تركيب تكيف سبليت

[tham1010]

يعد أسبوعين من تجربة التكيف. الحقيقة LG كان أختيار جيد. لا يوجد صوت ودرجة الحرارة 24 لا تحتمل. اتمنى يوم حار جدا حتى يتبت هذا الجهاز كفائتة. الحقيقة حتى المروحة بدون عمل الكمبروسور تخرج هواء منعش مع عمل فلتر البلازما المنقى للهواء. التحكم فى فتح التكيف عن طريق الريموت تجعلنى أغير إتجاه الهوا لاعلى ولاسفل على حسب الحاجة.

الشئ الملفت لى ولا اعرف إذا كان موجود فى كل التكيفات أم لا هو أن التكيف يغطى جيدا من اللحظة الأولى لعملة المنطقة المقابلة له ولكن أطراف الغرفة البعيدة عن مواجهة فتحة التكيف لا تشعر بها بتغير إلا بعد مرور عشرين دقيقة مثلا. الجو يتحسن تديجيا فى المناطق الغير مواجه لفتحة التكيف ولكن الجلوس أمام التكيف على درجة 24 هو لا شئ لا يحتمل. ثلاجة بجد. لسة إستهلاك الكهرباء هعرفة بعد مرور الشهر لحساب الإستهلاك.

[أشرف بيبو]

السلام عليكم

ألف مبروك ، مكيف السبلت جميل جداً خصوصاً لما يكون صناعة قوية زي LG

كنت حسألك بعد اذنك

ممكن رقم الموديل

LG بتيجي عائلات و موديلات كتير

زي ( سمارت و فرش و تايتان و و و ) اعتقد هما 7 عائلات و الموديلات حدث و لا حرج

على فكره البلازما بيجي في الموديلات الفل اوبشنز

على حسب قرائتي ل LG

طبعاً انا زيك اشتريت المكيف بس لسى ما خلصتش شغل و حركبه قريب جداً

الحاجة الل مش عجباني قبل التركيب هيا النحاس

بيقولو استبدل النحاس تمديدات النحاس اللي بتيجي مع المكيف ب مواسير نحاس امريكية بتاعت شركة muller و بمقاسات معينه

[waleed_d82]

الف مبروك علي التكيف يا باشا وبالنسبة لموضوع التوزيع دا موجود في كل التكيفات وبتظهر اوي لما يكون التكييف واخد جنب في الاوضة مش في منتصف الاوضة

[farselkon]

حضرتك متأكد إن التكييف بارد بس عايزك تتأكد وترد عليا
على فكرة أنا مركبة الصيف إللى فات وهو تحفة بصراحة
وكان بنفس السعر إللى ذكرتة بس بارد وساخن

[tham1010]

المشاركة الأصلية كتبت بواسطة farselkon حضرتك متأكد إن التكييف بارد بس عايزك تتأكد وترد عليا على فكرة أنا مركبة الصيف إللى فات وهو تحفة بصراحة وكان بنفس السعر إللى ذكرتة بس بارد وساخن

أيوة متأكد أنه بارد بس وعارف انه ممكن يكون أتنصب على لان لما رحت سألت أول مرة قال لى ان 3300 للبارد والساخن و 3100 للبارد بس. ولكن لما رحت له تانى بعد أسبوع قالى لى دى اسعارد جديد وان الساخن البارد ب 3500 طبعا قلت له خلاص بلاش LG وخلينا فى الشارب راح قايل لى السعر زاد برضوا على الشارب والشارب بقه 3400 للبارد بس و 3700 للبارد الساخن. هو الموزع الوحيد لتكيف LG فرضخت للامر الواقع وبالاخص انى لما اتصلت بالشركة قال لى ان سياسة التسعير تبع للموزع وان الشركة مش بتدخل فى الامر.

انا حاسس انه غلى على السعر شوية علشان دخول الصيف, ولهذا انا مش اديت بقشيش كثير للعمال انى كنت متغاظ بس ركبتة وخلاص,


ممكت تقول لى ايه رأيك فى الجهاز بعد عمل سنة, ,ما هى احلى خاصية بتحبها فى الاوبشن....