|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#63
04-10-2009, 05:33 AM
|
||||
|
||||
رد: قصة عبد الله00 عفريت حقيقى من الجن
تابع ساكن السطوح
_______________ تعود صاحبنا على زيارة أنهار له فى آخر كل ليلة وأصبح يترقب هذه السيارة على أحر من الجمر حتى أنه كان يتخيل حوارا يدور بينه وبينها ويحاول أن يجهز نفسه بالحديث معها ويعد الكلمات والموضوعات وتطور الامر لتعلقه الشديد بها ثم الولع والحب ! حدث كل هذا فى أيام لم تتخط الشهر! وفى هذا اليوم الذى زارته فيه كانت متأنقه للغاية وفى أبهى صورة لها ويفوح عطرها فى السطوح كله وكأنه أريج من زهور الجنة 00 قال عندما رآها بهيام: -وحشتينى00 قال بدلال والابتسامة تغرق وجهها: -بجد قال بنفس الهيام والتدله: -وحشتينى جدا زادت ابتسامتها وقالت: -ياه دا أحنا أتطورنا قوى! قال بجديه: -حبى ليكى ينطق الحجر قالت بنفس الابتسامة: -بتحبنى بجد ؟ -طبعا طبعا وبموت فيكى كمان -يعنى محبتش حد قبل كده؟ -والله العظيم أبدا ولا عمرى حسيت بالحب -صادق 00أنا عارفه -عارفه منين؟ -باين عليك -آه00بس معقول باين للدرجة دى مش يمكن بكدب عليكى قالت بثقة: -لا00 متقدرشى تكدب عليا -ليه يعنى مكشوف عنك الحجاب -يعنى 00 -قصدك ايه؟ -تقدر تقول كده00 أحساسى عالى شوية -ما علينا00 بس أنا خايف لحد ياخد باله مننا وموضوعنا ينكشف وأهلك يعنى ي00000 -ميهمكش00متقلقش -أنا خايف عليكى تأففت: -يااااه على صاحبك الرخم ده !! عن أذنك تركته وأنصرفت مهرولة ناحية السلم تركته لدهشته النى زالت عندما رأى صديقه صاعدا اليه! قال صديقه: -يا عم شوفوا لكم حل لنور السلم ده 00 الواحد بيطلع يتكعبل ميت مرة قال باستغراب: -ما هو منور زى الفل آهه يابنى نظر صديقه للخلف: -غريبة ما هو كان متنيل مطفى 00 هوه مستقصدنى ولا أيه؟ -مش ح تيجى نقرا لينا كلمتين ولا عايز أيه؟ -يا عم فكها بلا وجع قلب -ما أنا كنت فاكهها الله يسامحك00 جمال الطبيعة والريحة الحلوة قال صديقه بسخريه: -جمال طبيعة ف شوية كرركيب فوق السطح ياسلام00!! وريحة عشة الفراخ ولا فيش أحلى من كده قال فى ضيق: -معندكش احساس وعارفينها لكن كمان لا بتشوف ولا بتشم! تشرب شاى -نشرب 00احنا ورانا حاجة -آه مذاكره يا فالح -ياعم خمس دقايق وأسيبك أبقى ذاكر براحتك00ياباى عليك موس00 يا جدع فيه حاجات حلوة جنب المذاكرة -زى أيه يا فالح؟ -فسحة حلوة00 تعميرة مخ 00 موزة ستايل عيش يا معلم -سيبناها لك -آآآآة ياما تحت السواهى دواهى طب عينى ف عينك أشاح بوجهه عن صديقه وأنطلق للداخل يعد كوبين من الشاى تتبع
__________________
|
|
#65
04-10-2009, 07:34 AM
|
|||
|
|||
|
رد: قصة عبد الله00 عفريت حقيقى من الجن
بس ممكن استفسار يا دكتور انت ازاى حافظ القصص دى كلها بالتفصيل وغير كده اشمعنا انت اللى اتكررت معاك بالشكل ده وبالكميه دى
بس الله ينور عليك اديب فعلا فى الروايات انت المفروض تعمل قصص وروايات الجيب دى طنطاوى مش اونطجىptmnlo123per1147
|
|
|
|
