حد يواسيني ... منتهي الإستهتار

[mesho70]

قدر الله وما شاء فعل

ظللت طوال ثمانية اعوام احرص على السيارة حتى من مجرد مرور احد بجوارها

وكان هذا على حساب اعصابى لاكتشف فالنهاية ان الموضوع بسيط ( ايا كانت الخسائر المادية )

طالما انت تستطيع صحيا ً وماديا ً ان تقوم بإصلاحها

اخى الفاضل مهما كانت الخسائر المادية كبيرة فالحمد لله على كل حال

ليس هذا كلام لمجرد للتخفيف عليك بل هو تجربة شخصية

[khaled al sharif]

المشاركة الأصلية كتبت بواسطة mesho70 قدر الله وما شاء فعل ظللت طوال ثمانية اعوام احرص على السيارة حتى من مجرد مرور احد بجوارها وكان هذا على حساب اعصابى لاكتشف فالنهاية ان الموضوع بسيط ( ايا كانت الخسائر المادية ) طالما انت تستطيع صحيا ً وماديا ً ان تقوم بإصلاحها اخى الفاضل مهما كانت الخسائر المادية كبيرة فالحمد لله على كل حال ليس هذا كلام لمجرد للتخفيف عليك بل هو تجربة شخصية

والله عندك حق .... صحيا إن شاء الله أتعافي بس إنت عارف حضرتك كلما توغلت في التعامل مع المراكز في موضوع العربيات بتلاقي إللي يحزنك أكثر من الإستغلال وقلة الامانة .... وبعدين يا عم ميشو مش دايما الواحد معاه فلوس يصرف عل إستهتار الناس .... والله مره سواق تريلا خابطني علي الدايري من وراء وكنت ماشي أقصي اليمين عشان ها نزل واحد معايا ومدي إشارة وكله تمام والسكة كانت فاضيه وكنا في رمضان ... نزل الراجل يبوس راسي ويقولي والله منمتش من يومين أنا سرحت ... وكلفني الموضوع ده 4000 جنيه غير العطله والمشاوير ومع ذلك عملت بنصيحتك .... مرة تانية كنت عندي إجتماع في مقر وزارة الصناعة إللي جنب مجلس الشوري ورحت بعربيتي ... وقعدت أدور علي جراج فاضي لحد ما وصلت جراج العتبه وأنا ماشي في ميدان الموسكي يجي واحد سواق ميكروباص شاف الظابط واقف ومعاه عميد ضرب لخمه خبطني من وراء والله كان بيني وبين الظابط 5 متر قلوا إنزل يا ابن .... وخد رخصه ورخصي وبعت معايا أمين عملنا محضر في قسم الشرطة ... والراجل قعد يحلف بالله إنه مش شغال بقاله سنه وقول مره يركب عربية النهارده .... كلفني الموضوع 4800 وكانت عربيه هوندا سيفك ... يعني الواحد مستوي

[د0تامر محمد]

لاحول ولا قوة إلا بالله
على أية حال الحمد لله لأنها جت العين فى كده محدش عارف كان ممكن يحصل إيه ؟
من ناحية أخرى منظومة العشواية واللامبالاة والفوضى وإنعدام الضمير فى الشارع المصرى مازل ضحاياها يتواصلون
أنا من سنتين حصل معى موقف مشابه عندما تركت السيارة لدقيقة فعدت وقد وجدت توكتوك مقلوب على كبوت السيارة !

[prettykitty]

لاحول ولاقوة الا بالله,,قدر الله وماشاء فعل وربنا يعوضك خير والحمدلله انها جت فى العربية مش فى الارواح لاقدر الله وفعلا حاجة تحرق الدم لان الواحد مش عارف يلاقيها من الموتسيكلات ولا العجل ولا بتوع الديليفرى اللى طايرين باقصى سرعة ولا الميكروباصات اللى بتطلع فجاة من غير اشارة ولا مرايات ولا الاتوبيسات اللى ماشية و بوزها ضارب على العربيات اللى جنبها علطول ولا التاكسيات اللى فجاة يقف او ينط قدامك او يزنق عليك برخامة علشان شاف زبون على بعد مترين,,يارب ارحمنا برحمتك من البلد دى اللى مفيهاش اى التزام بالقوانين او الاداب العامة

[miam0502788391]

والله قلبى عندك يا عم خالد الله يكون فى عونك وحاسس بيك انت ادعى دايما دعاء المصيبه ( اللهم اجرنى فى مصيبتى واخلفنى خيرا منها) وبعدين قل الحمد لله فى كل الأحوال على رأى المثل الشعبى خدت الشر وراحت و مدام الصحه والأهل والأولاد بخير فالحمد لله انها جات فى كده على العموم ربنا يكفيك شر الطرق المصرية