سؤال رفيع يا بشمهندسين مصر موتورز

[solm2020]

سؤالي هو هل عمل معجون ورش للقايم من بره مش من جوه يعيب العربيه يعني من جوه الصالون ومجري الباب من جوه فابريقه اما من بره عند الزجاج لما يتعمل معجون للقايم ويرش يعيب العربيه او لو اتعمله مرمات من بره يعيب العربيه ؟؟؟؟؟
وشكرا يا بشمهندسين............

[AbOnOrA]

بص اى اثار دهان فى القوائم لو بانت تعيب العربية لان اللى هيشوفها مش هيبقى عارف اذا كانت اتعملت مرمة ولا كان مقلوبة والقايم معوج واترد واترش فى الحالتين اى اثار دهان على القوائم ممكن توقع تمنها خالص خاصة ان اللى بيشترى ما بيصدق يلاقى حاجة يفطس من تمن العربيه بسببها

لكن لو تضمن انها تتعمل صح وتاخد معجون فايبر وتتفنش صح الصح بحيث متبانش خالص خاااااااااالص اعملها غير كده سيبها احسن

[ahmed_zamalek7]

المشاركة الأصلية كتبت بواسطة AbOnOrA بص اى اثار دهان فى القوائم لو بانت تعيب العربية لان اللى هيشوفها مش هيبقى عارف اذا كانت اتعملت مرمة ولا كان مقلوبة والقايم معوج واترد واترش فى الحالتين اى اثار دهان على القوائم ممكن توقع تمنها خالص خاصة ان اللى بيشترى ما بيصدق يلاقى حاجة يفطس من تمن العربيه بسببها لكن لو تضمن انها تتعمل صح وتاخد معجون فايبر وتتفنش صح الصح بحيث متبانش خالص خاااااااااالص اعملها غير كده سيبها احسن

فين بقى حضرتك البيعمل المعجون الفايبر ده عشان عندى شويه خبطات ومش عاريز اعملها بسبب المعجون العادى

[AbOnOrA]

يا احمد الخبطات ديه تتعمل مفيش مشاكل بس لازم تترش مش هينفع تتعمل على البارد حتى باحدث الاجهزة لازم هتتمعجن وتترش وطبعاً يفضل تترش كجزء كبير (جنب مثلاً) او العربيه كلها علشان ميبقاش فيه ادنى فرق فى اللون
لو مفيش مشاكل انك ترش قولى وانا اشوفلك حد يعملك الشغل ده بالظبط لكن اى حد يقولك حاجة تانية بيضحك عليك

[solm2020]

شكرا لك يا abonora علي الرد بس حضرتك قولت( بص اى اثار دهان فى القوائم لو بانت تعيب العربية )

طب محضرتك كل الناس بتعمل رش نظافه وبما فيها القايم وبيبقي مفيش اي مشاكل وكمان حضرتك شايف الخبطه الي عند الاستاذ ahmed_zamalek7 طب كده هو هيمعجن ويرش القايم كله يبقي خلاص كده العربيه بقت مقلوبه علطول طب مهو الدواخل من جوه كلها فبريقا يبقي خلاص مفيش مشكله ولا حضرتك شايف ايه ؟؟؟ ولا حضرتك تقصد اثار دهان علي القايم من جوه يعني دواخل ؟؟؟؟ ارجو الرد والتوضيح ....شكرااااا