فيشة الاوكتان فى نوبيرا 2 موديل 2005

[man22]

هل توجد فيشة اوكتان فى نوبيرا 2 موديل 2005 ؟ واين توجد ؟ وكيف يمكن ضبطها على بنزين 80 ؟ ياريت لو امكن شرح بالصور وشكرا

[moko_2004]

بعض الموديلات فيها و بعضها الأخر لا يوجد
مكانها
هتفك الفبربلاستيك اللي في القايم اليمين تحت التابلوة هتلاقي الكومبيوتر بتاع العربية علبة صاج واص فيها كابلين تخان
امشي مع كل واحد فيهم بأيدك بالراحة هتلاقي الفيشة خارجة من واحد منهم ولكن مش راكب فيها حاجة يعني ضبطة 92
تجيب من اي محل اكسسوار فيشة اوكتان هتلاقيها جنبر شبة بتاع الهارد دسك بس علي كبير و فية سلكين واصلين ببعض يعني ضبطة 90 و عشان تضبطهم علي ان التلات اسلاك واصلين ببعض ودي ضبطة 80 وتركب الفيشة في المكان المذكور و تفصل البطارية بتاعت العربية وتركبها تاني عشان تعمل ريستارت للكومبيوتر وبعدها تجرب

[man22]

المشاركة الأصلية كتبت بواسطة moko_2004 بعض الموديلات فيها و بعضها الأخر لا يوجد مكانها هتفك الفبربلاستيك اللي في القايم اليمين تحت التابلوة هتلاقي الكومبيوتر بتاع العربية علبة صاج واص فيها كابلين تخان امشي مع كل واحد فيهم بأيدك بالراحة هتلاقي الفيشة خارجة من واحد منهم ولكن مش راكب فيها حاجة يعني ضبطة 92 تجيب من اي محل اكسسوار فيشة اوكتان هتلاقيها جنبر شبة بتاع الهارد دسك بس علي كبير و فية سلكين واصلين ببعض يعني ضبطة 90 و عشان تضبطهم علي ان التلات اسلاك واصلين ببعض ودي ضبطة 80 وتركب الفيشة في المكان المذكور و تفصل البطارية بتاعت العربية وتركبها تاني عشان تعمل ريستارت للكومبيوتر وبعدها تجرب

اشكرك يااخى موكو انا فهمت من كلامك ان ضبطة 80 على توصيل 3 اسلاك ببعضهم . طيب لو امكن طريقة توصيل 3 اطراف الاسلاك ببعضهم علشان منعجنش الدنيا ويحصل حاجة فى العربية . طيب فى مشكلة لو استمريت افول 80 على طول ؟ سيبك من السحب انا بتكلم على ماكينة العربية مش مشكلة السحب لان دا معروف من نوعينة البنزين . وبعدين لو انا لو تركت فيشة الاوكتان كما هى دون تغيرها الى 80 ما هى الاضرار او المشاكل ؟ وشكرا

[احمد على 1999]

هى ميزة الظبط على 80 ان كده بتغير منحنى توقيت الاشعال و الرشاشات فى الكنترول لتجنب التسقيف
فلو حطيت 80 من غير ما تظبط حتخلى الماتور يسقف جامد و ده يأثر على السبايك و الرولمان بلى
و ممكن تطلع على الموضوع ده للاستاذ عصام غنايم موضح بالصور هو موضوع عن اللانوس بس النوبيرا حتبقى زى ما الاستاذ moko وضح
و لينك الموضوع اهه
http://www.masrmotors.com/vb/showthread.php?t=31692

و بالنسبة للاضرار عامة
فى ناس بتقول محصلهاش حاجة و فى ناس بتقول عربياتها خربت
عن نفسى متوقع تلف حساس الاكسوجين و تلف علبة البيئة و تلف مضخة البنزين نتيجة لانسداد الفلتر بمعدل اسرع عشان الشوائب ( و انا عارف ان المفروض 80 نضيف وى 95 بس معظم 80 فى بلدنا فيه شوائب بنائا على تجارب الناس )

بس حتى لو الحاجات دى باظت فهل الجدوى الاقتصادية لصالح انهى اختيار ؟

[moko_2004]

بالنسبة لأضرار التسقيف في الماكينة
اولا قبل ما نعرف اية هي الأضرار تعالي نتعرف صوت التسقيف دة سببة اية
دلوقتي لازم نعرف ماهو البنزين او ما يسمي بالجازولين
هو عبارة عن سلاسل كربونية تبدأ من رقم C5الي C12
كان الخليط دة فية مشكلة الا وهي انة تحت الضغط العالي بيحترق احتراق غير كامل يعني بيعمل دخان اسود و روائح كريهة و مواد ملوثة جدا
و علشان يحلو هذة المشكلة اضافو للبنزين مادة اسمها MFP وهذة المادة مركب مثيل الأوكتان و كلما زادت نسبة هذة المادة كلما تحسن الأداء و يجعل البنزين يتحمل ضغط اعلي و حرارة اعلي قبل الأنفجار و اذا قدرت تخلي المحرك يضغط خليط الغاز و الهواء بشكل افضل كان الأداء العام للسيارة افضل و اعلي
اللي بيحصل في البنزين ال 80 ان المكنة بتضغط البنزين الي درجة ضغط اعلي كتير من اقصي ما يتحملة خليط بنزين 80 مما يعجل بأنفجار الخليط قبل معادة ويدفع البستم في موعد مبكر مما يؤدي لخلل في دورة الوقود وطرقة قوية في عمود الكرنك مجموع هذة الطرقات المتكررة هو صوت التسقيف اللي بتسمعة
هل كتر الموضوع فية ضرر
نعم لأنة بيسبب اختلال عمود الكرنك شروخ شديدر في البيلات و السبايك و غير سواد شديد علي البوجيهات و دخان اسود من الشكمان
ماهو الحل ؟
الشركات فكرت في عدة حلول و خصوصا للبلاد اللي زي مصر و مفيش فيها امكانيات لصناعة مادة MFP
فبعضهم عمل حساس للتسقيف بيوطي ضغط المكنة لوحدة و ده موجود في بعض موديلات النوبيرا
و البعض الأخر عمل فيشة مخصوص تغير برنامج الكومبيوتر بحيث يخفض ضغط الموتور ودة فكرة عمل الفيشة
انا رأيي تجرب البنزين 80 لتفويلتين متتاليتين اذا لقيت العربية بتسقف ارجع للبنزين 92
ولو عاوز توفر اكيد عليك و علي الغاز هو احسن طريقة وافضل من 80 "دي وجهه نظري"
و متقلقش من ناحية الموتور حتي لما يخرب هاتلك واحد ب 2000 جنية وركبة ب 500 جنية وانسي الدنيا