للرد على استفسارات الاعضاء والدعم الفنى لمالكى الفيرنا

[mma702]

المشاركة الأصلية كتبت بواسطة ابو بيسان مساء الخير على جميع الفرناويه انا معرفش اي حاجه ولا حاسس باي تغير في الكاوتش عشان انا جبايب العربيه زيرو 2012 من ابو غالي وتاني يوم غييرت الكاوتش يعني ما لحقتش اجرب الكاوتش والجنوط بتوع غبور وانا جبت المقاس دا عشان الحتة ايلي ساكن فيها كلها نقر وحفر ومطبات وميه وكدا وبيني وبينكم قلت المقاس دا هيعلي العربيه شويه بس وفعلا العربيه مش بتحك وعاليه بس سؤالي هل في مشكله عاى العفشه او على حاجه في العربيه ولو في حد جرب المقاس دا بتاع الكاوتش يقولي رايه وشكرا شكرا شكرا لجميع الاعضاء والادارين في المنتدى

انا ماجربتش الا المقاس النازل فى السيارة 175/70/13 .
بس انا عايز حضرتك تجرب السيارة وتجاوب على الاتى.
1-هل الكاوتش الخلفي او الامامى هيحك مع جسم السيارة او المساعدين اثناء التحميل (4 افراد+السائق)؟
2-جرب على طريق سريع ثبات السيارة حتى كام كم/س ؟
3-اداء الفرامل على السرعات المختلفة ؟
-----------------------------------------------------
المعلومات المأكده هى ان هذا المقاس سيسبب الاتى:
1-السيارة هتعلى بمقدار 10.4 مم ولذلك سيقل الثبات.
2-الفراغ المتاح بين الكاوتش وجسم السيارة الدخلى سيقل بنفس المقدار(10.4 مم).
3- الجزاء الملامس للارض سيزيد بمقدار 40 مم (10 مم لكل فرده) سيزيد الثبات.
4-السرعة في عداد السرعة هتكون اقل من الواقع بمقدار 3.6%.
5-استهلاك البنزين هيزيد بسبب البند رقم 3.
ملحوظة :اللون الاحمر
الثبات الكلى للسيارة لا ادري سيزيد ام لا.
ارجو الاجابة على الاسئلة والتواصل.

[mma702]

المشاركة الأصلية كتبت بواسطة mma702 موضوع هايل ربنا يجزيك خير عايز اغير مقاس الكاوتش بتاع فيرنا 2008 كاملة مانيول من 175/70/13 الى 185/65/13 . المقاس ده سيسبب الاتي: 1-هيوطي السيارة 2.2 مم بالضبط 2- يزيد السطح الملامس للارض 40 مم. 3-سيحسن اداء الفرامل. 4-سيزيد ثبات السيارة. السؤال الان عيزين حد مجرب المقاس ده مع الفيرنا ويقول تجربته بالكامل (هل سيحك الكاوتش فى العفشة او جسم السيارة ام لا؟ ......................... .......)

يافيرناويه اين انتم ؟؟؟؟؟؟؟؟؟؟؟؟؟!

[michaelmic]

هاااااى
معايا فيرنا اتوماتيك 2007 ماشية 62000 كيلو
المشكلة بتاكل بنزين جامد جدااا
فى المدينة بتشمى 110 كيلو فى الصفيحة و فى السفر بتشمى 160 كيلو فى الصفيحة
كشفت عليها فى التوكيل و مركز صيانة بره التوكيل و اتكشف عليها بالجهاز قلى مفيهاش اى حاجة و لا حتى الهوا العربية كلها زى الفل
مش عارف اعمل ايه ؟؟؟
مستنى مساعدتكم فى الموضوع دة و لكم جزيل الشكر

[mahmoudnagy]

انا عندى مشكله فى انا معايا عربية فيرنا مشتريها السنه اللى فاتت ومع الصيف لما جيت اشغل التكييف الحراره كانت بتزيد روحت عند واحد بتاع ردياتير عمل دورة تنظيف وغسل الردياتير من بعدها العربيه مع التكييف اشتغلت تمام والسنه دى جيت اشغلها لقيت نفس المشكله روحت لنفس الراجل بتاع الردياتير عمل نفس اللى عمله بس المشكله فضلت زى ماهى روحت لواحد تانى غيره فك الردياتير ونضفه ولما جربت العربيه بعد كده مع التكييف الاول العربيه كانت بتسخن بعد 20 دقيقه بالكتير لكن دلوقتى ممكن بعد ساعه او اكتر من ساعه بشويه علما انى الميه اللى فى الاربه بتقل عندى من الحد الاقصى الى الحد الادنى بمعدل كل اسبوع تقريبا وانا راجعت الخراطيم والكوليهات وكمان بتاع الردياتير كبسه فى الميه وماكنش فى تنفيس والميه بتقل سواء بشغل التكييف او لا انا كده عندى مشكلتين مشكلة سخونة العربيه مع التكييف بس بتاخد اكتر من ساعة تقريبا لحد ماتسخن والتانيه نقص الميه فى الاربه

[ابو بيسان]

المشاركة الأصلية كتبت بواسطة mma702 انا ماجربتش الا المقاس النازل فى السيارة 175/70/13 . بس انا عايز حضرتك تجرب السيارة وتجاوب على الاتى. 1-هل الكاوتش الخلفي او الامامى هيحك مع جسم السيارة او المساعدين اثناء التحميل (4 افراد+السائق)؟ 2-جرب على طريق سريع ثبات السيارة حتى كام كم/س ؟ 3-اداء الفرامل على السرعات المختلفة ؟ ----------------------------------------------------- المعلومات المأكده هى ان هذا المقاس سيسبب الاتى: 1-السيارة هتعلى بمقدار 10.4 مم ولذلك سيقل الثبات. 2-الفراغ المتاح بين الكاوتش وجسم السيارة الدخلى سيقل بنفس المقدار(10.4 مم). 3- الجزاء الملامس للارض سيزيد بمقدار 40 مم (10 مم لكل فرده) سيزيد الثبات. 4-السرعة في عداد السرعة هتكون اقل من الواقع بمقدار 3.6%. 5-استهلاك البنزين هيزيد بسبب البند رقم 3. ملحوظة :اللون الاحمر الثبات الكلى للسيارة لا ادري سيزيد ام لا. ارجو الاجابة على الاسئلة والتواصل.

مساء الخير عليكم جميعا
اول حاجه ركبنا اربعه وركبنا خمسه في العربيه مافيهاش اي حاجه ولا اي نوع احتكاك لا من جسم العربيه ولا من ناحية المساعدين

وتاني حاجه الثبات انا اصلا مش بحب الجري وبسوق بهدوء نوعا ما لكن انا اخر سرعة مشيت بيها كانت 120 والعربيه ثابته وحلوة وزي الفل

تالت حاجه الفرامل انا ماجربتهاش على سرعة 120 لكن في البلد الفرامل معقوله ومناسبه بنسبة 85 في الميه بس دا طبعا في سرعات من 70 الى 100 تقريبا واعتقد السرعه لو اقل من 70 اقدر اقول الفرامل ممتازه

واشكرك على ملاحظاتك وعلى المعلومات الجميله ايلي قلتها بخصوص مقاش الكاوتش 185 - 65 - 14 وعايز اسالك ايه رايك في المقاس ايلي بينزل في العربيه بيني وبينك يمكن ارجع اركب الكاوتش والجنوط بتاعة العربيه الاصليه
وهل في فرق كبير او فرق يستاهل ان الواحد يركب مقاس اكبر من ناحية ارتفاع العربيه عن المطبات والنقر والميه والجات دي ياريت حد عنده معاومات يقولي عليها وتصبحون على الف خيييييييييييييييييييييير