|
التعديلات الشكلية موضوعات التعديلات الشكلية على السيارة خارجيا او داخلياً او ما يسمى بال - car Styling visual tuning |
![]() |
|
أدوات الموضوع |
#1
|
||||
|
||||
![]()
السلام عليكم...
أخيراً و بعد طول إنتظار و بعد ما أخدت البركة من فريدة على فرش الفابريقة قلت كفاية كده بركات أحسن الكراسى هاتنطق من كتر البركة و إستخرت الله و قررت أعمل فرش جلد لساجتى المسكينة المشكلة كانت إنى عايز مكان شغله ممتاز و مش بتاع إشتغالات و فى نفس الوقت سعره كويس!... المعادلة كانت صعبة جداً.. يعنى الشغل الكويس و بدون إشتغالات سعره هااااى و السروجى الأمين و اللى سعره حنين شغله شعبى و الشغل الكويس و سعره كويس موجود فى التوفيقية و لكن لازم تكون عينك فى وسط راسك و إلا هتلبس يا معلم دورت لغاية ما تعبت فى عابدين و التوفيقية و مدينة نصر و فى الأخر قلت الأمر لله أدفع زيادة ده الواحد ما بيعملش فرش كل يوم لغاية ما عرفت بالصدفة البحتة إليجانس لفرش السيارات و هو ينتمى لأول فئة و لكن السعر معقول جداً و منافس بل يقل عن بعض الأماكن الشعبية و تعرفت على أ/ أحمد ريان صاحب إليجانس و هو شخصية محترمة جداً و شرحلى وجهة نظره فى تخفيض أسعاره وذلك لأنه يسعى للإنتشار و جاء لينافس بقوة المهم أنا كنت قبل ما أعدى عليه روحت أشهر مكان للفرش التفصيل و عاينت الخامات و بسرعة طوالى على إليجانس ولقيت نفس الخامات بسعر خيالى و معاه ضمان سنتين ضد فك الخياطة أو تقشير الجلد توكلت على الله و أخترت الخامات و الألوان و طبعاً عملت نفس شكل الفابريقة علشان لو شيلته ما ألاقيش الفوم الأصلى شكله مشوه و اللى أكد وجهة نظرى إن أستك العراقات اللى أنا مركبها سابت أثر غائر فى الكرسى و لما شافها أ/ أحمد ريان قالى إن نوع الفوم ده ضعيف و ممكن يتشوه بسهولة الجميل إنى فكيت الكنبة و الكرسى المجاور و مشيت من غيرهم يوم و عديت عليه تانى يوم علشان أركبهم و أفك كرسى السائق و أركب فرشه و أنا واقف أظرف موقف حصل إنى روحت أغسل العربية فى بنزينة وطنية علشان الفرش يركب على نظافة و كانت العربية من غير الكنبة و لا كرسى المجاور فواحد من العمال اللى هما أصلاً مجندين فى الجيش قاللى: هوه يا باشا إنت اللى معدلها و لا هى جايه كده فابريقة ... فقولتله: لأ أصل الدنيا حر و مش عايز حد يركب معايا!.. المفروض التفصيل و التركيب بيتم فى نفس اليوم و لكنى خليته على يومين علشان كنا فى رمضان و اليوم وقته ضيق صحيح وقتها كان فى خصم 20% و لحقته على أخر لحظة و نسيت أقولكم إن أ/ على (سروجى إليجانس) ذوق جداً و بيسمعك و ينفذ طلبك و ما بيحاولش يثبتلك إنه عارف كل حاجة و إنت مش عارف حاجة (زى أغلب الصنايعية) و لو تاخدوا بالكم أنا قسمت اللون الرمادى فى الظهر و ده غير الفابريقة اللى هى حته واحده و عملت كده علشان الظهر يمسك نفسه مع الإستخدام الشاق و ما يريحش و كمان منها شوية حركات أخيراً عنوانه: 16 شارع الدكتور محمد عوض ... خلف بنزينة شل اللى فى أول مكرم عبيد ... مدينة نصر و ده رقم أ/ أحمد ريان : 0161203070 مستنى رأيكم فى الصور ... السلام عليكم http://www.facebook.com/media/set/?s...3894026&type=1
__________________
Mohamed Elhasafy Abo Farida
|
#2
|
||||
|
||||
![]()
الف مبروك ياباشا على الفرش الجديد ربنا يملاهولك بركة ويحفظلك عربيتك
شغل تمام ياريت تقولنا بقى التكلفة الاجمالية والوقت ان امكن
__________________
صلى على رسول الله
--------------------- |
#3
|
||||
|
||||
![]()
شكراً يا كبير
التكلفة كانت 750 جنية و دفعت 600 جنية فقط لإنه كان عامل خصم 20% بمناسبة شهر رمضان ... الوقت أخد يوم كامل من أوله لأخره
__________________
Mohamed Elhasafy Abo Farida
|
#4
|
||||
|
||||
![]()
معلش ولو فيها رزاله بنت عم الغزاله هههههههه
هل السعر ده لفرش الكنبة والكرسيين فقط ؟؟؟؟ ولا شامل ابواب وارضية وشنطة؟؟؟ وعموما السعر ممتاز بالنسبة للشغل اللى تم ![]()
__________________
صلى على رسول الله
--------------------- |
#5
|
||||
|
||||
![]()
مبرووووووووووووووووووووك اهو كده رجعت جديده زي الاول
ومش هتعرف تبركلك عليها فريده علشان جلد |
![]() |
الكلمات الدليلية |
جلد, كراسى, فرش سيارات, بروتون ساجا |
|
|