هل البى واى دى هتيبقى مرادف للتاكسى فى مصر

[ezzat2002mo]

المشاركة الأصلية كتبت بواسطة boshah على حد ما قرأت وسمعت عن العربية دى انها جيده جدا وقطع غيارها متوفره بلاضافه الى ان قطع غيارها نفس قطع غيار الميتسوبيشى من ناحية الموتور والتويوتا2008 من ناحية العفشة بس الناس مش بتحبها علشان زى ما انت شفتها كده اغلبها تاكسى .

ممكن والله ده انا ساعات شفت واحد شايل علامه العربيه وحاطط علامه التيوتا كورولا يعنى بيستعر من الماركه

[ezzat2002mo]

المشاركة الأصلية كتبت بواسطة lonedoctor حياك الله السيارة جيدة جدا وممتعة فى القيادة واقل السيارات من حيث المشاكل التقنية وقطع غيارها متوفرة ومتنوعة وسعرها جيد بالنسبة لامكانيتها الكثيرة والفعالة توكل على الله ولن تندم واشتريها حتى ولو التوكيل موش عاجبك فهو على الاقل ليس اقل من التوكيلات الموجودة فى مصر كما تفضلت ودى للاسف بيئة عامة وثقافة فى مصر وهى عدم احترام المستهلك وانعدام الثقافة التسويقية الجيدة وده امر عادى فى الدول النامية انت موش فى بريطانيا ولا امريكا حتى عندنا هنا فى السعودية بالرغم من جودة خدمات ما بعد البيع يوجد مشاكل كتير متشابهةولك ان تتصور صيانة ال20000 كيلو لسيارتى الكورولا هنا فى السعودية تكاليفها 850 ريال علشان زيت وفلتر وفلتر هواء وبوجيهات ودى قيمتها 200 ريال لو عملتها فى محل غيار زيت فى الشارع فى نصف ساعة وفى المقابل كل الحاجات اللى موش عاجبانى فى السيارة لم يلتفتوا اليها وانا موش فاضى افضل رايح جاى وشكاوى وخلافه انا ممكن اعمل كل الكلام ده بره برخص التراب وموش علشان التوكيلات وحشة موش هنركب سيارات دى اصبحت من اساسيات الحياة توكل على الله واشتريها ولن تندم او تعانى مشكلة كبيرة ان شاء الله تقبل تحياتى

مشكور ياباشا وعندك حق احنا مضطرين ومش قدامنا اختيار اخر وده اللى التوكيلات بتلعب عليه بس تعرف لو جت ماركه محترمه وعملت مراكز خدمه ما بعد البيع متعدده وممتازة فى الخدمه والجوده وكل شئ وكانت السيارة تجمع كل المميزات من سعر وجوده وفنش وكماليات وقطع غيار اجيد ده هيخلى كل الماركات التانيه تحترم نفسها

[ezzat2002mo]

المشاركة الأصلية كتبت بواسطة prime_prime97 معلش اعترض مع حضرتك فى ان توكيل رينووحش بالعكس دة كن افضل توكيلات مصر و عن تجربة مع توكيلات اخرى ورينو لوجان سبارة ممتازة و كلة بيشكر فيها و على فكرة هى افضل من الفيرنا و اللنوس من ناحية الامكانيات و الثبات و الامان

انا معاك ياباشا بس اسمح لى اقولك ان العربيه نفسها تحس انها معموله من سنه 90 يعنى المفروض عربيه نازله بسعر 68 الف سنه 2011 تكون تهتم براحه المستخدم الكلاكس اماكن زرار الزجاج شكل التابلوة هيه حاجات بسيطه بس صدقنى بتفرق يعنى تحس انه بيقول لك احمد ربنا انها بالسعر ده او انك بالسعر ده ركبت رينو .
الحاجه التانيه موضوع السعر العربيه ب 68 الف وهيه من غير جمارك خالص يعنى لو حطيت عليها ال 60% جمارك لعربيه 1600 cc سعر هيوصل لكام مثلا 100 الف بصراحه حرام اقارنها بالسيراتو او صنى او اكسنت ار بى معلش ده رايى فيه استغلال فى موضوع السعر لانى سمعت ان سعرها 4000يورو فى المغرب يعنى حوالى 32 الف جنيه مصرى ازاى موضوع السعر 68 الف بدون جمارك فى مصر وكمان قطع الغيار غاليه ليه يعنى الناس اشتكت من الكوبلن ابو 3600 جم الواحد وعلبه الدركسيون ام 7000 جم وبعدين بعد الشكوى الكوبلن الواحد ب 1750 وعلبه الدركسيون ب 2000 جم انا عاوز اعرف ايه اللى بيحكم الاسعار دي دى الاشياء اللى بتخنق الواحد من الماركه يعنى العربيه ممكن تكون حلوة او على قد سعرها بس المصريين بيستغلوا وكمان ممكن التوكيل بيعاملك بنظافه وكويس بس علشان بيشمط فى الفاتورة
ومعلش ده رايي الشخصى

[crime]

على فكره الصينى كعكلتش غير البى واى دى
والتيجو _ والام 11 و12
والعربيه البى واى دى عربيه محترمه جدا

[Torn@doo]

اعتقد ان دا بسبب توكيلها اللى مبيعملش اى حملات تسويقية ولا اى حاجة
مبيشفوش ابو الفتوح ( اسبيرانزا ) ومنصور ( شيفرولية ) بيعمل اية لما بينزلهم عربيات جديدة
بيعرفوا ازاى يسوقوا عربياتهم بس اعتقد ان التوكيل دا مكتفى بانها تاكسى وخلاص
يعنى معندوش هدف وبيحاول يوصلة
دا رايى الشخصى
تحيااااااااتى