محتار بين النترا / فلونس / كروز ارجو الافادة

[الكردي2000]

يا باشا الفلوانس لا تقارن بالكروز والالنترا
الفلوانس تقارن بالفانتزي والجيتا والسيفيك , عربية محترمة جدا جدا , وقطع غيارها بالنسبة للفئة بتعتها معقولة جدا , اتكل علي الله وهاتها

[nasa]

انا جبتلكم بعض اراء اصحاب الفلوانس بالمنتدى

المشاركة الأصلية كتبت بواسطة arclogist لله الحمد قدرنا نتوفق في سيارة فلوانس فيراني غامق فئة ال 135000 الف واستلمناها يوم 20/5/2010 يعني ليها دلوقتي اكتر من 6 شهور سافرت بيها القاهرة من الصعيد مسافة 700 كم وماش اء الله عليها ثابته ثابته ثابته وموزونه بطريقة ما تتوصفش علي سرعات فوق ال 150 كم / ساعة وكمان ثلثة في قيادتها في السرعات العالية وانا بقول ان العربية دي متحسش بقيمتها الا علي الطرق السريعة والسفر انصح اي حد ناوي ع عربية يجيبها احسن من الباسات والالفنتازيا " طبعا بالنسبة للسعر "

المشاركة الأصلية كتبت بواسطة haithamnc يا جماعه العربيه معايا بقالها 3 شهور زى الفل ثبات رائع عزل جميل وسع فى الصالون كبير جداً متسمعش صوت الموتور خالص فعلاً عشان مكونش ببالغ العربيه ماشاء الله جميله وانا اشترتها لان ابن خالت مراتى اشتراها ولقيت ان انها تستاهل لما جربتها وهى تعتبر احسن فى هذا الكاتيجورى ده

المشاركة الأصلية كتبت بواسطة wael - mohamed انا استلمت العربية وعامل لحد دلوقتي 2500 كيلو والعربية تمام وشيك وثابته على الطريق وسعرها معقول بالنسبة لامكانياتها وكماليتها وعلى فكرة انا واحد صحبي معاه ميجان وقارنا بين الفلوانس والميجان وهما جنب بعض وجدنا ان كثير من المشاكل التي كانت في الميجان الم يكن كلها تم معالجتها في الفلوانس وده شئ يحسب لرينو انها صلحت اخطائها

المشاركة الأصلية كتبت بواسطة ahmedama العربية ممتازة بجد وعن تجربة اتوكل على الله وجبها واطمن هية معايا من 2010 وكلة تمام لية صحبى معاه سيراتو LX بعد ما ركبها معايا ندم انة جاب سيراتو

[mostafa b]

الف شكر لكل لمن تكرم بالرد
انا فعلا اميل للفلوانس اكتر و لكن موضوع قطع الغيار قلقان منه جدا

[M.TONSY]

الالنترا افضل من حيث الشكل وقوة الموتور وتوافر قطع الغيار والانتشار الرهيب وسعر اعادة البيع

[shnobly]

انا معايا الكروز الأوتوماتيك
وكل الكلام الللي بيتقال على موضوع المكنه بتاعتها دا مش مظبوط على فكره
ف لو دا اللي مخوفك منها بس
يبقى أتوكل على الله وهاتها ( هتجيب ال2013 ب التعديل الجديد كمان )