رد: مخطط تصفيه الثوره ,,
بهدوء كده اقرأ و قبل ما تنفعل و ترد علي الكلام فكر فيه و اعقله كلنا عارفين و متأكدين ان اقتصاد مصر حالته متردية بل و اصبحنا علي وشك الافلاس نتيجة تضخم الدين الداخلي وشوية وكنا هانحصل السودان اللي وصل فيها رغيف العيش في وقت من الاوقات لاكتر من 20 جنيه ... الكلام ده مش علشان يصعب عليكم حال البلد او رئيسها و انما هو عين الحقيقة ... مفيش رئيس يحب يعيش شعبه في ضنك و عذاب و لا في حكومة تحب يقال عليها فاشلة زي ما البعض بيقولوا عن جهالة و قلة فهم و معرفة ... لكن في رئيس ...بيحب البلد اكتر من حبه لذاته لاول مرة بيحكم مصر و عايز يشوف مصر بلد مش زريبة كل واحد فيها حاطط ايده في جيب التاني و اهم عايشين و السلام ... دي الحقيقة اللي مش عايزين تواجهوها ... ايوة الشعب كان عايش في الحرام حتي اصبح الحرام جزء اصيل من حياته و ظن انه الشئ الطبيعي ... ظن ان الطبيعي ان الموظف يرتشي علشان يعيش و لما يمرض يروح لدكتور يسرقه علشان يعيش و الدكتور يروح لجزار يسرقه علشان يعيش و الجزار اولاده يروحوا لمدرس يسرقهم علشان يعيش والمدرس يروح للموظف تاني يسرقه علشان يعيش و هلم جر ... و كلهم بيسرقوا الدولة في الكهرباء و الماء و الغازو البنزين والمواصلات ... فصارت الدولة فقيرة معدمة والشعب كانزهم تحت البلاطة لحد ما ييجي ريان و لا مستريح يريحهم من الفلوس اللي محوشينها بوهم المكسب السهل السريع بدون تعب و لا مجهود ... و ظل الحال هكذا في مصر و اهي ماشية و السلام لغاية ما خربوها في 2011 و حتي حياة السحت اللي كان الناس عايشينها لم تعد تصلح
و لكن آن الاوان نفوق لان ليست هكذا تبني الدول و لا الامم ولا الشعوب ... نحن من وضعنا انفسنا في هذا الموقف الصعب ... شعب لاهي متسيب حياته عبارة عن سفه في سفه و ترفيه يتخلله بعض العمل ... استمرأنا حياة الترف و السبهللة ... لا يوجد بلد في العالم يعيش شعبها كما يعيش المصريون و آن الاوان ان يستفيقوا ويعيشوا كبقية شعوب الارض من اول امريكا حتي افقر بلد في افريقيا .. الحياة هي العمل و الكد و الشقي و الترفيه ده شئ هامشي فيها مش هو اساسها ... نفسي اللي زعلان قوي ده ايا كان وضعه الاجتماعي يروح يعيش في دبي (مش هاقول امريكا علشان مش هاتقدروا علي عيشتها) علشان يعرف ان البلد كلها بتقفل الساعة 10 و المطاعم الساعة 11 و السوبر ماركت 12 علشان عندهم شغل تاني يوم من 6 صباحا بيصحوا علشان 8 بالثانية يبقوا في مكاتبهم ... في شعب يفضل قاعد للساعة 2 صباحا في الشوارع بيشيش و يتسرمح ويهلس و عايز الحكومة تصرف عليه؟!!! حد يقول لي في اي بلد ده؟
لو مصر لم تتخذ اجراءات اصلاحية ستعلن افلاسها و البنك الدولي هايطبق عليكم اجراءات اصلاحية اكثر قسوة وشراسة كما حدث مع دول اخري كالبرازيل والارجنتين واليونان
لو البلد دي شعبها ماوقفش زي الرجالة للمحنة يبقي هاتضيعوا البلد ... لا اكتب هذا الكلام لابرر للحكومة او للسيسي قراراتهم ... فالسيسي لا يحتاج محلل ليصلح بينه و بين الشعب لانه يضع مصالح مصر قبل اي شئ حتي نفسه ... ارجوكم الناس الخرعة تمتنع و تنقطنا بسكاتها ... سنتجرع المر راضين و سنعبر بمصر المحنة ليتمتع اولادنا بالمنحة ... فحاربوا الغلاء بالاستغناء اما اللي عايز يفنجر يفنجر من جيبه مش من جيب الدولة
اقولها و سأظل اقولها ... تحيا مصر
منقوووووول
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|
05-11-2016, 01:26 PM
��
��
