|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#6
05-11-2013, 01:14 AM
|
||||
|
||||
رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
انا عدلت يارس قبل كده هيا فعلا صاجها مش قوى و كل الصاج الجديد كده لكن قوة موتورها و تصميمها ممتاز للشباب ميناسبش سيدات نفس الكلام بالنسبة للمرسيدى و البى ام و البيجو
لو عاوزه حاجه فخمة بس مستعمل ممكن الفولكس باسات و ممكن تدورى فى الاسكودا لو عاوزه عربية حريمى و يكون فيها اوبشن كتير فأكيد هتلاقى فى الكيا حاجات زيرو و مناسبة ليكى ابعدى عن العربيات الرجالى اللى اتصممت اصلات عشان تدى قدرة عالية و احساس بالسيطرة و فى نفس الوقت عاوزه حد بيفهم ميكانيكا عشان يقدر يصلح و يتابع معاها شوفى اوتوماتك صالون واسع امكانيات كتيرة امان اكتر ما يمكن مش مهم المحرك بالنسبة ليكى مقارنة بشكل العربية و مفيش صاج قوى غير فى العربيات القديمة وفئات معينة من العربيات الرياضية الحديثة
__________________
|
|
#7
05-11-2013, 03:43 AM
|
||||
|
||||
|
رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
الغالى ثمنة فية
حضرتك تذهبى لمعرض كبير ليكن سمير ريان تشوفى كل العربيات ويكون معاكى حد علشان تاخدى وتدى معاة وتحددى كام ماركة عجبتك ومالكيش دعوة برجال المعرض الا لما تكونى عاوزة تعرفى حاجة عن العربية وتصوريهم وتعرفى بيانتهم ممكن يطلع من المشوار دة مثلا 4 عربيات هتكونى محتارة مابينهم هنا يكون خدمة ما بعد البيع من صيانة فتعرفى توكيها فين لان فية عربيات توكيلها بعيد جدا والواحد بيموت علشان يروح التوكيل علشان يعمل الصيانات هناك فالتوكيل الاقرب تروحى تسألى هناك من اصحاب العربيات هل بيهتمو بالعربية ولا لا والاسعار وتسألى اكثر من واحد صاحب عربية لحد ما تتطمنى بنسبة 100% لو اطمنتى بنسبة اقل ماتشتريش خالص وفكرى اكثر انا عملت كدة وكنت محتار ما بين عربيتين وربنا وفقنى واخترت واحدة لان توكيها قريب منى وبالصدفة وجدت ناس معرفة بيعملو بالتوكيل وكانو يظبطولى كل حاجة مجمل الكلام ماتشتريش العربية الا لما تكونى مقتنعة 100%بها لان بعد ما هتشتريها هتحسى انك اتسرعتى جدا علم السيارات كبير جدا وزى ما قلت الغالى تمنة فية تحياتى
|
|
#8
05-11-2013, 10:44 AM
|
|||
|
|||
رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
الواحد بيبقى هاين يشيل العربيه ويمشى بيها
|
|
#9
05-11-2013, 03:11 PM
|
||||
|
||||
|
رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
( كلام رائع بس المشكله الزيرو مشكله لانى لسع جديده فى السواقه وخايفه جدا جدا من الزيرو وعلشان كده بدور فى المستعمل )
انا نسيت اقول ان انا مش بعرف اسوق وجبت العربية زيرو واتعلمت عليها لكن من خلفيتى الكبيرة من اول ساعة نزلت وسوقت ومافيش مشكلة خالص جمدى قلبك وهاتى زيرو وافرحى بيها بدل ما تجيبى مستعمل وكل يوم والتانى عاوزة ميكانيكى والبطارية والعفشة والكلام الفاضى دة اللى محتاج راجل فاضى وفاهم فى السواقة والميكانيكا وكيفية التعامل مع الصنعية لان مشاكل المستعمل كتيرة اوى وبتكون على غفلة انما الجديد بتكونى مطمنة من العربية على الاقل 4 سنين متخافيش واللى يخاف فمن الافضل ما يشتريش عربية احسن لة دى وجهة نظرى والقرار ليكى تحياتى
|
|
#10
05-11-2013, 06:08 PM
|
||||
|
||||
رد: عاوزه اشترى عربيه واول مره اسوق وتهوت ودوخت ونفسى حد بيفهم فى العربيات يساعدنى
ياريت تساعدونى أنا فكرت أعمل الموضوع ده لما لقيت مواضيع على المنتدى لناس بتقارن عربيات لا يمكن تتقارن مع بعض، وكل الموضوع إن أسعارهم قريبة من بعض. فكان لازم أتدخل عشان ... بصراحة ... حسيت إن احنا في مصر لسه بنبص للعربية على إنها موتور واربع عجلات... مش حاجة بتعبر عن أسلوب حياتنا. قبل ما أبدأ... لو انت بتحب ماركة معينة أو شكل عربية بعينها... فالكلام اللي حقوله ده مش حيفرق معاك كتير، لإنك تقريبا محدد اللي انت عايزه. إنما لو انت محتار ما بين عربيتين أو أكتر... جرب وفكر زي ما حقوللك... يمكن تلاقي الجواب بعد ما تقرا. موضوع اختيار العربية دايما بياخد مجهود وتفكير كتير .. لإنها خطوة حيدفع فيها مبلغ كبير نسبيا ولازم المبلغ ده يتحط في مكانه الصحيح  ولإننا في مصر... والعربية سلعة غالية جدا مقارنة بمستوى الدخل (وأغلى كمان من أي حته في العالم) فمعظمنا بيعتبر إن ثمن العربية هو الحاجة الأساسية اللي بيقارن بيها العربيات... أو بمعنى آخر... معظمنا بيشوف العربيات اللي في نفس الفئة السعرية وبعدين يبدأ يقارن  العربية ما بقيتش مجرد وسيلة مواصلات... العربية بتعبر عنك... عن شخصيتك... عن مستوى معيشتك... عن مستواك الثقافي... عن حجم عيلتك... عن طريقة حياتك      لو عايز تختار صح... السعر مش هو أول حاجة تختار بيها إذا ما كانش السعر هو المهم... أمال إيه هو المهم؟؟؟ قبل ما تشتري ... خد من وقتك شوية وفكر ... لإن في حاجات لازم تحددها الأول قبل ما تفكر في الفلوس اللي حتدفعها عشان تحس إنك حطيت فلوسك في مكانها.  أول خطوة: حدد انت مين!!! نعم؟؟؟ يعني إيه؟ أيوه.. يعني راجل ولا ست.. شاب صغير ولا رب أسرة.. مستريح ولا المواضيع على قد حالها كل الحاجات دي بتفرق في اختيارك غالبا... الراجل عايز عربية قوية وملامحها حادة... إنما الست عايزة عربية شكلها ناعم الشاب الصغير عايز عربية صغيرة وسريعة وما تستهلكش بنزين، إنما رب الأسرة عايز عربية تكفي العيلة بشنطها وهو رايح المصيف الناس المستريحة مش حتبص للماركات المتواضعة، إنما اللي على قد حاله بيدور على حاجة برضو على قد حالها تاني خطوة: لازم تحدد انت عايز إيه من العربية بمعنى إنت عايز العربية تعمل بيها إيه؟؟ إيه غرضك من شرا العربية وهتستخدمها في إيه؟ إزاي؟؟ يعني أغلب مشاويرك فين؟؟ جوه البلد في الزحمة ولا مسافر؟؟ مشاويرك قصيرة ولا طويلة؟؟ ... الطرق اللي انت حتمشي فيها متسفلتة كويس ولا حتروح بيها المزرعة؟؟؟ ممكن تطلع بيها سفاري ولا المواضيع مسالمة؟؟ ... عايز عربية سريعة ولا عايز عربية موفرة في البنزين؟؟؟ عايز عربية تستحمل الشقا بتاعنا ولا عايز عربية الناس تشاور عليك فيها؟؟؟ عايز فيها حاجات محددة؟؟؟ مثلا: موتور قوي ... عفشة قوية ... اتزان عالي ... حتشيل فيها حاجات غير البني آدمين ؟؟؟ نتيجة الخطوتين دول إنك تحدد شكل العربية اللي انت محتاجها... يعني: سيدان ... هاتشباك ... 4×4 ... فان ... نص نقل الخطوتين دول لوحدهم حيخلوك تشيل عربيات كتير من دماغك، لإنهم ببساطة... مش مناسبين. تالت حاجة: اختار حجم العربية المناسب حسب احتياجاتك وإمكانياتك أنا هنا باتكلم عن حجم العربية ... مش حجم الموتور... مش معنى إن نص العربيات في مصر بقت 1600 سي سي إني أقارن هيونداي فيرنا بـ سوناتا، أو جولف بـ باسات طبعا تفرق لو عندك عيلة صغيرة أو كبيرة، لو حتركب لوحدك أو معاك كل صحابك بس لما تحدد حجم العربية.. حتلاقي الاختيارات كمان بتقل. رابع حاجة: حدد إيه التجهيزات والكماليات اللي انت شايفها أساسية في العربية اللي انت بتفكر فيها وإيه اللي ممكن تستغنى عنه التجهيزات والكماليات الأساسية يعني اللي ما تقدرش تسوق العربية من غيرها، وأي حاجة تانية لو موجودة تبقى حاجة كويسة ترجح كفة العربية زي إيه؟؟؟ تكييف ... باور ... فتيس أوتوماتيك ... إزاز كهرباء ... RPM ... GPS ... كراسي جلد ... ساوند سيستم كويس ... كومبيوتر رحلات ... ABS ... إيرباج ... جنوط اسبور ... ألوان جذابة ... إلخ إيه ده ؟؟؟ ده احنا ما جبناش سيرة الفلوس من أول هنا ممكن نفكر في الفلوس  خامس نقطة: السعر والتكلفة الفلوس مهمة.. ولو الفلوس متوفرة ... مش حيبقى عندك أزمة إنك مش لاقي اللي انت عايزه.. ... بس من غير ما تحدد اللي فوق ده... الفلوس هتوهك إنما المشكلة الكبيرة بقى ... إنك تبقى عارف انت عايز ايه... ومش عارف تجيبه عشان الفلوس مش مساعداك... هنا نرجع للنقطة اللي فاتت، ونراجع التجهيزات الأساسية اللي ما نقدرش نستغنى عنها... ونحاول نتنازل شوية. خلي بالك... الفلوس هنا مش مجرد سعر العربية تكلفة تشغيل العربية كمان مهمة، عشان كده لازم تعرف حاجات تانية زي: • معدل استهلاك البنزين • نوع البنزين اللي يتحط في العربية • تكلفة التراخيص في المرور • ... إلخ. سادس حاجة: الصيانة يعني التوكيل محترم وقطع الغيار متوفرة ولا حجيب العربية واقعد أعيط جنبها لما تعطل طيب أسعار قطع الغيار في التوكيل كويسة ولا نار؟؟؟ حاول تعرف بعض أسعار لقطع الغيار اللي حتحتاجها في أول 3-4 سنين زي: • تيل الفرامل • سير التقسيمة • فلاتر الهوا والزيت والبنزين • مقاس الكاوتش بتاع العربية متوفر في السوق ولا لأ... طب سعره في حدود قد إيه؟؟ كمان ... تكلفة الصيانة الدورية في التوكيل سابع نقطة: المُصنّع الناس حتقوللك الألماني مفيش زيه... وانا حقوللك : صح.... بس تقدر على مصاريفه؟؟؟؟ عموما... الموضوع ده بالذات فيه اختلاف كبير ما بين الناس... شوف اللي انت عايزه وترتاحله. تامن حاجة: جرب قبل ما تاخد القرار النهائي لو بعد كل اللي قلناه ده لسه قدامك عربيتين ولا حاجة... حاول تشوفهم من قريب... ويستحسن تجربهم يعني لو لقيت أجنص فيه العربية اللي في دماغك ... اقعد فيها وشوف: • القعدة جوه العربية مريحاك ولا لأ • كل المفاتيح تحت إيدك وتقدر توصلها بسهولة • في مكان كفاية للناس اللي حتقعد وراك لما تاخد وضعك اللي حتسوق فيه • شنطة العربية تكفيك ولا لأ • تقدر تعرف أماكن الأجزاء الرئيسية في الموتور ولا الموضوع مبهم بالنسبالك ويا سلام بقى لو تقدر تسوقها وتجربها من عند حد تعرفه آخر حاجة: استشير لسه محتار برضو؟؟؟ اسأل حد خبرة في العربيات  لسه محتار؟؟؟ انت لسه ما صليتش استخارة؟؟؟؟  لو كل ده ولسه ما عرفتش... ما تشتريش أحسن  وده ردى ...اولا شكرا على الموضوع فوق الرائع انا عاوزه اشترى عربيه وموضوعك فادنى جدا وبعد اذنك انا محتاجه مساعدتك لانى مش بفهم فى العربيات او حاجه العربيه تكفى اسره وتكون صالونها واسع ومرتاحين فى القعده العربيه مشاوير جوه القاهرة وممكن مره فى الشهر نروح بيها اسكندري موفره للبنزين تستحمل شقى الشوارع هنا وكمان برستيج جدا لانى شغاله فى الجامعه وجوزى مدير انا اول مره اسوق انا وجوزى فمش عارفه جديد ولا مستعمل (احنا قولنا مستعمل لان الجديد خربشته صعبه جدا واحنا لسه فى الاول) اعتقد سيدان ولو ممكن حضرتك الهاتشباك الى يناسب ايه حجمها متوسط مش ضخم علشان الركنه ما تكونش صعبه وكمان نكون مرتاحين فيها الحاجات الاساسيه تكيف - باور - اتوماتك - شبابيك كهربا - abs - ايرباج - جنوط سبور - gps - ويفضل كراسى جلد لو ممكن علشان الولاد السعر لحد 150 الف لا اكثر ممكن اقل طبعا الصيانه لا اعلم شى عن اى نوع المصنع : احنا ما يلين للالمانى بس انت لو شايف حاجه تانيه ياريت تفيدنى مع العلم ان جوزى شغله بره القاهره يعنى لو حصل حاجه فى العربيه عطل او خلافه محدش حيكون معايا وانا معايا ولادى صغيرين معلش حتعبك معايا بس انا مش لاقيه حد يفيدنا وشكرا جدا
|
|
|
|
