حكايتي مع ( شيفرولية افيو) "وسوء التصنيع"

[avuo2010]

والله انتا معلم انك قولت دى اللافيو الكورى ولا المصرى تسلم يا باشا

[avuo2010]

والله انتا معلم انك قولت انا الافيو دى المصرى ولا الكورى شكرا يا باشا

[alialy]

اية يا عم انت مشترى عربية كارو ولا اية دة انتا شركت العربية وامال اية الى فيها كويس للعلم انا شايف العربية منتشرة جدا وانا معى واحدة العيب الوحيد الى فيها هو ارتفاع امبيلر السرعة ولاكن العربية زى الفل وممكن انك حظك كدة

[Adham]

المشاركة الأصلية كتبت بواسطة ahmed_hussein و بعدين تفتكر التوكيل هيعمل ايه بال 700 جم فريون اللى فى عربيتك ، يا ريت تتأكد من الكلام ده عشان ده مبيحصلش ابدا ، يا ريت يا جماعة نخلى الموضوع هادف بمعنى ان اللى عنده حاجة و متأكد منها يعرضها واللى مش متأكد ميقولش كلا محصلش ، والهدف هو تحسين الخدمة فى مراكز الخدمة فى مصر

روح انت اسألهم مش انت شغال هناك و لعلمك هما 850 جرام فريون مش 700

اللي انا اعرفة اني رايح العربية مشغل التكييف تمام (من مدينة نصر للهرم عالدائري) استلمت العربية خرجت شوية و شغلت التكييف لقيتة مش شغال, تاني يوم رحت لواحد بتاع تكييف جنبي لقاة فاضي فريون وشحنة فريون قدام عيني و التكييف اشتغل تمام و دة راجل امين و انا اعرفة من سنين و قالي ان بعض الناس ال...... في توكيلات زي دي بيفضوا شحنات فريون بتتسحب بالفاكيوم

و علشان بس تعرف اني بما بعملش العليم ببواطن الامور روح شوف مهندسين الورشة بتوعكوا اللي في مدينة نصر اللي بيحاسبوا العميل على عفشة كاملة و مساعدين و يفكوا العفشة القديمة تتغسل و تترش سبراي اسود و تركب تاني

و العفشة اللي العميل دفع تمنها خرجت في شنطة عربية مهندس من التوكيل

و بلاش الدفاع المستميت دة عن منصور علشان انت يا حضرة كبار الشخصيات شغال معاهم و مين يشهد للعروسة

[Adham]

المشاركة الأصلية كتبت بواسطة skoda1996 اولا المهندس بتاع منصور بيرد بفخر قوي ان ماعرفش مين محترم ياعم علي عيني و راسي .....محترم بس لو الشركة محترمة كانت عيوب العربية تتحل ده اصلا لو وافقنا اصلا ان عربية زيرو فيها عيوب دي زيييييييييرو ثانيا العربية خبطت في رصيف كسرت مقص ده علي اساس انها بلاستيك انا معايا اسكودا بطلع بيها ع الحيطه و بعمل بيها اسبوعيا 1200 كيلو و مافيهاش حاجه (موديل 96) مش زيرو ثالثا البنزين الوحش بتاعنا فيه كربون؟؟؟؟؟ مافيش اصلا حاجة اسمها بنزين فية كربون و اللي يقول كدة يبقى لامؤاخذة مش فاهم و بيفتي , البنزين بيبقى فية رصاص بيتحرق و بيعمل كربون في غرف الحريق لكن طبعا دة كان زمان دلوقتي كلة بنزين خالي من الرصاص, و الكربون بييجي من شوائب البنزين او من الهواء بيبقى نسبة ضئيلة جدا و لا تذكر اساساً و اساساً حساس التي بي اس مالوش اي علاقة بالبنزين و ما هو الا حساس بالبوابة يعني بيقيس وضعية بوابة الهواء و يبلغ بيها الكونترول يونيت لا ما يصحش ازاي الكلام ده.......بس هو الوكيل كان معتقد انها في مصر هتتمون عصير قصب؟؟؟؟ و لا نسبة الكربون دي طلعت اول امبارح الفجر؟؟؟؟؟؟ ياريت مايكونش كلامي يزعل حد انا بس برد علي كلام اتقال بس لما الغلطان بيعترف بالغلط بيبقي اول الطريق لكن هو اللي ما يعرفش ان الفرامل بتتاكل بسرعه و هو اللي مش بيعرف يسوق متهيالي كلام ما يصحش يعني كلامك حضرتك سليم و عين العقل و اللي يعرف يفهم ان تيل مضروب و خامتة رديئة ممكن تغيرة في شهر او اتنين بعد ما تقرف منة و ان تيل اصلي ممكن يعيش 20 الف كيلو او 3-4 سنين انا يمكن عشان بقارن بمعشوقتي الاسكودا بلاقي الفرق رهييييييب لكن مش لازم احس ان حتة الفليشيا دي جنه يعني

السكودا عربيات كويسة ومتينة لكن الاساس ان العربيات الشيفرولية (او الجنرال موتورز بشركاتها عامه) غير الكوري و ماينفعش نحكم على شركة عريقة زي جنرال موتورز من اخر انتاجها من ساعه ما اشتروا دايوو عشان دايو دي سبة في جبين جنرال موتورز و بالذات التجميع المصري للصناعه الكوري اثبت اننا مانعرفش نعمل الا قلل قناوي
لكن تقول لمين و كل واحد في منصور ولا لية واحد قريبة شغال في منصور بيتكلم بمبدأ مين يشهد للعروسة
او كأن أونكل منصور دة يبقى خاله
دفاع اعمى و مستميت و خلاص

و يوم مايسيب منصور حايتكتبلك هنا موضوع عن كشف حقيقة منصور و التلاعب في الانتاج و الصيانة و قطع الغيار و قصايد من عينة الغشاش النصاب اللي بيسرقكم و انا حاكشف لكم كل الاعيبة و المواضيع اللي كلنا عارفينها