دليل الاعطال و الاصلاحات للفيرنا

[mohamed_elwelely]

احلى مسا على عيون الفرناوية وبالأخص لـ للاستاذ/ احمد علشان قرأت بعض ردوده على مشاكل الموتور ........
بس ممكن اسأل عن جهاز الانذار للفيرنا 2007 هاف اوبشن وهو على فكرة متركبلها............. ما علينا
كان شغال معايا زى الفل لكن بعد كده وفجأه لقيت صوت السرينة مش شغال فتحت الكابوت وبصيت على السرينة سمعت صوتها ضعيف قعدت اخبط عليها الصوت ضععيف برده قلت كده اتحرقت فهل ينفع اغير السرينه لوحدها ولا لازم اغير الانذار كله . واسف لو طولت عليك

[السهم الاسمر]

المشاركة الأصلية كتبت بواسطة AHMEDCAR طيب نبتدى باول حاجه تعبه الناس كلها و هيه صوت التكه اللى بيجى فى الفتيس اول ماتيجى طالع بالعربيه و هيه عباره عن و جود بوش ضرورى و مهم (يعنى لازم يكون موجود )فى الكوبلن بالتالى اول ماتيجى تتحرك بتلاقى الصوت ده نظرا لضغف العزل اللىموجود فى العربيه تمام طيب نقول ليه البوش موجود نقول البوش موجود علشان لو الحركه اتاخدت من الموتور الى الكوبلن كده على طول الخط هاتسببب كسر فى الكوبلن علشان كده لازم يكون فى سنه بوش بسيطه تابعوا بقيه الحلقات

بسم الله الرحمن الرحيم

السلام عليكم ورحمة الله وبركاته

والصلاة والسلام على اشرف المرسلين

عندى فيرنا موديل 2007 عامله 47000 ألف ك من ساعة مااشترتها محصلش معايا اى عيوب إلا بعد حوالى 30000 ك كوعة المياه ولم أغيرها حتى ألان ( وبزود مياه كل كام يوم ) وحاليا جببت الوش بتاع طرمبة البنزين وغيرته عند ميكانيكى جنبى فى مدينة نصر . بعدها جابت شجرة البنزين واشترتها من التوكيل بشارع دمشق بـ (270 جنيه ) ولم اركبها حتى ألان ومحتار اركبها فى التوكيل ولا عند اى ميكانيكى .
أما وهى جديدة مشاكلها ألمعروفه عندكم جميعا ـ الحدفه اليمين ودى قالو عليها فى التوكيل وبره التوكيل ده عيب فى الفيرنا ـ وظبطها فى عمارات العبور وتمام حتى ألان
وعلى فكره هى عربيه محترمه وكويسه معايا حتى حينه .

[AHMEDCAR]

شجره البنزين ممكن تغيرها عن ميكانيكى كويس فى اى حته مش ضرورى التوكيل

[rabet007]

السلام عليكم ورحمة الله وبركاته
حبيت ازود الموضوع ده هنا علشان يبقي دليل كامل متكامل والكمال لله عز وجل شأنه
الموضوع : تسريب بنزين بالفيرنا
سبب المشكله بالنسبة للعطل الي كان موجود عندي : وش طرمبة البنزين الي موجود تحت الكنبه الي ورا
تشخيص المشكلة : عند تركيب فلتر البنزين تم عمل خدش بالوش تقريبا حاجة زي كده او من الممكن العمر الافتراضي للوش انتهي بعد 66000 الف كيلو بالسيارة من عام 2006 الي عام 2011
تم التوجة لمركز صيانه وشراء وش الطرمبة بمبلغ 30 جنيه
مكان الشراء : المنير بشارع الملك فيصل ( ملك الكوري)
الزمن المستغرق للاصلاح : مدة 60 دقيقه تقريبا
المخاطر بهدله الفرش والعربيه من وار تمام وتم التوجة لكار كير محترم بمدينه نصر وتم عمل اللازم كار كير شامل والحمد لله اتكلفت 180 جنيه جنيه
مصعنعية الميكانيكي : 40 جنيه
10 جنيهات بقشيش
والحمد لله

[rabet007]

السلام عليكم ورحمة الله وبركاته
موضوع رقم (2)
المشكلة : نتشة بالسيارة علي الرغم من تغيير طقم سرفيس كامل للعربية ( بوجيهات - فلتر هواء - فلتر بنزين - تنظيف الحساسات )
تم البحث والتمحيص وبمشاركة اخويا الكبير احمد كار بارك الله فيه بجد وبقدم شكري ليه بجد انا بكلمه تقريبا كل يوم اكتر ما بكلم اهلي

التوصل للحل والحمد لله عز وجل
فيه مركز اسمه الصفا ده متخصص لعلاج مشاكل الانجشكن والكرابتير والكلام ده

خاص بكده علي وجه الخصوص
تم الكشف على السيارة بالكمبيوتر الي موجود تحت عجله القياده وتم التوصل لحل والحمد لله
اقولكم ايه هوا بقه
عارفين طقم الرشاشات ده
فيه اربع فيش فيه تمام للسيارة (1500 هيونداي فيرنا )
الفيشة رقم 2 من ناحية اليمين
هي عبارة عن فيشة بكليبس كده
الكليبس كان مكسور
تم تصليح المشكلة والحمد لله اختفت من امبارح

مع تحياتي
عاشق الفيرنا