|
إطارات السيارة ساحة تتناول كل ما يتعلق بإطارات السيارات و الجنوط |
|
أدوات الموضوع |
#1
|
||||
|
||||
النيتروجين بتاعنا وبتاع دكهوما
النيتروجين بتاعنا وبتاع دكهوما قد يكون من البواخة ان عضو قديم زى حالاتى يعمل موضوع عن النتروجين وفيه اكتر من 10 مواضيع على الاقل فى المنتدى عن ملىء الاطارات بالنتروجين مابين مؤيد او معارض موضوع الحقيقة المرة لقرصان الاعظم كورسير افندى http://www.masrmotors.com/vb/showthread.php?t=23912 موضوع وجهه نظر مخالفة للعضو الفاضل أستاذ احمد ahmed1981 http://www.masrmotors.com/vb/showthread.php?t=4259 وطبعاً الموضوعين معارضين اما المواضيع اللى بتؤيد جدوى استخدامة او تنصح بيه فهى كتيرة جداً طيب هل ده اختلاف فى الاذواق فواحد عادى النتروجين مش فارق معاه وواحد تانى حساس جداً فحاسس بالفرق ؟ يعنى هل فيه فرق بس قليل او كتير وبناء علية بتختلف الاراء حسب حساسية كل واحد فينا ؟ ولا تفتكرو فيه عربيات بيفرق معاها النتروجين وعربيات لاء ؟ ولا يمكن نوع كاوتش هو اللى بيفرق وفيه انواع بيفرق ادائها مع النتروجين وانواع لاء ؟ طيب انا هروح اكمل تجهيز الموضوع عقبال ما انتو ما تفكرو وتقروا المواضيع التانية عن النايتروجين سواء المؤيدة او المعارضة وارجعلكو بالحل بس اللى هيسبق بحلول او اسباب موضوعية لى عندى جائزة جامدة اشمعنى انا اللى مبعملش فوازير ابكو معنا والحل بعد الفاصل |
#2
|
||||
|
||||
رد: النيتروجين بتاعنا وبتاع دكهوما
متابع يا وائل باشا برغم من انى من المعارضين ليه
|
#3
|
||||
|
||||
رد: النيتروجين بتاعنا وبتاع دكهوما
معلش يا شباب اتأخرت عليكم خلينا نتفرج على الفيديو ده وفيه الفنى بيشرحلنا نقاط مهمة جداً بتغيب عن اغلب الناس بل الصنايعية كمان خلينا نشوف الفيديو اذن نتعلم من الفيديو الاتى : اولاً لازم تفريغ الهواء بداخل الاطار بالكامل قد المستطاع لضمان نسبة نيتروجين مرتفعة ثانياً نسبة النتروجين الى الهواء فى الاطار المفروض متقلش عن 96 - 98 % بينما النسبة الطبيعة لوجود النتروجين فى الهواء تساوى 78% اذن احنا مش بنملى الكاوتش نتروجين عملياً لكن بنقلل نسبة الغازات الاخرى وبخار الماء فى الاطارات وبنحاول نخليها اقل من 5% - ويمكن توصل ل 3% لو الكواتش مليان صح بدلاً من 20 - 25 % فى الطبيعى ما يؤكد ده ويثبتة ما سنراه فى الفيدو الثانى وهو شرح من شركة مصنعة لاحد اجهزة ملىء الاطارات بالنتروجين لاحد منتجاتها ، وفيه هنلاقى كيفيه ظبط عملية التفريغ والملىء وضبط الضغط بل ونسبة النتروجين والمحافظة على نقائه ومنها نعرف ان الجهاز محتاج وقت فى اول تشغيل كل يوم لتوليد النتروجين بالجودة ( الصفاء ) الكافى ومنها نعرف ان الجهاز فيه كمان فلتر وان الفلتر محتاج مراجعة وكشف وتغيير كل فترة للحفاظ على نقاء وجودة النتروجين الخارج من الجهاز ومن ده كله نعرف ان اكيد فيه اجهزة اقل جودة واقل ضبطاً ممكن تؤدى لعملية ملىء بالنتروجين غير ناجحة او غير كافية من حيث النسبة ومن ده كله نقدر نعرف اى واحد فينا عرضة لانة يروح يملى نيتروجين فالصنايعى ميفضيش الهواء كويس او ميظبطش المكنة كويس او المكنة نفسها متكونش كويسة فيبقى كانك يا ابو زيد ما ممليت وميحسش بفرق بس خلاص ... راحت عليكو الجايزة ومنتظر ارائكم ومداخلاتكم |
#4
|
||||
|
||||
رد: النيتروجين بتاعنا وبتاع دكهوما
زى الفل
__________________
سبحانك لا علم لنا الا ما علمتنا |
#5
|
||||
|
||||
رد: النيتروجين بتاعنا وبتاع دكهوما
معى احترامى لجميع الاراء موضوع النتروجين ده انا مش مقتنع بيه لانه مش عملى ....لان محطات ومراكز معينه هيا اللى لديها الخدمه دى لما ينتشر ممكن يبقى عملى....وكمان المسمار أو الازاز اللى بيخرم الكاوتش مش بيفرق بين كاوتش فيه نتروجين أوميلامين كله عند النصيب زى بعضه....
__________________
"اللهم أنصر الاسلام وأعز المسلمين" |
|
|