اختيار M11 عن إقتناع

[سيمون شحاتة]

للأسف يا جماعه انا كنت بلغتكم انى حاشترى العربية M11 فعلا حصل و روحت يوم السبت 29/9 دفعت المقدم و حجزتها و تانى يوم اتصل بيا مندوب المبيعات من المعرض و بلغنى ان المصنع مش حيطلع M11 أو تيجو اتوماتيك فى شهر اكتوبر خالص.
انا قلت مش مشكله استنى شويه و اهى كل تأخيره و فيها خيره و فضلت اتابعهم طول الشهر و اكلمهم و ما صدقت ان الشهر خلص و بعد العيد (كل سنه و كلكم طيبين ) كلمتهم.
و فضلوا يقولوا كلام فارغ مالوش معنى لغاية امبارح السبت قدمت شكوى رسمى فى الأدارة انى عايز اعرف اخرتها ايه.
و كانت الصدمه النهارده لما واحد من خدمة العملاء من المركز الرئيسى كلمنى و اتأسفلى جدا ان العربيه مش حتطلع من المصنع قبل اول السنه و جايز ايوه و جايز لا علشان مكوناتها ناقصه فى المصنع و حتى قالى ان التيجو الأتوماتيك جايز تطلع على شهر مايو 2013 و جايز لا:cry2W9 :
طبعا بعد الصدمه المحترمه انا بافكر جدا انى اروح اسحب مقدم الججز و اروح بسرعه احجز GEELY EMGRAND 7 الجديده لانى شايف انها جميله جدا و افتكر حيكون لها مستقبل مبهر فى مصر.
انتوا ايه رأيكم ؟؟؟!!!

[moro2moro]

هو فعلا الناس بتشكر فى الإمجراند
لكن أنا رأى انك تجرب الجاك صحيح ان فيها كماليات اتشالت وكانت جميلة زى التكييف التاتش والجنوط لكن برضه ياريت تلقى نظرة عليها وتقولنا ايه انطباعك

[hamaad]

الف مبروك على انضمامك فى المنتدى وانا راى انى m11 سيارة ممتازة فى الشكل ولكن لا اعلم شى عن ادائه

[cmatcho]

10000000مبروك
الا ام 11
نا شايف انها افضل من ال 516

[embaby]

المشاركة الأصلية كتبت بواسطة سيمون شحاتة للأسف يا جماعه انا كنت بلغتكم انى حاشترى العربية M11 فعلا حصل و روحت يوم السبت 29/9 دفعت المقدم و حجزتها و تانى يوم اتصل بيا مندوب المبيعات من المعرض و بلغنى ان المصنع مش حيطلع M11 أو تيجو اتوماتيك فى شهر اكتوبر خالص. انا قلت مش مشكله استنى شويه و اهى كل تأخيره و فيها خيره و فضلت اتابعهم طول الشهر و اكلمهم و ما صدقت ان الشهر خلص و بعد العيد (كل سنه و كلكم طيبين ) كلمتهم. و فضلوا يقولوا كلام فارغ مالوش معنى لغاية امبارح السبت قدمت شكوى رسمى فى الأدارة انى عايز اعرف اخرتها ايه. و كانت الصدمه النهارده لما واحد من خدمة العملاء من المركز الرئيسى كلمنى و اتأسفلى جدا ان العربيه مش حتطلع من المصنع قبل اول السنه و جايز ايوه و جايز لا علشان مكوناتها ناقصه فى المصنع و حتى قالى ان التيجو الأتوماتيك جايز تطلع على شهر مايو 2013 و جايز لا:cry2W9 : طبعا بعد الصدمه المحترمه انا بافكر جدا انى اروح اسحب مقدم الججز و اروح بسرعه احجز GEELY EMGRAND 7 الجديده لانى شايف انها جميله جدا و افتكر حيكون لها مستقبل مبهر فى مصر. انتوا ايه رأيكم ؟؟؟!!!

خليك في M11 طالما اقتنعت بيها .... وانا عندي ليك مفاجئة
العربية ان شاء الله هاتبقى موجودة عند موزع اسمه الليثي اوتو جروب في انا شوفت الاعلان في سيارات الجمعة امبارح واتصلت بيهم قالي انهم هايستلمه دفعة جديدة من موديلات 2013 يوم الاحد 11/11/2012 وتسليم فوري ب 73000 ل M11 و 74000 ل M12

الظاهر يا جماعة ان ابو الفتوح هايخلص طلبيات الموزعين الاول وبعد كدة يبدأ ينزل العربيات عنده
وانا ان شاء الله هاروح اجيبها من هناك