لانوس ولا كورسا محتار يا نااااااااااااااس

[احمد على 1999]

واحد زميليى كان جايب لانوس مستعملة بس كانت متهانة شوية بعدها باعها و جاب كورسا 2006 باين او 2005 المهم حس بالفرق الرهيب فى الاداء و النعومة بس العربية برضه كانت مهملة و اللى بايظ فيها كان مالكها السابق بيلصمه فكل ما كان يحاول يصلح حاجة يلاقيها حتفتح جامد المهم باعها و جاب لانوس تانى بس حالتها حلوة

ملخص الموضوع الكورسا كاتاجورى اعلى بكتير من اللانوس وجه المقارنة الوحيد هو مصاريف التشغيل طبعا لصالح اللانوس

فلو الكورسا حالتها حلوة و مش محتاجة مصاريف يبقى معقول بس تبقى مهيأ نفسيا على مصاريف الصيانة الغالية نسبيا مقارنة باللانوس

[luckyman]

بعيدا عن موضوع اعادة البيع وقطع الغيار مفيش وجة مقارنة بين الكورسا واللانوس طبعا الكورسا افضل بمراحل كاداء وتماسك وجودة تشطيب انما هى اضيق من اللانوس بكل تاكيد لكن اامن كمان اللانوس عربية ضعيفة من ناحية التماسك والسيطرة عليها خصوصا ان الاتنين عربيات صغيره خليك على الكورسا طالما حاله ممتازة نصيحة ابعد عن اللانوس

[luckyman]

المشاركة الأصلية كتبت بواسطة احمد على 1999 واحد زميليى كان جايب لانوس مستعملة بس كانت متهانة شوية بعدها باعها و جاب كورسا 2006 باين او 2005 المهم حس بالفرق الرهيب فى الاداء و النعومة بس العربية برضه كانت مهملة و اللى بايظ فيها كان مالكها السابق بيلصمه فكل ما كان يحاول يصلح حاجة يلاقيها حتفتح جامد المهم باعها و جاب لانوس تانى بس حالتها حلوة ملخص الموضوع الكورسا كاتاجورى اعلى بكتير من اللانوس وجه المقارنة الوحيد هو مصاريف التشغيل طبعا لصالح اللانوس فلو الكورسا حالتها حلوة و مش محتاجة مصاريف يبقى معقول بس تبقى مهيأ نفسيا على مصاريف الصيانة الغالية نسبيا مقارنة باللانوس

كلام مضبوط وصحيح وطالما الحاله ممتازة يبقى برضة الكورسا انا نزلت من لانوس وركبت كورسا سنة 2004 فى نفس اللحظة حسيت بالفرق الكبير فى التسارع والتماسك والنعومة كفاية ان اللانوس عند الغيار الثانى حتى لو زيرو بتحس عن لحة معينة عزم العربية بيختفى وبيرجع تانى فى حاجة مش مضبوطة فى اللانوس صندوق التروس مش متوافق مع المحرك انا سقت عربيات كتير عمرى ما شفت زى اللانوس حتى الغيار ناشف ومش سلس والعربية مش امنة على الطرق السريعة لاسباب تافهة ممكن تروح شمال ويمين والفرامل والله مش ممكن تكون بتاعة اللانوس فرامل ممكن تخذلك فى مواقف كتير ومعروفة الطرق فى مصر ممكن تواجة اى طارى فى الطريق لازم العربية تسعفك مش تخذلك انا اسف بس انا بقول الكلام دة بعيدا عن العواطف وللامانة

[احمد على 1999]

ههههههههههههههه و الله يا باشا مع انى بعشق اللانوس بس فعلا من ناحية الفرامل فاللانوس مفيهاش فرامل انا كل مرة بركب ال i10 لازم اول دوسة فرامل البس فى البرابريز ههههههههههههههه

بس بأمانة للحالتة المادية زيى حلاتى فاللانوس طيابة قوى و كل واحد ادرى بامكانيات عربيته يعنى مثلا فعلا انا مبشتكيش من سحب العربية و لا فى التانى و لا فى اى حاجة ده حتى على التانى بتجيب معايا 80 و على الصحراوى بتوصل معايا ل 180 و ساعت 190 بس ده هبل لان عربية زيى اللانوس اخرها كأمان 90 او 110 بكتيره قوى

[Neo206]

و الله أنا مع الكورسا قلبا وقالبا
بس المهم تكون حالة كويسة جدا و تقدر على مصاريف تشغيلها
متقدرش يبقى أمرك لله و خليك فى الى تقدر عليه
وده راى أخوك