذه الناحيه وما هو الا مرض نفسى لا اكثر قلت: -ها 00 يعنى ما فاقتش خاص بمصر موتورز 00يحذر النقل قال: -ح تفوق حالا -يارب يا مسهل واخذ الاذن الثانيه واخذ يقرأفيها ومرت دقيقتين بلا جدوى طبعا خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله قلت ساخرا: -انت عارف لو كنت اتكلمت فى اليمين قبل الشمال كانت فاقت لكن ممكن تعملها تانى نظر لى فى غضب ولم يستطع ان ينطق بعد فشله وانا مصر على كشفه وتأديبه التفت للجمع وقال: -اللى عليها متربس ومش ح يفك قبل ساعة ولا اتنين قلت: -هى تلت ساعة وح تفوق قال: -مستحيل00 -دا أنت واثق من نفسك قوى -طبعا لانى عارف انا بعمل ايه -لا باين انك متمكن جدا قال منتفخا: -انا بعون الله اتعاملت مع آلاف الحالات زى دى واصعب مليون مرة -الخبرة طبعا مهمة خاصة فى مسألة العفاريت اللهم احفظنا هوه انت سنك على كده قدين؟ -خمسه وتلاتين -لا والله مبدع بصحيح يعنى انت شايف انها قدامها ساعة لما تفوق -مش اقل من كده قمت من مجلسى وقلت: -طيب ياجماعة 00معاكو الشيخ الخبرة وهو اكيد ح يعمل اللازم00أستأذن انا بقه خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله قالت سيده: -يعنى مش ح تستنى لما تفوق يا دكتور -انت كل اللى يهمك انها تفوق -طبعا قلت: -بسيطة يا ست الكل جميع الحقوق محفوظه للكاتب د0تامر محمد وذهبت للحالة ثم نقرت أعلى أنفها بشدة فاستفاقت من غيبوبتها! فتحت عينيها00 ثم همّت لتجلس وهى تتلفت حولها! نظرت للشيخ وقلت: -اتقى الله ياراجل يا بتاع الساعة وكفايه نصب على الناس الغلابه الله يلعن ابو الجهل يا 0000 شيخ خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله تركتهم ووجه الشيخ المزعوم محتقن بالدماء حمدت الله انه نصرنى عليه وانتصر لمهنة ساميه جعلت لتخفف آلام الناس خاص بمنتدى مصر موتورز و غير مسموح بالنقل او الأقتباس الا بأذن من الكاتب و من يفعل غير ذلك فللكاتب حق امام الله تتبع باذن الله
__________________
التعديل الأخير تم بواسطة sh_masry ; 17-05-2009 الساعة 04:38 PM
|
|
#38
17-05-2009, 10:36 AM
|
||||
|
||||
|
رد: قصة عبد الله00 عفريت حقيقى من الجن
بس انت جرى قوى يادكتور
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#39
18-05-2009, 02:52 AM
|
||||
|
||||
|
رد: قصة عبد الله00 عفريت حقيقى من الجن
-9-
العفريت شلبى ************ زارتنى فى العيادة سيدة بدت من أول وهلة00انسانة غير طبيعيه فهى تتلفت خلفها تقريبا كل لحظه ونظراتها زائغة وحديثها غير مرتب وكلمة من الشرق على كلمة من الغرب! نهرتها السيدة المرافقة لها: -كفاية وجعت دماغ الدكتور الله يخرب بيت شلبى قالت معنفة: -ما تشتميش شلبى لحسن تخلصى على شلبى ويقطع رقبتك او تخليه قرد ويسحبك يفرجك على الناس وهكذا كان حديثها فلا تعرف من على من !! الكلام تقريبا معكوس ويجب ان تعيد ترتيبه حتى تفهمه! الصراحة ابتسمت وكدت ان أضحك من طريقتها الغريبة الفريدة فى الكلام ولكنى تساءلت فى فضول: -مين شلبى؟ قالت المرافقة: -ده عفريت عليها -عفريت00ههههه -بقاله خمس سنين مدهولها خاص بمصر موتورز -ومين اللى قال ان عليها عفريت؟ -كذا شيخ قالوا كده -يا سلام قالت السيده: -حبيبى يحبه شلبى امبارح انا جتله وقلت له 00انتى لازم تتجوزينى كفايه طولت الخطوبه -انتى بتحبيه؟ -هو احبه لا هو يحب انا مش حبنى قلت فى سرى الله يخرب بيتك من الهندى اللى بتقوليه00معرفتش مين اللى بيحب مين فقلت: -انتى بتشتكى من ايه؟ -راسى فى صداع لما عينى بتوجعنى ظهرى قايم عليا جميع الحقوق محفوظة للكاتب د0تامر محمد -ممكن تانى عشان مش فاهم حاجة قالت السيدة المرافقة: -راسها بتوجها وبتسمع فى عينها وضهرها قايم عليها -دا أنتى فاهمه لها مترجمه تمام -من امتى؟ -النهارده امبارح عينى شهر ضهرى صداع قالت المرافقة: -من شهر ضهرها وجعها00 وبعدين راسها وامبارح والنهارده عينيها -طب قومى لما نكشف عليكى وعندما قامت نظرت للسقف فى مفاجأة وقالت: -شلبى00 وليّه ادبح شلبى وأخذت تشوح بيديها وتضرخ: -شلبى00أمك روح كلب ومجموعة أخرى من السباب المنتقى وكان من الواضح انها تسب الاخ شلبى قلت: -هوه يوم باين من أوله00صبرنى يارب وعندما قمت بالكشف عليها ومع أول ضغطة لقياس الضغط أزاحت يدى وقامت منتضفة: -روحك لم00أخلص مجنونة عليك00نروح لما أوريك عبيطة يا بن جميع الحقوق محفوظه أكملت الكشف بصعوبة وانا منفعل وفى ذات الوقت مبتسم00شىء غريب وانسانة لم أر لها مثيل !! كان الضغط مرتفع ويبدو انه من فترة وهو سبب الاعراض التى تشكومنها كتبت لها علاج وأخذت أصفه لمرافقتها فقالت: -شلبى اتنين وانا قالت المترجمة: -بتقولك أعمل حساب شلبى فى الجرعة قلت: -شلبى لو خد من الدوا ح يخلص عليه قالت: -يخلصوا عيلة عليك قالت المترجمة: -بتقول يعنى لو جراله حاجة عيلتة يخلصوا ولا مؤاخذه عليك -زى بعضه00قل لن يصيبنا الا ماكتبه الله لنا بالمناسبه هيه كانت طبيعية قبل كده -كانت ست الستات لحد ما صابها المدعوق ده -عرضتوها على دكاترة مخ واعصاب او طب نفسى -كتير وقالوا عندها هلوسة وضلاليات -قصدك هلاوس وضلالات بصرية وسمعية -ايوه تمام كده وكمان قالوا عندها انفصال فى الشبكيه -انفصام فى الشخصيه -انا عارفة بقة هو كنت دكتورة -طب والشيوخ عملوا ايه مع سى شلبى -محدش عارف يطلعه منها -ليه؟ متبت ابن ال00 -ملعون ابن كلب -انتى متخافيش منه -طب يطلعلى ابن ال00 قالت السيدة: -شلبى خلصى النهاردة عليه -طب يبقى يورينى وانا اقطعة ف أكياس الاعادة امتى يا دكتور؟ -كمان شهر لو بقت كويسه متجيش -ربنا يهدك ياشلبى وانصرفت هى وشلبى وانا متأكد من ان شلبى ما هو الا مرض نفسى ولكن لم تنته قصة شلبى ربنا يهد شلبى والى لقاء
__________________
|
|
#40
18-05-2009, 11:08 AM
|
||||
|
||||
|
رد: قصة عبد الله00 عفريت حقيقى من الجن
ههههههههههههههه شلبى ده مشكله باين عليه
__________________
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
|
|
