بتهيقلى أنسب حاجة ليا الماروتى و لا رأيكم ايه ( مقارنة بين ماروتى زيرو و اونو مستعملة )

[مستجدة]

السلام عليكم و رحمة الله و بركاته
فى البداية بشكركم جدا
بجد أعضاء المنتدى متعاونين جدا
ربنا يكرمكم أجمعين
من كام يوم طرحت موضوع عشان تساعدونى انى احدد السيارة المناسبة
بس كنت تايهة خالص
المهم أنى حددت نقط اعتقد انها مهمة فى حسم الموقف

أولا بالنسبة للمستوى :
أ ) من ناحية التحكم فى السيارة و الركن وكده كويسة يعنى 75 % .
ب ) من ناحية انى اسوق فى وسط عربيات بتهيقلى أقل من 50 % لأنى جبانه جدا و ممكن بسكلته تلبسنى فى الحيطه .

يعنى نقدر نقول التوتل حوالى 60 % يعنى مش المستوى اللى يجيب عربية و هو مطمن .
طبعا يموت المعلم و هو بيتعلم و ما يقع اللى الشاطر
و ربنا يكفينا أجمعين شر الطريق
بس برضه لازم الواحد يوصل مستوى معين عشان يجيب عربية عالية فى السعر بقلب جامد .

ثانيا بالنسبة لاحتياجاتى :
مش عيزاها عربية عيلة و مش لازم سيدان
ده انا يا دوب هنزل اجيب بيها طلبات البيت و الولاد من التدريب
يعنى مشاوير خفافى .

و اهوه امارس فيها و بعدين ممكن ابعها .
و الماروتى عربية بياعة
صحيح اكيد هيكون فيه خسارة مادية
بس محدش بيتعلم ببلاش .

ثالثا : بالنسبة للمهم عندى

عايزه سيارة زى ما بيقولوا ملهاش مصروف يعنى يفضل زيرو و ممكن كسر زيرو عشان فى نيتى انها مرحلة انتقالية و غالبا هتتباع .
بس يهمنى تكون بخيرها و بضمان الوكيل
عارفة و الله أنه ميدخلش فيه الحوادث و سوء الأستعمال .
بس انا مش حمل مصاريف ولا تضيع وقت و لا تعب فى تصليح .

دلوقتى ناس كثير قوى قالوا لى خليكى يا بونتو يا اونو و سيبك من الاسكودر ده اللى اسمه ماروتى .

و بيقولوا ان مصاريف الاونو اقل من الماروتى
بس لقيت ان الاونو هتكون فى حدود حاجة و عشرين و موديل التسعينات و بيقولوا فيه حالات نضيفة .

بس انا عايزه يا ماروتى زيرو يا كسر زيرو يعنى 2010 أو 2011 اجبها 6 شهور أو سنة و بعدين ابعها .

رأيكم ايه ؟؟؟؟؟

[tarek elbadry]

السلام عليكم
المروتى عربية ممتاذة اقتصادية جدا وبتشم بنزين
بس ربنا يكرمك وتجيبى خاحة نضيفة

[jojojojojo]

ماروتي حلووه جدا جوه البلد وموفره جدا ف البنزين وافضل بكتير من الاونو المستعمل عشان المستعمل مش مضمون وهيتصرف عليه حتي لو نضيفه فرأي خلي حضرتك في الماروتي زيرو وربنا يوفق للي في الخير