لو رجع بيك الزمن هتركب كيا سيراتو

[mohamed selem]

محبتش فيها غير انها اوبشن كامل حسيت انها نزلت مصر من غير ميتشال منها حاجه
ومع كلا محبتش تصميم العربيه ( ازواق )
بس لو مبلغ العربيه موجود معايا هشتري بيه لانسر عشان دي اكتر عربيه ارتحت فيها من قياده لعفشه لاوبشنز واسمي راكب ياباني

[NESSO]

السلام عليكم ورحمة الله
لو رجع الزمن تاني كنت هركب كيا سيراتو
بس مش عشان انها افضل عربية لا لان العربيات راحة نفسية وبصدق من وجهة نظري انها افضل عربية كوري وفي نفس سعرها ولكن لو هتغير ما فيش كوري تاني احسن منها
بس يبقا التغيير الي الالماني وبس انما في المستوي دا لا هي افضل عربية نزلت مصر كوري

[Felefel Ahmed]

السلام عليكم
العربيه مش معايا بس 50% من عربيات الشركه للأسف سيراتو
اول مره ركبت ورا انا راسي اتبهدلت خبط فى السقف ويا سلام لو الطريق بيلف وأخد مطب صغير أوي كنت بحس ان انا فى الملاهي(مع العلم جميع السيارات فى الشركه فوق ال90 ممنوع)والسواق كان ماشى علي 70 علي الدائري , قولت توبه اركب ورا

تانى مره من القاهره الي الأسكندريه انا ومرات (كنت مأجر ليموزين بالسواق وكانت مراتى حامل)
الطريق كله ماشى علي 60 لغايت الرست وقفته علي جنب وكلمت الشركه تبعت عربيه تانيه (والله مراتى طلعت بيها علي المستشفى من كتر الهبد علي الطريق)

تالت مره مع واحد صاحبى قالي يا أحمد العربيه وحشه لأي حد راكب بس السواق مش بيحس بحاجه وبيستمتع
زقيته وقلت يمكن المتين وستين ألف عربيه ألي سوقتهم ده غير ألي بشتريهم كنت شارب حاجه
سوقت العربيه على الدائري 5 كيلو (مفيش زلطه محستش بيها , جميع تفاصيل الطريق كانت بتسمع فى ضهري)

والله كل اصحابى ألي معاهم بيضربوا نفسيهم بالجزمه

ده غير قطع الغيار المولعه يعنى طبعا لا تقارن بالألنترا

[bunnybunny77]

الالنترا الشكل القديم أفضل منها طبعا اينعم اوبشن اقل بس حاجات كتير اكتر اولها
العفشة الناعمة
قطع غيار اهدى فى السعر
كراسى اريح فى الصالون
حافظة سعرها اكتر
شكلها احلى من وجهة نظر مالكيها
مش عارف لييه السيراتو بتتسرق اكتر و لييه حوادثها اكتر بردو(حاجات عايزة مراجعة دقيقة للتصميم بواسطة مهندسين)
و فى الاخر الهيونداى هى اكبر و اقدم شركة كورية
وبردو مننساش ان دى عربيات كوري من الفئة الاقتصادية و اسعارها زهيدة خارج مصر و مش مطلوب منها خارج مصر الا انها تشتغل 3 سنوات مع المالك بدون مشاكل و باستخدام عاااادى فى التنقل على سرعة لا تتعدى 100 فى احسن الاحوال و بالتالى هى صفقة جيدة للمستخدم الاوروبى و الامريكى بالنسبة لسعرها الزهيد, اما عندنا فمعظم الناس يريدون سيارة العمر و هذه استحالة تكون كورية مع احترامى للجميع و اللى عايز عربيته تعمر يستخدمها فيما صممت من اجله السيراتو و الالنترا ليسوا صواريخ او سيارات رياضية تذكروا ذلك بل هم سيارات ركوب اقتصادية ذات بناء ضعيف جدا و ان بدتا جميلتان و ذلك للتطور الطبيعى العالمى للتصميم و لا يعبر ذلك باى حال من الاحوال عن الجودة او القوة و تبقى المانيا و امريكا هما المتفوقتان فى ذلك اما اسيا(اليابان و كوريا) فتلعبان على السعر الاقل و المظهر الجميل مع الخفة فى الخامات و بالتالى الامان و القوة الاقل
مع خالص امنياتى بالغاء الجمارك حتى نركب سيارات حقيقية باسعارها الحقيقية

و خالص احترامى لكوريا الجنوبية التى استطاعت فى اقل من 30 عام ان تضع نفسها فى مصاف الدول التكنولوجية المتقدمة صناعيا
و خالص اسفى لنومنا فى العسل حتى اصبحنا امة مستهلكة لمنتجات الغير المغموسة بجشع و احتكار الوكلاء و المستوردين و المسممة باللوائح الجمركية المجحفة و اللتى لا تتناسب و دخول المصريين و جلسنا و انشغلنا بمقارنة منتجات كورية بعضها ببعض....هم يعملون و يكسبون و نحن نشترى و نتكلم
و اخيرا فلينتقم الله ممن تامروا على الشعب المصري و شركة النصر

و شكرا و اسف للاطالة

[mainz]

المشاركة الأصلية كتبت بواسطة bunnybunny77 الالنترا الشكل القديم أفضل منها طبعا اينعم اوبشن اقل بس حاجات كتير اكتر اولها العفشة الناعمة قطع غيار اهدى فى السعر كراسى اريح فى الصالون حافظة سعرها اكتر شكلها احلى من وجهة نظر مالكيها مش عارف لييه السيراتو بتتسرق اكتر و لييه حوادثها اكتر بردو(حاجات عايزة مراجعة دقيقة للتصميم بواسطة مهندسين) و فى الاخر الهيونداى هى اكبر و اقدم شركة كورية وبردو مننساش ان دى عربيات كوري من الفئة الاقتصادية و اسعارها زهيدة خارج مصر و مش مطلوب منها خارج مصر الا انها تشتغل 3 سنوات مع المالك بدون مشاكل و باستخدام عاااادى فى التنقل على سرعة لا تتعدى 100 فى احسن الاحوال و بالتالى هى صفقة جيدة للمستخدم الاوروبى و الامريكى بالنسبة لسعرها الزهيد, اما عندنا فمعظم الناس يريدون سيارة العمر و هذه استحالة تكون كورية مع احترامى للجميع و اللى عايز عربيته تعمر يستخدمها فيما صممت من اجله السيراتو و الالنترا ليسوا صواريخ او سيارات رياضية تذكروا ذلك بل هم سيارات ركوب اقتصادية ذات بناء ضعيف جدا و ان بدتا جميلتان و ذلك للتطور الطبيعى العالمى للتصميم و لا يعبر ذلك باى حال من الاحوال عن الجودة او القوة و تبقى المانيا و امريكا هما المتفوقتان فى ذلك اما اسيا(اليابان و كوريا) فتلعبان على السعر الاقل و المظهر الجميل مع الخفة فى الخامات و بالتالى الامان و القوة الاقل مع خالص امنياتى بالغاء الجمارك حتى نركب سيارات حقيقية باسعارها الحقيقية و خالص احترامى لكوريا الجنوبية التى استطاعت فى اقل من 30 عام ان تضع نفسها فى مصاف الدول التكنولوجية المتقدمة صناعيا و خالص اسفى لنومنا فى العسل حتى اصبحنا امة مستهلكة لمنتجات الغير المغموسة بجشع و احتكار الوكلاء و المستوردين و المسممة باللوائح الجمركية المجحفة و اللتى لا تتناسب و دخول المصريين و جلسنا و انشغلنا بمقارنة منتجات كورية بعضها ببعض....هم يعملون و يكسبون و نحن نشترى و نتكلم و اخيرا فلينتقم الله ممن تامروا على الشعب المصري و شركة النصر و شكرا و اسف للاطالة

الله ينور على حضرتك فعلا هيا ديه الحقيقه .
انا شوفت فى المانيا السيراتو القديم بس الجديد لحد دلوقتى ماشوفتها رغم ان فيه موديلات كتير فى المانيا للكيا لكن الكروز منتشره بس مش قوى
المشكله كلها مش فى مصنع العربيات هنا او هناك المشكله فى ضمير المستورد المصرى وفى ضمير التوكيلات المصريه .
تويوتا سحبت عربيات كتير من الاسواق الاوروبيه على مدار عده سنوات حتى الان وعمرنا ما سمعناش ان توكيل تويوتا سحب اى عربيه متباعه فى مصر علشان عيب فنى فى الصناعه .
انا لله وانا اليه راجعون .