سال وهتلاقى المتخصص الى هيجاوبك عن سوالك فى بيجــو

[mido2640572]

اولا بشكر حضرتك جدا يابشمهندس علي الفكره الجميله دي

ثانيا دي اول مشاركه ليه في اي منتدي. انا صيدلي والايام دي بفكر اجيب عربيه وعجباني اوي بيجو 307 sw 2008 ونفسي اجبها بس في ناس بيخوفوني منها وبيقولولي ان قطع غيارها غاليه جدا والعربيه واطيه علي الطريق وفي مشاكل في الفتيس الاوتوماتيك ....... انا نفسي اجبها بس الكلام ده مخوفني ولو الكلام ده صح انا دخلي 3000 جنيه شهري ممكن اعرف اصرف عليها ولا بلاش منها.

[popmusic5214]

يا باشمهندس انا اتعرضت عليا عربية بيجو 308 موديل 2009 وحالتها كويسة جدااااا وبجد نفسى اشتريها بس ناس بتخوفنى من البيجو عامة فى قطع الغيار والصيانة ومن ال 307 و 308 خاصة بسبب الفتيس الاوتوماتيك وبيحتاج تصليح كتير ما مدى صحة هذا الكلام وايه هى المشاكل فى بيجو عامة والمميزات برضو ولو عربية 308 موديل 2009 ماشية 26 الف كيلو تعملها فى رينج كام وهل لما اجى ابيعها سعرها هيقل جامد؟؟؟

[اشرف عبده]

سلامو عليكو يا بش مهندس انا متابع مجهود حضرتك وبجد مجهود ممتاز وانا عضوجديد ولسه جايب عربية 405 م 99 وعاوز اغير التابلوه بتاعها وعاوز اعرف يتكلف كام واجيلك فين واسف على الاطاله

[hisam2010]

المشاركة الأصلية كتبت بواسطة mido2640572 اولا بشكر حضرتك جدا يابشمهندس علي الفكره الجميله دي ثانيا دي اول مشاركه ليه في اي منتدي. انا صيدلي والايام دي بفكر اجيب عربيه وعجباني اوي بيجو 307 sw 2008 ونفسي اجبها بس في ناس بيخوفوني منها وبيقولولي ان قطع غيارها غاليه جدا والعربيه واطيه علي الطريق وفي مشاكل في الفتيس الاوتوماتيك ....... انا نفسي اجبها بس الكلام ده مخوفني ولو الكلام ده صح انا دخلي 3000 جنيه شهري ممكن اعرف اصرف عليها ولا بلاش منها.

النداء الاخير لميدو لا تشرب الدواء(العربية) الدواء (العربية) فيه سم قاتل.
نصيحتى ليك بلاش علشان ال 307 عربية مسرفة وكل شوية لازم تغيرلها حاجة
وعامة لو فيه عربية بيجو عايز تشتريها يفضل قبل متشتريها تشرفنى اكشفلك عليها مسمار مسمار

[hisam2010]

المشاركة الأصلية كتبت بواسطة popmusic5214 يا باشمهندس انا اتعرضت عليا عربية بيجو 308 موديل 2009 وحالتها كويسة جدااااا وبجد نفسى اشتريها بس ناس بتخوفنى من البيجو عامة فى قطع الغيار والصيانة ومن ال 307 و 308 خاصة بسبب الفتيس الاوتوماتيك وبيحتاج تصليح كتير ما مدى صحة هذا الكلام وايه هى المشاكل فى بيجو عامة والمميزات برضو ولو عربية 308 موديل 2009 ماشية 26 الف كيلو تعملها فى رينج كام وهل لما اجى ابيعها سعرها هيقل جامد؟؟؟

ال 308 عربية جيدة جدا من حيث:-
- أعطال قليله.
- قطع غيار متوفرة ومش غاليه مقارنة بالاوربى.
- استهلاك بنزين جيد... ثابتة على الطريق... الخ.
ممكن عيوبها الاتى:-
- التكييف الى حد ضعيف نسبيا.
- صوت المحرك عالى وخشن شوية.
وفى الخلاصه أنصح بشراء ال 308 ولا افضل ال 307
واخيرا يفضل بل ولابد وحتما تكشف على السيارة فى مركز خدمة معتمد من بيجو قبل شراء اى سيارة بيجو