حد يواسيني ... منتهي الإستهتار

[mesho70]

المشاركة الأصلية كتبت بواسطة khaled al sharif والله عندك حق .... صحيا إن شاء الله أتعافي بس إنت عارف حضرتك كلما توغلت في التعامل مع المراكز في موضوع العربيات بتلاقي إللي يحزنك أكثر من الإستغلال وقلة الامانة .... وبعدين يا عم ميشو مش دايما الواحد معاه فلوس يصرف عل إستهتار الناس .... والله مره سواق تريلا خابطني علي الدايري من وراء وكنت ماشي أقصي اليمين عشان ها نزل واحد معايا ومدي إشارة وكله تمام والسكة كانت فاضيه وكنا في رمضان ... نزل الراجل يبوس راسي ويقولي والله منمتش من يومين أنا سرحت ... وكلفني الموضوع ده 4000 جنيه غير العطله والمشاوير ومع ذلك عملت بنصيحتك .... مرة تانية كنت عندي إجتماع في مقر وزارة الصناعة إللي جنب مجلس الشوري ورحت بعربيتي ... وقعدت أدور علي جراج فاضي لحد ما وصلت جراج العتبه وأنا ماشي في ميدان الموسكي يجي واحد سواق ميكروباص شاف الظابط واقف ومعاه عميد ضرب لخمه خبطني من وراء والله كان بيني وبين الظابط 5 متر قلوا إنزل يا ابن .... وخد رخصه ورخصي وبعت معايا أمين عملنا محضر في قسم الشرطة ... والراجل قعد يحلف بالله إنه مش شغال بقاله سنه وقول مره يركب عربية النهارده .... كلفني الموضوع 4800 وكانت عربيه هوندا سيفك ... يعني الواحد مستوي

كان الله عونك

فانا طوال 8 سنوات تقريبا ً سرت بسيارتى 200 الف كيلو اغلبهم سفر وشفت الكثير

واخرها من شهر تقريبا ً سيارة صديق لى نوبيرا بطريق القاهرة - اسيوط الغربى وكان

فى طريق عودتة من القاهرة بعد تغيير موتور للسيارة وشدها حتى ان غير الزجاج

الامامى والشكمان و...... وكان معة بالسيارة 4 من اصدقائة - هو بمنتصف

الاربعينيات - و ابنة الصغير 10 سنوات وقبالة المنيا اتت سيارة نقل تسير بجنون

حسب التقارير واصتدمت بة من الخلف بطريق مستقيم وهو باقصى اليمين ( انا صورت

الحادثة بعد وقوعها بساعات ) فضغط على الفرامل - من الخضة كما ذكر لى - فكانت

النتيجة طعود النقل على العربية الملاكة وعدم وجود أثار للشنطة والكنبة الخلفية

والصور معى لكن لابد من استئذانة وللاسف موت اثنين ممن كان معة وشرخ

بجمجمة الثالت ونجا هو وابنة واحد اصدقائة

وهنا هو كان يسير على اليمين وبسرعة لا تتجاوز 80 كم / س ولكن رعونة وتهور

السائق الاخر تسببت فيما حدث

فالحمد لله على كل حال

[Ahmed_lol2007]

لاحول ولاقوة الا بالله العلى العظيم
قدر الله وماشاء فعل والله فعلا المواضيع دى كترت والواحد مش عارف يعمل ايه من كام العربية كانت راكنة والاقى الاكصدام اللى ورا طالع من الجنب الشمال ومشروم مكان مسامير التثبيت وبقيت اقول الحمد لله ان اللى سايق مكملش وكسر الاكصدام نصين دة غير طبعا انه خبط الباب وجت سنة من المرايا بس الحمد لله على كل شئ
وياريت حضرتك متزعلش عشان دة أمر ربنا (وبعدين أى عربية جديدة لازم بيبقى عليها ضربية يا حكة يا خبطة)

[خالداعزالناس]

لا حول ولا قوه الا بالله
لا تحزن
ولا تضايق نفسك
السياره عشان جديده اخذت عين
من الناس اللى فى كل حته ( اصحاب النفوس الضعيفه)
على العموم
ان شاء الله
نسمع منك قريبا
وننتظرك كلنا
برزق من المولى عز وجل
افضل واحسن بكثير من اللى اصابك

[luckyman]

لا حول ولا قوة الا بالله العلى العظيم قدر الله وما شاء فعل معلش اخى العزيز الحمد لله انها على كده ما و فى البلد دى اللى عايز يركب عربية لازم يدفع ثمن غباوة غيرة والاستهتار وعدم اللامبالاه لان فى اغلب الاحوال اللى سايقين عربيات نقل وموستيكلات غير بعض سائقين الملاكى كانوا فى الاصل عربجية بيسوقوا عربية كارو بالحمار فهو عربجى مش يقدر يقدر الامور تصدق بالله انا كنت من حوالى 8 سنوات ماشى بعربية جولييت زيرو جديدة وواحد ولد داخل فيا بعربية كارو بحمار والله تقريبا شفت الحمار بيحازل يتفادى الاصطدام بيا والولد بيوجة الحمار غلط ومنطلق باقصى سرعة دغدغ الباب والرفرف والكبوت حتة من فوق وحسيت من الحمار بيعتذر ليا من نظرات عينة وكانة بيقولى مش انا والله دة الحمار اللى راكبنى على فكرة يا دكتور bolbolanواكتر من كدة من موتسيكل كمان انا مرة شفت حادث عربية كورولا مع بنى ادام الكورولا كلها مقدمة العربييية ضاعت بالشبك بالاكصطدام بالكبوت وبالشبك والزجاج الامامى انتهت العربية من المقدمة تقريبا ولو انت مكنتش شايف انه انسان اللى اتصدم بالسيارة ممكن كنت تكر نها سيارة كبيرة او اتوبيس دخل فيها ولك منى ولكل اعضاء المنتدى الكرام خالص التحية والاحترام وربنا يعوضك عليك والحمد لله انة كمان ملبسكش تهمة ههههههه

[Bendary]

اللهم اجرنى فى مصيبتى واخلفنى خيرا منها
أخى خالد ربنا يعوض عليك - نحن السابقون وانتم اللاحقون
بس من وصفك للخبطة يبقى اللى حصل معايا حاجه صغننه خالص
معلش والله مش عارف اقولك ايه - طبعا الحمدلله على قدر ربنا
لكن انا عازرك عشان حرقة الدم من منظر الخبطة نفسها والعربيه لسه جديده

معلش ، فدا ضفر من ولادك