|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#1
|
|||
|
|||
لسه مغير زجاج (برابريز) امامي فيرنا , بس حاسس ان اتضحك عليا!
السلام عليكم,
الحمد لله , اتكسر الزجاج الامامي للعربية , و على نصيبي اخد نقرة (حفرة) صغيرة كدة , غير شرخين كدة , نزلت شارع 6 أكتوبر اللي في عين شمس , سألت عند اتنين , قالولي مش هاينفع يتعالج عشان النقرة دي , سألت على الزجاج واحد قالي عندي زجاج المجموعة الاوروبية , قالي ب 250 جنيه , و التاني قالي عندي جريش , ب 270 اخره كان 250 جنيه. المهم قلت اركب عند اللي عنده جريش , هايخد وقت منك ؟ قالي عشر دقايق! , و بدأت المأساه. الصنايعي قالي نروح نجيبه من المخزن , قلت و ماله , نجيبه بالعربية و ننجز , نمشي بالعربية من عند أول مساكن عين شمس كدة (بعد مصنع كوفرتينا على طول) , لحد المخزن , مشوار نص ساعة! البيه مشغلني تاكسي , المهم وصلنا اتاري المخزن بتاع مصنع جريش نفسه و الصنايعي قالي هات الفلوس عشان أحاسب! عيني عينك كدة. نزلت معاه سألت في المخزن قالي مش بنبيع للافراد , بنبيع للورش و التجار بس , المهم هو واخدني تاكسي عشان معندوش مخزن!!! المهم اتخانقت معاه و قلتله المفروض تفهمني كدة من الأول, بعدها رجعنا في نص ساعة (كدة ساعة طارت). بدأ الصنايعي في فك الزجاج المكسور , بطريقة حسيتها بدائية جدا!! بيقطع الزجاج من على الاطراف , و رايش اد كده عمال يقع في الكبوت و تحت مكان الهواية , غير اللي وقع على التابلوه , قلت في بالي يمكن هاينضف بمكنسه (بحلم طبعا). الاتنين الصنايعية اتعورو 100 مرة , كأنهم أول مرة يفكو زجاج (للأمنة كان زجاج فبريكة و قالولي ان فكو بيبقى اصعب). المهم نضف مكان القديم أي كلام , و ركب الجديد بالسليكون , و حطله بلاستر شفاف. الحوار ده أخد منه ساعة كاملة , كدة ساعتين مش 10 دقايق. المهم اديته 50 جنيه بقيت حسابه و قلت حسبي الله و نعم الوكيل , ابقى انضف العربية في بنزينة من الرايش |
#2
|
|||
|
|||
رد: لسه مغير زجاج (برابريز) امامي فيرنا , بس حاسس ان اتضحك عليا!
اولا قدرالله وما شاء الله فعل
حضرتك كان من الافضل تروح لدكتور جريش بتاع زجاج الفيرنا الي نازل مع السيارة في شارع دمشق وتضبط الدنيا علي العموم ربنا يكرمك ومبروووك عليك و ضبط بقه في بنزينه محترمه حسب المكان الي سيادتك ساكن فيه العربيه ونظفها وتحت امرك
__________________
من النهارده بعلن اهدار دم كل أخواني حقير لقيط
وغدا جمعة الرحيل ان شاء الله نموت نموت وتحيا مصر حرة ابية مستقله قوية |
#3
|
|||
|
|||
رد: لسه مغير زجاج (برابريز) امامي فيرنا , بس حاسس ان اتضحك عليا!
نفسي بقي نتغير ونبطل نغش بعض ع العموم خير والحمد لله ان حضرتك غيرته
|
#4
|
||||
|
||||
رد: لسه مغير زجاج (برابريز) امامي فيرنا , بس حاسس ان اتضحك عليا!
ربنا يعوضك خير
|
#5
|
|||
|
|||
رد: لسه مغير زجاج (برابريز) امامي فيرنا , بس حاسس ان اتضحك عليا!
شكرا يا جماعة على الدعوات الجميلة ...
أنا الحمد لله انها جت على قد كدة , انا بس حكيت كل التفاصيل عشان الناس بعد كدة تستفيد من التجربة , و ادينا ستفدنا ان العضو rabet007 كتر خيره قالنا ان في فرع لجريش في شارع دمشق ... أي حد بعد كدة ان شاء الله ستفيد من الموضوع |
الكلمات الدليلية |
هيونداى فيرنا |
|
|