شريط تحويل الكاسيت العادى لأم بي ثري

[abu_ruqayyah]

السلام عليكم ورحمة الله وبركاته
كنت حابب استفسر منكم عن حاجة انا كنت سمعت عليها
الا وهى
شريط كاسيت عادى جدا فاضي طالع منه كام وصله كدا منها للأم بي ثري او الفلاشة او الموبايل

السؤال بقي - بكام - بيشغل ايه بالظبط (فلاشة / موبايل / ام بي ثري / كلهم ) - ازاى بيتركب وهل انا اقدر اركبه عادى

[mido_00750]

اولا : هو شريط عادى جدا بس مش طالع منه اكتر من وصله ولا حاجة
هو طالع منه وصله واحدة بشتغل على ام بى ثرى او وموبيل لو المكان حوالى 3.5 على ما اتذكر
وهو بتشتغل عن طريق ان الوصله بتاخد الصوت من الموبيل وتوصله للكاسيت عن طريق حساس صوت ، لو تفتكر الشرايط كان فيها مربع سفنج كدة بيوصل الصوت وده نفس الفكرة
مش محتاج تركيب خالص لانه زى الشريط عادى يعنى بتحط الشريط فى الهيد عادى وتوصل الموبيل او الام بى ثرى وبعدين تغير من البلاير عادى وهو وظيفته نقل الصوت فقط
سعره لا يزيد عن 5 أو 10 جنية
عيوبه خرج الصوت بتاع سئ جدا يعنى بيخروش والصوت بيكون مش كويس لان الحساس خامته بتقى سيئة جدا
فانا افضل ام بثرى الولاعة افضل بكتر وبيكون التعامل بيه عن طريق فلاشة او كارت ميمورى باستخدام كارت ريدير وظبط التردد بتاعه مع نفس تردد الراديو

[حسام البورسعيدى]

الشريط ده زى ما ميدو باشا قالك بالظبط .. شريط عادى جدا وبيطلع منه سلك يركب فى المكان اللى بيركب فيه السماعة فى اى mp3 او موبايل ..

فى منه انواع نضيفة شويه بحوالى 15 -20 جنية .. كنت جايب واحد من سنتين وكان 10/10 وصوته ممتاز .. بس ضاع وملقتش زيه تانى ..

فجبت mp3 موديليتور اللى بيركب فى الولاعة ..

وده على فكره احلى من الشريط بكتير وبيكون معاه ريموت ..

انا جبت واحد ب 45 جنية اكتر من رائع ليه شاشة بتنور ازرق وبيكتب اسم الاغنية وبيقرأ الفولدرات وبيظهر تايمر الاغنية وفيه اكوليزر وريموت وبيشغل فلاشات وكروت ميمورى وفيه مدخل aux وشغال تمام وصوته ممتاز .. انصحك بحاجة زى كده افضل من الشريط ...

[abu_ruqayyah]

اشكرك يا اخ حسام وطبعا الاخ ميدو وانا اشتريته من مول سفنكس للكمبيوتر الدور الاول ب عشرة جنيه واشتغل بس الصوت جودة عادية مش حلو ومش وحش عادي يعنى زنة بسيطة مع وشهة مقبولة 

[ahmedamro]