مقارنة بين 4 عربيات فى حدود ال 65 الف

[Hamakyy]

السلام عليكم

انا كنت محتار بين 4 عربيات داخلين دماغى
ومش عارف استقر على واحدة فممكن حضراتك تقارنوا بين العربيات دى
ونشوف اية الاحسن والعربية الى تستحمل ومتعبنيش فى الميكانية
وتكون عربية شبابية واهم حاجة تكون اوتوماتيك وكماليتها تكون حلوة نبدأ بقى :

* بيجو 307 موديل 2003 1600 سىسى اوتو

* سيات ابيزا موديل 2006 1400 سىسى اوتو

* بروتون جين 2 موديل 2006 1600 سىسى اوتو

* لانسر مكواة موديل 2003 1300 سىسى اوتو و مش مشكلة دى سيدان مش هتفرق

العربيات اهى قداكم وياريت تقارنوا بينهم ولو فى عربيات احسن فى الرنج دة 65 الف يا ريت تقولوا برضوا

[ابو هيما]

أبعد عن السيات أبيزا 1400 سى سى 2006 لأنى انا مثلك كنت مهتم جدا بالعربية دى وعرفت من الناس اللى امتلكتها ومن كلأمهم ان فيها مشكلة فى الفرامل بتظهر بعد عداد 35000 وسحبها ضعيف والكلأم ده كان بينطبق على المانيول يعنى السحب فمابالك بالأتوماتك أكيد هأتكون أسواء -ومن رأئى برضه تبعد عن الأنسر 1300 أتوماتك سيئة جدا ووحشة اوى فى سحبها ...أنا سوقتها وسقت الأنسر 1600 وأقدر أقولك أن 1600 سى سى جميلة جدا وسحبها روعة وتكيفها كويس أوى بعكس ال 1300 سى سى ضعيفة وتكيفها وحش وممكن تتأكد من الكلم ده بنفسك وتسأل كذا وأحد .
مكدبش عليك البيجو مش هاقدر أفيدك فيها لانى مش مهتم بيها وخبرتى بيها قليلة بس أقدر أقولك أسال عن خدمة ما بعد البيع وأسعار قطع الغيار .
بالنسبة للجين تو عربية ماليزى محترمة سحبها هأيل وعزمها حلو وثبتها روعة على الطريق ومأتورها من شركة لوتس الأنجليزية وعربية متجربة فى مصر من سنتين وقطع غيارها بدأت تتوفر خارج الوكيل -بس اكشف عليها قبل متجبها واتكد من حالتها ويفضل تكشف عليها عند الوكيل وربنا يوفقك

[صانع الخيال]

انصحك ب بروتون جين 2 موديل 2006 1600 سىسى اوتو

[eskenderiya]

* بروتون جين 2 موديل 2006 1600 سىسى اوتو

[Devill Blood]

ياخونا أنتم على طول كده تتكلموا بدون أى وعى أنا شايف خليك فى العربيات اللى ليهم ثقة فى السوق مع إنى بموت فى حاجة إسمها 307 ولكن عيبها فى قع الغيار وأنا شايف أن البروتون منظره على الفاضى"نهج الصين"فخليك فى اليابانى وسيبك من اللى يقول لك سحب ولا مش سحب هو أنت هاتسابق؟ أنت عايز عربية تخدمك وتعيش
على فكرة اللانسر مكوه وقفت 2002 مش 2003