انطباعات أوليه عن السيراتو 2011

[capink]

باركولي لاني اشتريت الكيا سيراتو موديل 2011 الفتيس الجديد (توكيل). و ادعولي ان ربنا يديني خيرها و يكفيني شرها.

العربية لسه مكملتش معايا 250 كيلو و بالتالي كل اللي حاقوله مجرد انطباعات أولية. كمان مش حتكلم عن الشكل الخارجي أو الداخلي لان دي حاجات ممكن أي حد يشوفها بنفسه على الطبيعة و يحكم عليها بنفسه.

الحاجة الثانية ان كل واحد بيحكم على أي حاجة من منظور تجاربه السابقة. أنا قبل السيراتو كنت باسوق ياريس مانيوال و قبلها لانسر أتوماتيك 1300 سي سي. و بالتالي أي ميزة أو عيب حيكون نسبي مقارنة بالعربيات اللي سوقتها فبل كده.

قبل ما اشتري العربية سمعت كثير ان العفشة ناشفة. العفشة طلعت أحسن مما كنت متوقع من اللي سمعته. هيا ناشفه بس مش حاجة فظيعة. أنا عربيتي جنوط 16 و أول ما جبتها ضبطت ضغط الاطارات على 32.


موتور العربية كويس و التسارع كويس بس في مطالع الكباري على السرعات الواطية بيكون احسن اني انقل للوضع الرياضي و انزل غيار بيدي سحب أحسن.العربيه سحبها أحسن بكثير من العربيتين اللي سوقتهم قبل كده و ده متوقع لأنها 1600 سي سي. و كمان نقلات العربية هاديه و أعتقد ان الفتيس الجديد مساعد في الحتة دي.

ثبات العربية كويس في الخط المستقيم وكمان في الملفات مع العلم ان اكثر سرعة وصلتها هي 130 لاني مش محتاج اكثر من كده. بس في ملاحظة ان لو دخلت في طريق مش مستوي و فيه تموجات كثير على سرعات أكثر من 80 باحس بانزلاق في مؤخرة السيارة (loose backend). الحكايه دي حسيت بيها مرتين و ما كانتش باحس بيها بنفس الصورة في الياريس. مع ان تعليق الياريس الخلفي تورشن بيم برده زي السيراتو. و بمناسبة التورشن بيم أنا دورت كثير قبل ما اشتري العربية و لقيت ان في عربيات كثبر بتستخدم النظام ده زي الرينو الميجان و الكورولا و الأوبل استرا و على حسب ماسمعت الالنترا الشكل الجديد تعليقها الخلفي حيكون تورشن بيم برده. انما في الطرق الممهدة العربية ثباتها كويس.

العربية عزلها كويس و صوت الموتور مش عالي. أنا سمعت حد بيقول عنها انها مملة بس ده بالنسبه ليا عز الطلب.

الفرامل برضة كويسه بس ماضطرتش لغاية دلوقتي أفرمل جامد علشان أشوف فرق ال abs.

العربية أنا مبسوط منها و شايف انها كويسه قوي بالنسبه لسعرها.

[خالداعزالناس]

مبروووووووووووووووووووووو ووك عليك السياره
من السيارات الناجحه جدا فى مصر
واحدى اجمل سيارات الصانع الكورى ( كـــيـــا )
ربنا يديك خيرها ويكفيك شرها

[SAMOOO]

المشاركة الأصلية كتبت بواسطة capink باركولي لاني اشتريت الكيا سيراتو موديل 2011 الفتيس الجديد (توكيل). و ادعولي ان ربنا يديني خيرها و يكفيني شرها. العربية لسه مكملتش معايا 250 كيلو و بالتالي كل اللي حاقوله مجرد انطباعات أولية. كمان مش حتكلم عن الشكل الخارجي أو الداخلي لان دي حاجات ممكن أي حد يشوفها بنفسه على الطبيعة و يحكم عليها بنفسه. الحاجة الثانية ان كل واحد بيحكم على أي حاجة من منظور تجاربه السابقة. أنا قبل السيراتو كنت باسوق ياريس مانيوال و قبلها لانسر أتوماتيك 1300 سي سي. و بالتالي أي ميزة أو عيب حيكون نسبي مقارنة بالعربيات اللي سوقتها فبل كده. قبل ما اشتري العربية سمعت كثير ان العفشة ناشفة. العفشة طلعت أحسن مما كنت متوقع من اللي سمعته. هيا ناشفه بس مش حاجة فظيعة. أنا عربيتي جنوط 16 و أول ما جبتها ضبطت ضغط الاطارات على 32. موتور العربية كويس و التسارع كويس بس في مطالع الكباري على السرعات الواطية بيكون احسن اني انقل للوضع الرياضي و انزل غيار بيدي سحب أحسن.العربيه سحبها أحسن بكثير من العربيتين اللي سوقتهم قبل كده و ده متوقع لأنها 1600 سي سي. و كمان نقلات العربية هاديه و أعتقد ان الفتيس الجديد مساعد في الحتة دي. ثبات العربية كويس في الخط المستقيم وكمان في الملفات مع العلم ان اكثر سرعة وصلتها هي 130 لاني مش محتاج اكثر من كده. بس في ملاحظة ان لو دخلت في طريق مش مستوي و فيه تموجات كثير على سرعات أكثر من 80 باحس بانزلاق في مؤخرة السيارة (loose backend). الحكايه دي حسيت بيها مرتين و ما كانتش باحس بيها بنفس الصورة في الياريس. مع ان تعليق الياريس الخلفي تورشن بيم برده زي السيراتو. و بمناسبة التورشن بيم أنا دورت كثير قبل ما اشتري العربية و لقيت ان في عربيات كثبر بتستخدم النظام ده زي الرينو الميجان و الكورولا و الأوبل استرا و على حسب ماسمعت الالنترا الشكل الجديد تعليقها الخلفي حيكون تورشن بيم برده. انما في الطرق الممهدة العربية ثباتها كويس. العربية عزلها كويس و صوت الموتور مش عالي. أنا سمعت حد بيقول عنها انها مملة بس ده بالنسبه ليا عز الطلب. الفرامل برضة كويسه بس ماضطرتش لغاية دلوقتي أفرمل جامد علشان أشوف فرق ال abs. العربية أنا مبسوط منها و شايف انها كويسه قوي بالنسبه لسعرها.

ألف مبروووووووووووووووووووووو ك و ربنا يديك خيرها و يكفيك شرها
بس هل فى جناحات على الطارة

[hisham853]

الف مبروك العربية وربنا يبارك لك فيها و يكفيك شرها

[أبوسالم]

لف مبروووووووووووووووووووووو ك
اللهم يرزقك خيرها ويكفيك شرها