أرجو المساعدة لأنى بجد محتار

[mido_yoyo11]

أولا ألايد أن أشكر هذا الموقع الممتاز وأعضاؤه المميزين والمحترمين الذين كانوا السبب فى تسجيلى فى هذا الموقع لما رأيته من مساهمات ومساعدات ولكى لا أطيل عليكم...أنا فى حيرة شديدة,حيث أنى نويت أن أشترى أول عربية فى حياتى ومش عارف آخذ القرار سواء من حيث النوع أو طريقة السداد
أولا: أنا محتار بشكل خاص بين إسبيرانزا A516 وشيفروليه لانوس - بصراحة إسبيرانزا عاجبانى أكتر بكتير بس خايف من التعليقات اللى بسمعها من بعض الناس على هذه السيارة وخايف تكون حقيقة - ده غير إن الناس بتشكر فى اللانوس أكتر مع توافر قطع غيارها
ثانيا: أنا محتار من طريقة القسط المناسبة من حيث الفوائد والمقدم (أنا ممكن أدفع 30 ألف مقدم) بس مش عارف أقسط مع أى بنك أو أقسط مع المعرض على طول- وهل التوكيل عنده قسط وهل هذا التقسيط يكون أفضل من المعارض الأخرى..
أرجو الإفادة ومنتظر الردود المفيدة وآسف على الإطالة

[حازم شاهين]

أنا معايا الإسبرانزا و مواصفاتها

موتور السيارة تصميم و تكنولوجيا من شركة AVL النمساوية و هى الشركة التى تصمم المحركات لبعض أكبر الشركات الأوربية
يتم تصنيع الموتور فى شركة شيرى بالصين
أداء الموتور ممتاز من حيث القوة و الكفاءة و الإقتصادية فى استهلاك الوقود
و الموتور بقوة 117 حصان عند 6300 لفة
الموتور مزود بإثنين كامة علوية
يتم تزويده بالوقود بنظام الحقن المباشر المتعدد حيث يتم تزويد كل اسطوانة على حدى
يتم التحكم فى الموتور بواسطة نظام كمبيوتر لضمان كفاءة التشغيل فى مختلف الظروف
السعة 1597
أقصى سرعة 185
أقصى عزم 140 نيوتن عند 4500 لفة
الوقود الموصى به 92 أوكتان على الأقل
الزيت الموصى به موبيل وان

أما عن السيارة فتتميز بالفخامة و الكماليات المتعددة و الرفاهية غبر المتوفرة فى السيارات بنفس السعر
و تمتاز السيارة بنظام تعليق رياضى يعطى السيارة قوة فى ظروف الطرق الصعبة
على الرغم من ارتفاع السيارة عن الأرض و الذى يعطيها ميزة عدم التأثر بالمطبات و البلاعات إلا أن السيارة تمتاز بالثبات و خاصة على السرعات العالية
السيارة مزودة بنظام فرامل ABS و الذى يمنع إنزلاق السيارة فى جالة وجود رمل أو ماء على الطريق عند الضغط على الفرامل و يسهل التحكم فى تغير إتجاه السيارة أثناء الضغط على الفرامل بالإضافة لنظام EBD الذى يقوم بتوزيع قوة الفرامل على العجلات وفقا لمتطلات كل عجله على حدى
جسم السيارة مصنوع من صاج مقوى بشهادة الفنيين

المشاكل التى ظهرت لبعض ملاك السيارة
وجود دبدبة فى العفشة عند السير على المطبات بسرعة منخفضة
وجود صوت نقرة فى علبة الدريكسيون فى نفس الظروف و يتم علاجها خارج التوكيل
وجود عضة فى الفتيس أحيانا عند النقل على المارشدير و يتم علاجها خارج التوكيل
دخول هواء ساخن أحيانا من فتحات التكيف (فى حالة عدم تشغيل التكييف بالطبع) و يتم التخلص منها بتشغيل التكيف لدقائق معدودة
مع العلم أن هذه المشاكل - إن كانت مشاكل - غير موجودة فى كل السيارات
لا يوجد شكوى من أى جزء فى السيارة بالذات
لا يوجد أى جزء يتطلب تغيرة بعد فترة نتيجه لسوء صناعته
لا توجد مشكلة غير معروف علاجها حتى الأن
قطع لاغيار متوافرة فى التوكيل طبعا بالإضافة إلى العديد من المحلات خارج التوكيل
مراكز الصيانة المعتمدة خمسة فى القاهرة و اربعة فى الجيزة و ثلاث فى الإسكندرية
بالإضافة إلى عدد من المحافظات المنصورة طنطا الإسماعيلية أسيوط فاقوس دمنهور

هذه بعض المعلومات و قد تبدوا دعاية للسيارة لكنها كلها حقيقية دون مبالغة

أما الانوس فقصة نجاح لأكثر من عشر سنين
لكن لا توجد لدى معلومات فنية عنها و أترك ذلك لأصحابها
و ربنا يوفقك فى إختيار الأنسب ليك

[dr.darsh]

أولا أهلا بيك يا استاذ ميدو عضو غالي وعزيز علينا جميعا في مصر موتورز
ثانيا بالنسبة لموضوع المقارنة أحب أقول لحضرتك اني كنت لسه بمر بنفس الحيرة من فترة
ومتهيألي ممكن تلاقي لي موضوع في قسم الاسبرانزا يحمل نفس مضمون موضوعك
مع الفارق الوحيد اني كنت بقارن بين الاسبرانزا والفيرنا لظظاني كنت مستبعد شوية موضوع اللانوس علشان شكلها القديم.....وفي الاخر قررت اني اجيب الاسبرانزا لكن انا لسه شاريها من اسبوع وبالتالي مش حقدر اقدم لك معلومات اكتر من اللي قدمها لك الاستاذ حازم
نصيحتي ليك انك تهتم اكتر باراء ملاك العربية وخصوصا الاراء السلبية لأنها فعلا بتبقى اصدق
وبالنسبة للتقسيط مش حتفرق المكان اللي حتقسط معاه اهم حاجة الفائدة تكون اقل ولغاية 8.5% يبقى معقول

[mido_yoyo11]

أولا : أنا بوجه جزيل الشكر للأستاذ حازم اللى إستفدت من رأيه جدا ومن التفاصيل الدقيقة عن سيارة الإسبيرانزا وبالفعل حضرتك شجعتنى جدا عشان أشتريها وبشكر حضرتك مرة تانية

ثانياً: أوجه كل الشكر للدكتور درش على إهتمامه الشديد لتقديم النصيحة برغم حداثة عهده بالسيارة ومنتظر من حضرتك أى تعليقات جديدة تلاحظها على السيارة فى الأيام القادمة ومشكووووور