عيب التوكيل واباطرة الميكانيكية عجز عن حلة

[samirayad]

وارد أيضا

أن يكون هناك سببا آخر لهذه المشكله الغريبه بالفعل

بمعنى

وجود خلل فى أشارة أى من حساسات الحراره

سواء كان

1- حساس العمه ............أى حرارة الهواء

أو

2- حساس حرارة مية التبريد

[mido1672003]

و الحمد لله انا على طول بتعامل مع التوكيل و هو قالى ان المشكله فى علبه الكنترول يونت بتاعه العربيه و ان العربيه عشان ترجع متنتش لازم ابطل العربيه حوالى نص ساعه و ادورها تانى و طبعا فهمت من المهندس ده انه راجل حمار و مبيفهمش حاجه المهم بالصدفه دخلت على موقع سيارات و قريت عن مشكله فى عربيه من نوع تانى نفس مشكلتى و طلع ان المشكله فى طرمبه البنزين .......... ازاى بقى يبقى لازم تشوف فى التوكيل الطرمبه دى بتطلع كام بار المفروض تكون 8 بار و لو اقل من 7 الطرمبه بتاعه العربيه بايظه و لازم تتغير و خد بالك انه ممكن تركب طرمبه جديده و تعمل نفس المشكله برضه لو الطرمبه من بتطلع 8 بار و خصوصا لو بتحط بنزين اقل من 92 انا بصراحه من اول ما فكرت اجيب عربيه و انا توكلت على الله و قولت اجيب لانوس هى عربيه محترمه و حنينه و حماله اسيه اوى و خصوصا انى قبلها انضحك عليا فى عربيه فيرنا و ندمت ندم عمرى انى مركبتش لانوس من الاول بس بالامانه احب اقول ان عيب اللاتنوس الوحيد ان العربيه 1500 سى سى و اقسم بالله لو اللانوس موتورها 1600 سى سى كانت هتبقى موجوده فى مصر اكتر من كده على الاقل عشر اضعاف و مكانشى هيبقى فيه لا فيرنا و لا لوجان و لا بى واى دى و للعلم العربيات دى كلها ركبتها و سوقتها بس اكتر عربيه و كانت معايا الفيرنا و كرهتها كره العمى و وقعت فى غرام لانوستى حبيبه قلبى و عسولتى و يا رب احرسهالى و يحميها و يسترها علينا جميعا و على شباب مصر و اهلها و كل سنه و انت طيب

[spare parts]

شوف يا فندم هو طبعا نوع الخنقه الموجود عندك ممكن يكون طبيعى لان اللنوس فيها خنقه طبيعيه و ده انا باعتبره عيب فى تصميم الكنترول يونيت بتاع الموتور فيها و بتظهر اكتر فى بدايه الحركه لو انت بتدوس زياده شويه على دواسه البنزين حاول تجرب تدوس فى بدايه النقله على البنزين بطريقه خفيفه و تدريجيه الصح هنا ان العربيه تسحب معاك جامد و ماتخنقش و مع الوقت هاتلاقى العربيه بطريقه القياده دى بتسحب معاك جامد و مابتستهلكش بنزين كتير و لو العربيه فضلت مخنوقه كده اكيد فيها حاجه غلط .

احب اضيف بس ان طرمبه اللانوس 3 بار و بعد ضغطها فى دايره البنزين و منظم البنزين الموجود على مسطره الرشاشات بيوصل الضغط تقريبا من 3.5 الى 4 بار حسب سرعه المحرك و اداء المنظم .

[eng.ehabaly]

السلام عليكم جميعا
يا اخوانى المشكله ليس لها اى علاقه باى كنترول ولا اى جزء من اجزاء الدبرياج والمحرك بريء من قله السحب فى الزحام وعندما تكون درجه الحراره مرتفعه
تعالو براحه كده وببساطه محلل مشكله اخونا المظلوم
الراجل بيقول ان المشكله بتحدث عندما يكون فى زحام
طيب يا شباب ايه اللى احنا بنعمله لما بنكون فى زحمه ؟؟؟؟؟؟؟؟؟
اكيد بندوس فرامل كتير جدا صح ولا ايه؟؟؟؟
اذن نشوف ايه اللى ممكن يسببه الضغط المتكرر على الفرامل وهى سليمه ؟؟ اكيد مش هيحصل حاجه
طيب نشوف ايه اللى هيحصل لو دسنا كتير على الفرامل وكان فى مشكله فيها زى المواسير مسدوده او الزيت وسخ او الجلد تعبان وبيلزق فى الماستر؟؟؟؟ عرفين ايه اللى هيحصل الفرامل هتفرمل حلاوه بس مش هتحرر العجله لو رفعت رجلك من على الدواسه يعنى العجل هيبقى مكلبش شويه
وطبعا احنا بنفضل ديسين على الفرامل لحد ما الطريق يتحرك وبعدهل نحرك العربيه عشان الفرامل مش بتتحرر بسرعه بيحصل ان الحمل على المحرك بيزيد (حمل الفرامل وبيكون لوقت قصير + حمل السياره) وسعتها انتا بتحس ان المحرك بيضعف والحقيقه ان الحمل هو اللى بيزيد
وكون المشكله تحدث والسياره بتكون سخنه ده بياكد ان المشكله فى الفرامل لا مشاكل الزيت والواسير والجلد بتظهر عند الحراره
ملخص القول
اكشف بالترتيب على
خراطيم الزيت
المواسير
المساتر الفرعيه (اللى على العجل)
واخيرا الماستر العمومى
واكيد الزيت
واشكرك ويارب ما اكش طولت عليكم
والله الموفق