|
سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
أدوات الموضوع |
#1
|
|||
|
|||
الطريق من المنصورة لكفر الشيخ
يشرفنى ان يكون الموضوع ده هو أول مشاركة ليا فى المنتدى
بكرة أو بعده بالكتير لازم أكون فى مرور كفر الشيخ علشان رخصة عربيتى خلصت و عايز أنقلها عندى فى المنصورة .. و هتبقى أول مرة أخرج بالعربية من المنصورة ..و معنديش فكرة إطلاقا الطريق من المنصورة لحد مرور كفر الشيخ منين و نظامه إيه .. و يا ريت لو حد فى المنتدى من كفر الشيخ يتكرم و يشرحلى هوصل المرور ازاى .. و لو هتقل عليكم عايز أعرف و لو حتى تقديريا المسافة بتاعة الطريق اللى همشى فيه و ياخد وقت قد إيه تقريبا.. و شكرا جزيلا لوقتكم و مساعدتكم |
#2
|
رد: الطريق من المنصورة لكفر الشيخ
شوف يا باشا أنا من المنصوره و عمرى ما رحت كفرالشيخ ! بس تقريبآ انت بتروح طريق
نبروه ثم دميره و من دميره الى الحامول الى كفر الشيخ ! أو فيه طريق تانى من المحله ! و ممكن تروح موقف تاكسيات طلخا و كل السواقين هناك ح يدلوك على الطريق الصح والآنضف ! الطريق تقريبآ حوالى ساعه أو ساعه و ربع ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127 |
#3
|
|||
|
|||
رد: الطريق من المنصورة لكفر الشيخ
أنا و الله يا دكتور كان نفسى حضرتك اللى ترد عليا .. مش عندك فكرة أنا من خلال متابعتى للمنتدى حبيت و احترمت حضرتك قد إيه ..
أنا خالد طالب فى الفرقة السادسة طب المنصورة و متشكر جدا لرد حضرتك |
#4
|
||||
|
||||
رد: الطريق من المنصورة لكفر الشيخ
اسأل عن الطريق الدولى لان سمعت انه تظبط وله مدخل من عند كوبرى الجامعه فى المنصورة وبيعدى على بلطيم بس اسال الاول لان بصراحه اخر مره مشيت عليه كان مش تمام
__________________
مغترب مصراوى لبلده هاوى |
#5
|
|||
|
|||
رد: الطريق من المنصورة لكفر الشيخ
اسهل طريق
كأنك رايح المحله او طنطا يعنى تطلع من كوبرى الجامعه و تتجه شمال و خد بالك من الملف ده عشان خطير شويه لان مفيش مطبات قبله المهم يا جميل اسأل على طريق طنطا او المحله و اول ما توصل لمدخل المحله هتلاقى طريق داخل يمين هو ده طريق كفر الشيخ هتلاقيه طريق مفرد يعنى رايح جاى و اول ما تخش كفر الشيخ هتلاقى المرور فى مدخل كفر الشيخ من اتجاهك و انت داخل و خد بالك من المخالفات عشان هنا شادين شويه و خصوصا على العربيات الغريبه و تيجى بالسلامه |
|
|