بتأجر عربيتك و خايف عليها ؟ عاوز عربيتك تبقى تحت عنيك و تتحكم فيها فى اى وقت .. أدخل هنا

[ATef-AEI]

المشاركة الأصلية كتبت بواسطة waelsalah اسم ورقم موديل الجهاز من فضلك ؟ وموقع التتبع والشركه المصنعه له ؟ مصاريف تشغيله الشهريه ؟ من سيرفر تتبع ورسائل موبايل ورصيد ؟ وهل له ريموت ؟ ولومالوش سلوك للانتنا خارجيه ده مبيأثرش على قوة استقباله للشبكه ؟ اسف للاطاله وشكرا جزيلا

أنا أقدر اجاوب حضرتك على الأسئلة الخاصه بأداء الجهاز فقط و أعتقد ان هو ده المهم لحضرتك

مصاريف تشغيله الشهريه ؟ من سيرفر تتبع ورسائل موبايل ورصيد ؟

بالنسبة للسيرفر : فهى 10 دولار سنويا . و أول سنة بتكون مجانية و بتبدأ السنه دى من بدأ أستخدام حضرتك للجهاز .
بالنسبة للرصيد : فده تبعا لأستخدام حضرتك للرسايل لأنها هى اللى بتسحب من الرصيد .. فلو مبتسخدمش الشريحه كل شويه مش هتدفع حاجه .. زى الموبايل بالضبط

وهل له ريموت ؟ ولومالوش سلوك للانتنا خارجيه ده مبيأثرش على قوة استقباله للشبكه ؟

لو كان قصدك بالريموت .. remote controll لا ملوش ريموت لأنك مش هتحتاجه فى حاجه
أما لو قصدك أن فى أنتنا بره العربية و بتبعت الـ signal بالـ wireless فده مش موجود .. لأن وجود حاجه زى دى فى عربية فيها محرك و كميه اسلاك كبيره بتولد كميه كبيره من الـ magnetic feilds هيأثر على أستقبال السيجنال اللى جايه من الأنتنا و هيعمل مشاكل .. بالأضافه الى أن الجهاز ملوش أنتنا خارجيه أصلا لأن الأ GPS متوصل بجسم العربية و الـ GSM أنت بتحتاج فيه سيجنال علشان تبعت رساله بس مش أكتر من كده فتكفى أنتنا بتكون مختفيه داخل السياره

اسف للاطاله وشكرا جزيلا

تحت أمرك يا أفندم

[ابن فنان]

ياترا سعره كام وممكن يركب فى اى عربيه ولاايه

[ATef-AEI]

المشاركة الأصلية كتبت بواسطة فلانة الفلانية ايوة انا عايزة اعرف الحاجات دي زائد ان الواحد لو عايزها عشان عربيته يعني مش محتاج التتبع دة طول الوقت وبيبقى عشان لا قدر الله اتسرقت او حاجة فممكن كل دة يشتغل بس ف الوقت المطلوب ولا فيه اجهزة مخصصة لكدة؟

تمت الأجابه على الأسئله اللى حضرتك عاوزاها

بالنسبة للجزء التانى من سؤال حضرتك
فالجهاز هيفضل شغال على طول من غير ميعمل لحضرتك أى مشاكل و كأنه مش موجود أصلا .. و بالنسبة لتكاليف الرصيد فهو مش هيطلب منك أى رصيد طول ما أنت مش بتبعتى ليه رسايل و كمان حتى لو فى وقت - لا قدر الله - اتسرقت العربية فحضرتك هتدخلى من على الأنترنت و تشوفى مكان العربية من غير تكاليف على حضرتك

الخلاصه .. أنه شغال على طول و مش هيعمل اى ازعاج طول ما انتى مش طالبه منه يعمل حاجه كأنه يبعت لك مكان العربية أو تحددى خاصيه عدم تخطى السرعه مثلا أو أى حاجه من دى ....

[ATef-AEI]

المشاركة الأصلية كتبت بواسطة ابن فنان ياترا سعره كام وممكن يركب فى اى عربيه ولاايه

السعر 1700 يا أفندم
شاملة التركيب + الضمان مدى الحياة ( مالم يتم العبث بالجهاز )

يركب فى أى عربية .. و نركبه فى الموتوسيكل كمان لو عاوز

[waelsalah]

هل هو mvt100 ؟
وكيفية التركيب فى المنصورة ان شاء الله
وشكرا