شهادة تأدية الخدمة العسكرية للمرحوم خالد سعيد

[black_cres]

الى صاحب الموضوع
انا مش هقول لحضرتك اذكروا محاسن موتاكم ولا هسألك عن السبب في وصول خالد الله يرحمه واللي زيه للحال دا
انا هسألك سؤال تاني هل لو شخص قتل الف واحد وسرق ونهب واغتصب (مش بس على حسب الشهادة اللي حضرتك جايبها كانت اخلاقه رديئة ف الجيش) وعمل كل شئ مخالف للقوانين هل يكون من حق الشرطة (أو بالاصح مخبريها) انهم يقتلوه بالطريقة دي ؟؟

[tarbook]

انا مع اختنى مرمر فى كل الى قلته لا حول ولا قوه الا بالله

بسم الله الرحمن الرحيم
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )
صدق الله العظيم

[black_cres]

المشاركة الأصلية كتبت بواسطة فادى قد يبدو الامر فرعيا الا ان دلالاته عظيمة و معبرة, بعيدا عن خالد سعيد, فان الاثبات الذى امامنا يأخذنا بطريق اخر تماما, لنعرف كيف كانت حركات المعارضة مثل 6 ابريل و كفاية و جرائد الدستور و حزب الغد و صفحة كلنا خالد سعيد و غيرهم و هم من وراء الثورة يخدعوننا و يكذبون بلا ضمير و يوجهون الرأى العام و يشكلونه عبر ديماجوجيات معظمها من الأكاذيب! لمن كان يقرأ قبل الثورة فانه يتذكر جيدا حديثها عن الفساد دونما دليل و كلو كلام فى الهواء, جريدة الدستور مثلا لم تترك اسبوعا و تكتب عن احمد عز (مش عارف ليه احمد عز بالذات!) و الحديث عن فساده و صفقاته المشبوهة بينما كانت تتجاهل مثلا رجال أعمال أخرين (لم اراها و لو مرة تتحدث عن ساويرس أو احمد بهجت على سبيل المثال لا الحصر رغم انهم أكثر ثراء من احمد عز). شيئا فشيئا نجحت حركات المعارضة فى صناعة قضايا فساد معظمها دون دليل واضح, و دغدغت المشاعر بالحديث عن الفقر و سياسات الحكومة الرأسمالية القاسية فى مصر متجاهلة تماما أن حكومة أحمد نظيف حققت معدلات اقتصادية أكثر من جيدة (هذا حقيقى لكنها ادت الى ارهاق الشعب المصرى). ادبيات المعارضة ما قبل الثورة تصور مصر على انها بلد يعيش على الفساد, و هذا ليس صحيحا, مصر بلد بها فساد هذا صحيح و لكنها ليست بلد الفساد. قالوا ان ثروة مبارك 70 مليار و اكتشفنا ان ذلك مستحيل و الا لكان الرجل اغنى اغنياء العالم ثم خفضوا المزاد الى 3 مليارات و الان لم يجدوا سوى 146 مليون كان حسابا باسمه لجمع تبرعات مكتبة الاسكندرية. اذا كانت المعارضة قد كذبت هنا, فما الذى يضمن لنا انها لم تكذب فى الكثير من المواضيع الأخرى.

بالنسبة لنقطة رجال الاعمال ما تمش ذكر اسماؤهم لان رجال الاعمال اللي سيادتك ذكرت أسماؤهم ما لجأوش لاحتكار سلعة ضرورية من اجل الثراء زي الحديد ما دمجوش المال بالسياسة واستغلوا قربهم من دوائر اتخاذ القرار في صدور قوانين تحقق مصالحهم زي حمادة عزو دا ما عمل
بالنسبة لكلامك عن ثروة مبارك انا معاك ان كان فيه مبالغات في تقدير الرقم لكن سيادتك برضه ما بصيتش لحسين سالم اللي الكل عارف انه كان مجرد واجهة لمبارك
مبصيتش برضه لابناء حسني مبارك ومقدار ثرواتهم ما بصيتش لسوزي نفسها اللي دفعت ملايين وتنازلت عن ممتلكات (رغم انها بدون عمل) جابت الحاجات دي منين؟؟؟؟!!!!!!!!!!!!!!

[black_cres]

المشاركة الأصلية كتبت بواسطة mf86 اخي الغالي من الممكن ان نختلف انا وانت في وجهات النظر لا ان اتهمك في اخلاقك او بالتزوير دون بينة وكما قلت اعلم انه من الخطا ذكر بياناتي العسكرية ولكن ليعلم الجميع انني لست مزورا او مراهقا ط ثم اني لو اردت فضيحة اكبر للمرحوم لجئت بملف خدمته كاملا وماخفي كان اعظم ... اللهم احفظ مصر واهلها

والله انا شايف كلام حضرتك كلام مرسل مفيش دليل عليه
حضرتك حاطط صورة لشهادة الخدمة العسكرية ايه الدليل على انها صحيحة ؟؟
بتقول ممكن تجيب ملف خدمته في القوات المسلحة (مع احترامي ليك ) انا اللي اعرفه عن القوات المسلحة المصرية انها كيان منظم مش اي حد ممكن يجيب اي حاجة فيها والملفات في القوات المسلحة مش سايبه عشان يبقى لسيادتك المقدرة انك لو اردت تجيب الملف وتنشره اعتقد ان الملفات دي بتعتبر من اسرار الجيش زي بيانات حضرتك اللي حضرتك كتبتها في مشاركة سابقة !!!!!!

المشاركة الأصلية كتبت بواسطة mf86 تاني هتقولي هو سبب الثورة لاحول ولاقوة الا بالله سبب الوفاة "الاختناق نتيجة ابتلاع الباااانجو"

هل برضه سبب الوفاه كان موجود في ملف اداء الخدمة العسكرية؟!!!
سيادتك متأكد كدا منين؟؟؟؟؟؟؟؟؟؟؟؟؟؟

المشاركة الأصلية كتبت بواسطة islamhelal يا جماعة انا عايز اعرف حاجة بسيطة هو انا لو اتكلمت على حقيقة المرحوم خالد سعيد ابقى صهيوني عميل و من فلول النظام السابق و بعشق مبارك و ببوس التراب اللي بيمشي عليه ؟؟؟؟!!!!!! انا مثلا من اسكندرية و ساكن في منطقة بعيدة عن المنطقة اللي كان ساكن فيها المغفور له بس واحد من صحابي في الكلية (وهو ساكن قريب من المرحوم خالد) كتب مرة على الفيس ان خالد سعيد كان ديلر معروف في المنطقة عندهم و النتيجة ايه اتمسح بكرامته الأرض عشان قال كلمة حق...... في وقت مفروض ان الثورة قامت عشان كلمة الحق تظهر و هي ان مبارك و بقية عائلته حرامية كبار جدا و دمروا بلدنا و دي حاجة مفهاش جدال. اعتقد ان اختيار خالد سعيد بلذات عشان يبقى رمز للثورة و الوقفات و الأعتصمات اللي كل يوم و الذكرى السنوية بتاعت المرحوم خالد و ممكن كمان نلاقي يوم قومي يبقى اجازة رسمية عشان المرحوم خالد !!!!! يعني اكيد ان من الظلم ان مثلا عرابي كان رمز لثورة 1881 و سعد زغلول رمز لثورة 1919 ..... اعتقد ان من الاولى ان مثلا يبقى رمز للثورة بتاعتنا واحد زي سيد بلال اللي عياله اتيتمت بدري ظلم (مع اني مش سلفي او حتى مؤيد لفكرهم) او اي شهيد من شهداء الثورة زي سالي زهران و غيرهم كتير يا جماعة ارجوكم متخدوش الموضوع ده بحساسية كبيرة جدا لأني شايف ان النظام سقط فعلا بس اللي يختلف مع النظام الثوري الحالي يتم التنكيل بيه برده و كأن مفيش حاجة اتغيرت.....

يا سيدي الفاضل الموضوع مش انه كان ديلر أو كان مدمن أو حتى ما كان اخلاقه زفت في اداء الخدمة العسكرية
السؤال هل يجوز لاي جهة شرطية ان تحكم بقتل شخص لمجرد انه خالف القوانين

[mf]

العضو black_cres

انا عمري مهقول حاجه الا لما اكون متاكد منها

ودا سبب وفاة المرحوم خالد سعيد من تقرير الطب الشرعي