تم بحمد الله شراء موتور استيراد وجاري كتابة المواصفات

[hazem_khidr]

المشاركة الأصلية كتبت بواسطة مهند سالم أنا أولا بأشكر حضرتك جدا على مشاركاتك القيمة. ثانيا: أنا بأعتذر لأن تشخيصي كان غلط، بصراحة صوت الوجوجة كان صوت بلية فعلا، وأنا خلطت بين صوت الخبطة إلا في الموتور وصوت البلية. أما بالنسبة للموتور فأنا بأتعامل مع واحد عندنا في عزبة شلبي، هو شاب محترم وكلمته واحدة (اسمه تامر، ونمرته 0124154240/ شركة عالم الياباني)، بس مش هتلاقي في السوق أرخص منه، وحاجته كويسة، بس أنا طبعا بأسأل ناس تانية قبل ما أنزل عليه، في واحد تاني قال لي: 2000 جنيه، فطبعا عرفت إن الراجل ده فعلا كلمته واحدة، لأنه قال لي: 1500 كلمة واحدة، أما إلا قال ألفين كان ناوي يفاصل، وأنا ما بأحبش الفصال وبأحترم الكلمة الواحدة. مواصفاته : موتور بالفتيس 1300 سي سي ، عربية مازدا 323 مو82. أخذ مني 100 جنيه زيادة عشان يعمل ورق التحويل على المرور بتاعي. الماتور بكل كمالياته من دينامو ومرش واسبيراتير (الكتروني) وكاربيراتير (كهربا)، وكل الكماليات. أخيرا كان عندي شوية أسئلة لحضرتك: أنا أول ما شغلت الموتور حطيت 2كيلو زيت غسيل شوية ونزلتهم، طبعا لونهم تحول للأسود، وبعدين حطيت ثلاثة ونص كيلو زيت تعاون على الفلتر القديم، على أساس هأمشي بيهم أسبوع وبعدين أنزلهم وأحط زيت شل وأغير الفلتر، فهل كدة تمام، ولا لازم أنزل الزيت دلوقت وأغير الفلتر؟ في ناس قالت لي على زيت اسمه تعاون اس جي، وقالت إنه بيقعد 4000 كيلو فهل الكلام ده صحيح، لأنه سعره رخيص جدا 60 جنيه، وأنا بصراحة مش مصدق. وأخيرا أنا طبعا هأركب الاسبيراتير الالكتروني، لكن بالنسبة للكاربيراتير الكهربا الميكانيكي خوفني منه، وقال إنه مشاكله كثير واستهلاكه في البنزين زيادة، فهل الكلام ده صحيح؟ وشكرا ليك أخي العزيز

اهلا و سهلا بيك يا مهند باشا و الف مبروك مره تانيه
بالنسبه للكاربيراتير شغل الجديد الكهربا و حيوفر بنزين عن القديم مع الاسبراتير الجديد طبعا حتلاقي الموتور بقي حاجه تانيه
بالنسبه للزيت يستحسن تغيره هو و الفلتر للضمان
اما بالنسبه لزيت التعاون فبصراحه انا مجربتوش قبل كده علشان احكم عليه

[مهند سالم]

المشاركة الأصلية كتبت بواسطة hazem_khidr اهلا و سهلا بيك يا مهند باشا و الف مبروك مره تانيه بالنسبه للكاربيراتير شغل الجديد الكهربا و حيوفر بنزين عن القديم مع الاسبراتير الجديد طبعا حتلاقي الموتور بقي حاجه تانيه بالنسبه للزيت يستحسن تغيره هو و الفلتر للضمان اما بالنسبه لزيت التعاون فبصراحه انا مجربتوش قبل كده علشان احكم عليه

ألف ألف شكر أستاذي العزيز.

[waelsalah]

ربنا يجعله موتور الخير عليك يارب
كنت بسال حضراتكم عندى عربية اكسيل 1500 التشخيص الاول انها محتاجه طقم شمبر وخايف افتحها والاقيها محتاجه عمره كامله او تكون عامله قبل كده و مخروطلها
محتار اعمل ايه
ممكن تدلونى عن سعر الموتور 1500 بالفتيس او من غيره بكام وايه افل مكان مثلا بورسعيد ولا فين وتجربته بتكون شهر ولا اد ايه ؟
وياترى فى تعقيدات فى اثبات الموتور الجديد ع الرخصه علما بانى ماشي بتوكيل ؟
ولكم جزيل الشكر

[مهند سالم]

المشاركة الأصلية كتبت بواسطة waelsalah ربنا يجعله موتور الخير عليك يارب كنت بسال حضراتكم عندى عربية اكسيل 1500 التشخيص الاول انها محتاجه طقم شمبر وخايف افتحها والاقيها محتاجه عمره كامله او تكون عامله قبل كده و مخروطلها محتار اعمل ايه ممكن تدلونى عن سعر الموتور 1500 بالفتيس او من غيره بكام وايه افل مكان مثلا بورسعيد ولا فين وتجربته بتكون شهر ولا اد ايه ؟ وياترى فى تعقيدات فى اثبات الموتور الجديد ع الرخصه علما بانى ماشي بتوكيل ؟ ولكم جزيل الشكر

بصراحة أنا لا أعلم شيئا عن الاكسل. وبعدين حضرتك لازم تفك الموتور، وبناء عليه تأخذ قرارك، بمعنى إنك مش هتعرف تاخد القرار الصح ولاتعرف الموتور فيه إيه بالظبط إلا بعد فك الموتور، فحضرتك فك وشوف الدنيا فيها إيه والموتور محتاج إيه، ممكن تلاقيها حاجة بسيطة ومش مستاهلة موتور جديد، وساعتها برده هتعرف الموتور عندك خارط كام خرطة.
أما بالنسبة للموتور الاستيراد فميش إن شاء الله أي مشكلة في تسجيله، حضرتك بتجيب ورق الإفراج الجمركي من التاجر (يكون تاجر معتمد)، بالإضافة لورقة تحويل للمرور بتاعك، ورقم الصادر وتاريخه، ومع الفحص بتثبت الموتور، وربنا يوفقك

[مهند سالم]

بالنسبة للزيت يا جماعة هو زيت مصر للبترول sj الراجل في البنزينة قال إنه بيعمل 3000 كيلو، لكن صديق لي نصحني أن أنزله عند 1500 أو 2000 بالكثير، وسعره 66 جنيه، وعموما هو مدح فيه، وقال إنه زيت كويس