للرد على استفسارات الاعضاء والدعم الفنى لمالكى الفيرنا

[diaa eldin 30]

المشاركة الأصلية كتبت بواسطة tonsy1979 يا أهلا بيك corsair باشا بص المشكلة دى موجودة عندى وعربيتى 2011 وظبط الزوايا لحد دلوقتى 3 مرات ورصصت ومليت الكوتش نيتروجين وبرده والصوت مراحش والسبب فى الصوت ده بيرجع لعدة عوامل :- 1-نوعية الكاوتش ويفضل انك تستخدم نوعية بريدجستون أو ميشلان أوكومهو أو جى تى أو هانكوك وأنا طبعا ما غيرتش الكوتش وناوى أفرمه لحد ما يجيب آخره 2-طبيعة الفيرنا أن عفشتها بتفك بسرعة بالذات مع شوارعنا الجميلة مما يستلزم تربيط وظبط زوايا على الاقل مرة كل شهر أو شهرين حسب استخدامك 3- الاسفلت اللى أحنا ماشيين عليه ممسوح ومتاكل وناعم لانك لو تلاحظ أنك لو ماشى على طريق نظيف ولسة متسفلت جديد مش هايعمل معاك الصوت الحلو ده وبعدين يا سيدى حلوة الامركا مالها يعنى ههههه ..... أرجو أن أكون أفدتك

انا عضو جديد بالمنتدى تحياتى الى جميع الاعضاء المحترمين المنتدى اكثر من رائع استفدت منه كثيرا .. على فكرة بكره ان شاء الله رايح استلم الفيرنا اتوماتيك .. كنت قلقان منها لكن اهى على قد فلوسنا والحمد لله اتمنى ان أستفيد دايما من خبراتكم ودعواتكم لنا

[M.TONSY]

المشاركة الأصلية كتبت بواسطة diaa eldin 30 انا عضو جديد بالمنتدى تحياتى الى جميع الاعضاء المحترمين المنتدى اكثر من رائع استفدت منه كثيرا .. على فكرة بكره ان شاء الله رايح استلم الفيرنا اتوماتيك .. كنت قلقان منها لكن اهى على قد فلوسنا والحمد لله اتمنى ان أستفيد دايما من خبراتكم ودعواتكم لنا

نورت يا استاذ ضياء ومتقلقش الفيرنا الاوتوماتيك ممتازة وفتيسها نفس فتيس الماتريكس والجيتز والنيو اكسنت وربنا يديك خيرها ويكفيك شرها ومستنين تقرير منك ان شاء الله بعد الاستلام

[diaa eldin 30]

المشاركة الأصلية كتبت بواسطة tonsy1979 نورت يا استاذ ضياء ومتقلقش الفيرنا الاوتوماتيك ممتازة وفتيسها نفس فتيس الماتريكس والجيتز والنيو اكسنت وربنا يديك خيرها ويكفيك شرها ومستنين تقرير منك ان شاء الله بعد الاستلام

متشكر جدا يا اخ تونسى.. ان شاء الله هجيبلكم تقرير مفصل عنها بعد الاستلام بس كنت عاوز منك اى نصيحة تقدر تفيدنى بيها بالنسبة للاتوماتيك والتعامل معاه .. اكون شاكر جدا ليك

[eng/walaaeldeen]

المشاركة الأصلية كتبت بواسطة SHABRO انا عندي ملاحظة صغيرة في العربية كدا يا شباب , بقالي اسبوعين كل ما امشي بالعربية اسمع صوت جاي من العفشة شبه الصوت اللي بتسمعه لما تكون ماشي وفردة تنام , فبقف وانزل ابص على الكاوتشات الاقيها تمام ....رحت للعفشجي ربطت على العفشة وبرضه مفيش تغيير ....

السلام عليكم

من الممكن ان يكون هناك زلطه صغيره مزنوقه في نقشة الكاوتش
والله المستعان

[M.TONSY]

المشاركة الأصلية كتبت بواسطة diaa eldin 30 متشكر جدا يا اخ تونسى.. ان شاء الله هجيبلكم تقرير مفصل عنها بعد الاستلام بس كنت عاوز منك اى نصيحة تقدر تفيدنى بيها بالنسبة للاتوماتيك والتعامل معاه .. اكون شاكر جدا ليك

اهم حاجة تحافظ بيها على فتيس الاوتوماتيك هو انك تتابع مواعيد صيانته الدورية بانتظام كل 40000ك تغير زيت البور والفلتر والمصفاه وطبعا ماتحركش نقلات P - D - R الا لما تكون دايس باحكام على بدال الفرامل انما 2 -3 عادى والعربية بتتحرك وطبعا بلاش الكيك داون لانه بيبوظ الفتيس وربنا يسترها معاك ان شاء الله وطبعا اول ما تستلمها شغل القرآن الكريم وتوكل على الله