خلاص هشتري a113 .. انصحوني

[مصر حرة]

السلام عليكم

أنا بقالي فترة محتارة وكنت مقررة أجيب هيونداي أكسنت موديل 2000 أو في الحدود دي.. وبعدين خفت من المستعمل وإنه مش مضمون وممكن يكون فيه تلاعب..

فقررت أجيب زيرو وطبعا المبلغ اللي معايا خلاني أفكر في الصيني، وعجبتني a113..
ممكن أجيب كسر زيرو أو موديل حديث 2009 مثلا .. بس لقيت الزيرو اضمن..
وهدفع 70% من قيمتها أو أكتر .. وعاوزة اقسط الباقي

ياريت تنصحوني بأفضل مكان للشراء..

وعاوزة قسط إسلامي أو مباشر..

ايه الخطوة اللي بتتاخد الاول..
لو بنك فيصل..
أروح معرض الاول وبعدين اتفق مع البنك يشتري منه..
ولا العكس..

بصراحة الحاجات اللي معكننة عليا شوية الكلام اللي سمعته ان العربية مفيهاش أمان.. وانها ممكن تتعرض لأعطال وهي واقفة في مكانها، في كلام عنها بيزن في دماغي بس القرار النهائي اني اشتريها لمميزاتها الواضحة.. فضلا عن ان شكلها حلو وحديث والنقطة دي فارقة معايا ..

[YahiaAshraf]

بص حضرتك ده موقع ممكن تعرض عليه نظام التقسيط اللى انت عاوزه http://www.contactcars.com/default.a...وقسوقسوقسوقسوق

[aliaboali]

انا شارى العربية من يوم 9-6-2011 عن طريق بنك ناصر دفعت 8000 مقدم والقسط 761 على 7 سنوات بدون اجبارك على التامين على العربية
شرط تجيب 2 موظفين ضامنين او تحط وديعة 26000 لو مفيش موظفين يضمونك

القسط إسلامي وبلاش فيصل شروطة سيئة جدا انالفيت على كل بنوك مصر قبل الشراء وان شاء الله هاعمل الموضوع بالتفصيل بس اغير الkeyboard علشان بايظة

[محمد زكي]

والله انا كمان بفكر جدا في العربيه دي كسر زيرو وان شاء الله ناوي عليها واعتقد ان مميزتها تغطي علي عيوبها

[مصر حرة]

المشاركة الأصلية كتبت بواسطة aliaboali انا شارى العربية من يوم 9-6-2011 عن طريق بنك ناصر دفعت 8000 مقدم والقسط 761 على 7 سنوات بدون اجبارك على التامين على العربية شرط تجيب 2 موظفين ضامنين او تحط وديعة 26000 لو مفيش موظفين يضمونك القسط إسلامي وبلاش فيصل شروطة سيئة جدا انالفيت على كل بنوك مصر قبل الشراء وان شاء الله هاعمل الموضوع بالتفصيل بس اغير الkeyboard علشان بايظة

شكرا على الرد..
وياريت حضرتك تقولنا العربية عاملة ايه معاك..