ما رايكم فى الكاوتش الماليزى او الاندونيسى

[aborawan]

الاندونيسي كويس كتير من بتوع الكاوتش نصحوني بيه
لاني كنت مركب لل31 كاوتش تايلاندي ومن كتر اقتناعي بالاندونيسي
ركبت gtاندونيسي للانسر الفرده ب345 من اسبوع

[ayman al-mufty]

الأخ العزيز بناءا على تجارب كثيرة تتعدى عشرات بل مئات ماركات الإطارات عندنا في مصر أو خارج مصر فإبعد عن أي كاوتش أندونيسي وخليك في الماليزي لأن ببساطة ماليزيا تمتلك أكبر غابات إنتاج المطاط في العالم ومعظم إنتاجهم كويس وجديد ويتحمل سرعات عالية ومبيقطعش سلك زي الكوري وإبعد عن كاوتش الماركات الشهيرة زي بريجستون وميشلان وبيرللي لأن عمر تجارنا الكرام محيدخلوها مصر فرز أول لازم تكون فرز ثاني أو فرز أول بس متخزنة أما أحسن كاوتش حاليا على مستوى العالم لو إنت أمورك المادية كويسة فطبعا خليك في اليوكوهاما الياباني أحسن إطار في العالم فعلا واللي يركب منو مرتاح وبعديه على مستوى تجاري خليك في إطار لاسا التركي أو أي حاجة ماليزي وأرجو إنك تكون من النوع اللي بياخد نصيحة وأرجو أكون أفدت حضرتك والسلام ختام وأي كاوتش عشان تحافظ عليه مطلوب منك كل شهرين تعمل ظبط زوايا وإتزان وترصيص وكمان تقلبهم على شكل X كل 10 آلاف كيلو ومتحطش خوابير تحت أي ظرف من الظروف وإبعد عن لحام المكوى قدر الإمكان وحط ظغط الكاوتش من 30 ل 32 ولو الكاوتش فيه سهم إتجاه إوعه تركبو عكس والسلام ختام وربنا يوفقك .

[marwaeldosoky]

الكاوتش الاندونيسي موجود في السوق دلوقتي كتير بس الفكرة ان مش كل الانواع زي بعضها في كاوتش نسبة المطاط فيه عالية بيكون ناعم قوي ع الطريق في المقابل بيريح منك بسرعة وتجنب ان حد يخليك تجيب النوع اللي tبالنسبة للسرعة لأنه لو في موقف طارئ مع الفرامل الكتير بتخرم من مكان الفرامل لو هتجيبه دور ع سرعات hأو v مش علشان السرعة بس علشان يستحمل الطريق أكتر و كمان يستحمل الفرملة الطارئة وده زي جي تي أو أكليز في نوع تاني أندونيسي كورسا بس ده نسبة المطاط فيه أقل بالتالي ميزته يستحمل الطريق أكتر والفرامل الكتير بس ناشف ع الطريقوبيعمل صوت بس أغلب اللي أستعمله سائقي التاكسي شكرو فيه الماليزي مطاط أعلي بس لسه مش منتشر زي الاندونيسي يليه تقريبا في الانتشار لازم تاخد بالك من تاريخ الانتاج ونوع الاطا من حيث السرعة وتأكد أ، اي ماركة دي مش فرز أول ممكن تاني أو ثالث واتمني ليك التوفيق في أختيارك باي باي

[كار كير فورميلا1]

من الاخر الكوتش الكوري افضل في مصر لانه طري
وشوارع مصر مكسره
واحسن كاوتش هو اكمهو الكوري
او الهنكوتك

[samirsaid1]

انا عاوزكو تنصحونى فى موضوع الكاوتش دة لانى الفترة الجاية هاغير
وعندى الجنوط 14 وعاوز اغير ل 15
واعربية عشان عفشتها ناشفة شوية فمش عاوزها تنشف اكتر لان نوع الكاوتش اكيد بيفرق

فعاوز اعرف احسن نوع من حيث النعومية مع الارض والجودة

وشكرا