أشترى اوبل كورسا 2007 ولا لأ

[joko95]

السلام عليكم وكل عام والجميع بخير
أريد ان اسال عن اوبل كورسا 2007 قدامى واحده كويسة وعايز اعرف كل مميزاتها وعيوبها وثباتها اخباره ايه والسعر برجاء الافاده سريعا
وشكرا

[phantiza]

شوف ياخي الكريم
اخوك كان معاة اوبل مو94 1200 سي سي شوفت الويل عشان قطع الغيار النار مع العلم ان دة اقل اسعار في الاوبل والحمد لله بعتها بعد سنة من عرضها للبيع اي والله سنة كل الي يسمع كلمة اوبل يخاف
لو سياتك مش من النوع الي بيحب يغير او مش فارق معاك اسعار قطع الغيار النار ربنا يوفقك عربية محترمة طبعا

[harpoonattack]

المشاركة الأصلية كتبت بواسطة joko95 السلام عليكم وكل عام والجميع بخير أريد ان اسال عن اوبل كورسا 2007 قدامى واحده كويسة وعايز اعرف كل مميزاتها وعيوبها وثباتها اخباره ايه والسعر برجاء الافاده سريعا وشكرا

السلام عليكم ورحمة الله ،،،
اخى الفاضل كل عام وانت بكامل الصحه
احب اقولك ان العربيه دى من افضل العربيات وانا عندى كورسا موديل 2005 معايا من الزيرو وفكرت ابيعها كتير عشان اجيب اوتوماتيك وبتراجع لحبى فى العربيه لان ما فيهاش حاجه وحشه وطبعا مفيش اختلاف بينها وبين ال 2007 الا فى كلام فارغ بل يكاد يكون مفيش اختلاف بينهم اصلا لانهم كلهم نفس الشكل ونفس الاوبشن بس منصور بيستهبل ويخزن ويخرج اللى عنده كل سنه مع تغير تافه هو بيعمله يعنى مثلا يغيرلك شكل او مكان اريال الكاسيت ،،، عموما العربيه دى اكثر من مذهله عربيه محترمه اصيله اعطالها معدومه بمعنى الكلمه سريعه جدا استهلاكها للبنزين ممتاااااز يعنى مافيهاش عيب غير ان ما نزلش منها اوتوماتيك والاحسن من كل ده ان قطع غيارها متوسطه السعر هى والاسترا طبعا غير الفيكترا خااااااااااالص . توكل على الله وانا تحت امرك فى اى حاجه .


خالص تحياتى واحترامى للجميع

حازم عبد السلام
محاسب بالهيئة العامة للرقابة المالية

[Mexmarine]

سمعت كتيييييييييير عن عيب فى طلمبه البنزين و انها بتتغير كل 30000 كيلو بالف جنيه و اعرف واحد باعها بالسبب ده !!لكن موتورها باسم الله ما شاء الله خرافى

[tananybasha]

فين صورة الكرولا