#1
|
||||
|
||||
استهلاك بنزين بولو 1995
<div align="center">السلام عليكم ورحمة الله وبركاته
اصدقائي الاعزاء اكرمني الله حديثاً بسيارة فولكس بولو 1995 وكانت دى اول عربية اركبها اينعم اخدت عين سحبت فى وشها 2000 جنية بس الحمد لله على كل حال الميكانيكية عندنا تعبانين جداً فى النوع دة عايز القاهرة على طول ما علينا حبيت اقيس استهلاك البنزين جوه البلد .. لقيته 132 كيلو يستهلكو 18.5 لتر واعرف ان دة استهلاك عالى جدا بالنسبة للبولو والموتور 1300 الرجاء الافادة .. عن الاستهلاك هل دة فعلا عالى جــــداً ولو حد يفيدنا ويقلنا ياتري اية السبب واكون شاكر ليكم جدا معلش بقي اخوكم مستجد عربيات |
#2
|
||||
|
||||
رد: استهلاك بنزين بولو 1995
المفروض حضرتك بتعمل صيانة دورية اول ما بتشترى عربية مستعملة (تغيير بوجيهات -فلاتر-زيوت -سيور...) تلافيا لأى مشاكل ممكن تظهر نتيجة استخدام المالك القديم للعربية وعشان تبقى عارف اخر مرة غيرت بوجيهات امتى وغيرت زيت امتى ...الخ وتمشى بجدول صيانة دورى جرب الموضوع دة وابقى طمنا الاستهلاك ظبط ولا لأ وخلى بالك المشى جوة البلد لا يعتبر مقياس للأستهلاك (غير دقيق) عشان ممكن الكيلو تمشية فى دقيقة وممكن تمشية فى ساعة حسب الزحمة |
#3
|
||||
|
||||
رد: استهلاك بنزين بولو 1995
شكرا لاهتمام حضرتك ، بس انا فعلا غيرت زيت وفلتر زيت وبوجيهات تقريبا زي ما بتقول كدة صيانة دورية ما انا قلت لحضرتك انا اول ما جبتها صرفت 2000 جنية وكان صوت الموتور عالى شوية اتظبط والكهربا كمان كانت مش متظبطة يعني عملنا معاها الواجب .
وانا عارف طبعا ان المشي جوه البلد مش مقياس دقيق .. لكن تفتكر انه يفرق عن الطبيعي 70 : 100 كيلو تقريباً عموما انا هاحاول امونها واطلع بيها ع الطريق مشوار كدة واشوف استهلاكها ايه وشاكر لاهتمام حضرتك التعديل الأخير تم بواسطة karem_sh007 ; 31-03-2013 الساعة 02:44 PM |
#4
|
|||
|
|||
رد: استهلاك بنزين بولو 1995
لو عندنا في القاهره انا شايف انه استهلاك مش عالي قوي للدرجه الللي حضرتك متخيلها لو عالي يبقي عالي نسبيا مش اوي
|
#5
|
||||
|
||||
رد: استهلاك بنزين بولو 1995
لكن لو انت شايف ان الرقم مش عالى يبقي كدة كويس خصوصا احنا ف اول المشوار |
الكلمات الدليلية |
بولو |
|
|