الفريق / احمد شفيق مرشحأ لرئاسة الجمهورية

المشاركة الأصلية كتبت بواسطة Explorer كده كده العملية اتلعبكت الانتخابات تتأجل ومجلس الشعب يتحل نعمل الدستور ونعيد الانتخابات من أول وجديد على نضافة

ياباشا وهل تعتقد ان حزب الثورة المستمرة حايرضى يأجل الانتخابات
اشككككككككككككككككككككككك كككككككككككككككككككك
وحتلاقي مليونيات وباشتكنات وحركات والتعلب فات...
ياراجل دا المجلس العسكرى من قلة الادب اللي علية عايز يهج ويسيب النهاردة قبل بكرة ...حتى لما لغى اتفاقية الغاز يطلعلك اللي يسفة ويتفه من الموضوع دا ...
فخلاص اللي حصل حصل...ومبروك على عمرو موسى او مبروك على عمرو موسى بعد اعادة مع ابو الفتوح..

المشاركة الأصلية كتبت بواسطة فادى يا أستاذ سمير ايه اللى دخل المجارى فى مصر للطيران, ايه علاقة ده بده, و هو عشان عندنا المجارى بايظة لازم كل حاجة تانية تكون بايظة. عموما مصر للطيران كانت شركة رابحة اذن مبيتصرفش عليها من اموال المصريين و لا حاجة. ثانيا مصر للطيران حلقة مهمة من حلقات الاقتصاد المصرى, و الذى عند نموه سوف يمكننا بفضل الضرائب و الدخل القومى من اصلاح المجارى. أما لو سيبنا مصر للطيران و المطارات و الاتصالات و الكهرباء و قعدنا نصلح فى المجارى فلا هنلاقى فلوس نصلح بيها المجارى, و لا هنبنى اقتصاد لأن البنية التحتية من مواصلات (أهمها مصر للطيران) و كهرباء و اتصالات و غيرها هى أساس الاقتصاد القوى لأى دولة لا تمتلك موارد ضخمة(و هى حالة مصر).

مافيش رد منطقي اكتر من دا ارد بية عليك يا باشمهندس سمير..اشكر فادي باشا علية جزيل الشكر

[فادى]

قانون العزل فيه استهتار بعدد من القواعد القانونية و الانسانية الثابتة فى كل الشرائع:

- لا جريمة و لا عقوبة الا بنص, أصلا فى هذا القانون فيه حاجة غريبة جدا, فيه عقوبة فقط, لكن مفيش جريمة!!! ايه الجريمة انك تكون رئيس وزراء أو نائب رئيس أو منضم لحزب سياسى معين؟

- الحرمان من الحقوق السياسية و حقوق المواطنة يكون بحكم قضائى بات و نهائى. هذا هو المعيار الوحيد. أما هذا القانون الغريب فهو يحرم مواطنين من حقوقهم السياسية لمجرد أنهم تولوا مناصب قيادية.

- القانون بصيغته الحالية موجه لشخص واحد فقط, هو الفريق أحمد شفيق, و به شبهة (ليست مجرد شبهة) ما يعرف بالانحراف فى التشريع, لأن حزب الاغلبية فى مجلس الشعب له مرشح للرئاسة و التى ينافسه فيها أحمد شفيق (و هو منافس قوى, طبعا ليس هناك قياس دقيق للمرشح الأقوى فى مصر, لكن من استطلاعات الرأى حصل أحمد شفيق و عمر سليمان فى السابق على أعلى الاصوات). بحسبة بسيطة كلنا نعرف ان من كان سينتخب عمر سليمان هو نفسه سوف ينتخب أحمد شفيق, و بالتالى تصب معظم أصوات عمر سليمان فى اتجاه أحمد شفيق, أضف الى ذلك ان معظم أصوات عمرو موسى سوف تصب ناحية أحمد شفيق فى حالة الاعادة.
لذا فان الفريق أحمد شفيق كانت له فرصة قوية و هو معبر عن تيار موجود و له أرضية فى مصر, و هو التيار الوسطى أو تيار الاعتدال. ( و للأسف ذهبت معظم أصوات هذا التيار فى انتخابات البرلمان الى حزب الحرية و العدالة لأنه لم يكن هناك بديل سوى الليبراليون الداعون الى الفوضى المستمرة, بينما ركز الحرية و العدالة على الاستقرار (أخلى بوعوده فيما بعد).

- هذا القانون يطبق بأثر رجعى, فاذا كان تولى رئاسة الوزراء فى عهد مبارك جريمة, حسنا لا بأس, لكن وقتها لم تكن هذه جريمة (بل كانت شرف ما بعده شرف), و أى واحد من البهوات اللى فى مجلس الشعب كان يتمنى تنظيف حذاء مبارك من القاذورات و ليس تولى الوزارة فى عهده!

- الفكاهة فى الموضوع, أن القانون تغاضى عن أعضاء لجنة السياسات بالحزب الوطنى بالذات, عارفين ليه؟ لأن عمرو حمزاوى كان من أعضاء لجنة السياسات بالحزب الوطنى! و طبعا لأن الباشا حاليا تحول الى ثورجى (و تزوج من واحدة "ثائرة" برضو حرمه المصون بسمة الممثلة) و شارك فى اعداد القانون فكان لازم يتشال منو لجنة السياسات عشان بسمة متزعلش.

تحياتى للجميع.

المشاركة الأصلية كتبت بواسطة samirayad ياباشا أن مليش دعوه بالقصص دى أأقولك إزاى هل من الإسلام .... أنت تقعد تاكل مالذ وطاب وغيرك مش لاقى ياكل وهل من الإسلام ....أنك تشرب بريل ....وغيرك بيشرب مية مجارى وهل من الإسلام أنك تلبس بدله ب1000 ج ( مثلأ ) وغيرك ماشى عريان وهل من الإسلام تصرف على المطارات شىء وشويات علشان تتمنظر أمام العالم ....وغيرك بيسكن فى العشش ونايم فى الشارع وهل من الإسلام .....تعملك موكب سيارات من أفخم الأنواع وغيرك مش عارف يركب مواصله أكمل ....ولا المعنى المقصود وصل ------------------ فنحن بلد إسلامى فقير وبالتالى يجب أن نتمسك بمبدأ الأهم ...فالمهم

يا هندسة يعني هو انت ماسك في جزئية الراجل مكانشي مسؤل عنها
يعني ينفع تسأل وزير الصحة عن مواسير المية اللي ضاربة في الشارع
انت لما يحصل عطل في خط التليفون في البيت عندك مش بتتكلم مع السنترال ولا بتكلم الصيدلية اللي جنب البيت
دكتور شفيق كان ماسك وزير الطيران يبقى لما أسأله واستجوبة اعمل كدا عن شغلة هو بس اللي هو عمل ايه في المطارات في مصر للطيران...يعني الحاجة اللي كان مسؤل بشكل مباشر عنها...
متقوليش بقى مجاري وحاجات كتيرة مالوش دعوة بيها
كلام خاطئ 100%
اه لو كان مسك رئيس الدولة كنت ساعتها قوله انت سيبت الاولويات وماسك في الكماليات
صح ولا ايه يا باشا

المشاركة الأصلية كتبت بواسطة فادى قانون العزل فيه استهتار بعدد من القواعد القانونية و الانسانية الثابتة فى كل الشرائع: - لا جريمة و لا عقوبة الا بنص, أصلا فى هذا القانون فيه حاجة غريبة جدا, فيه عقوبة فقط, لكن مفيش جريمة!!! ايه الجريمة انك تكون رئيس وزراء أو نائب رئيس أو منضم لحزب سياسى معين؟ - الحرمان من الحقوق السياسية و حقوق المواطنة يكون بحكم قضائى بات و نهائى. هذا هو المعيار الوحيد. أما هذا القانون الغريب فهو يحرم مواطنين من حقوقهم السياسية لمجرد أنهم تولوا مناصب قيادية. - القانون بصيغته الحالية موجه لشخص واحد فقط, هو الفريق أحمد شفيق, و به شبهة (ليست مجرد شبهة) ما يعرف بالانحراف فى التشريع, لأن حزب الاغلبية فى مجلس الشعب له مرشح للرئاسة و التى ينافسه فيها أحمد شفيق (و هو منافس قوى, طبعا ليس هناك قياس دقيق للمرشح الأقوى فى مصر, لكن من استطلاعات الرأى حصل أحمد شفيق و عمر سليمان فى السابق على أعلى الاصوات). بحسبة بسيطة كلنا نعرف ان من كان سينتخب عمر سليمان هو نفسه سوف ينتخب أحمد شفيق, و بالتالى تصب معظم أصوات عمر سليمان فى اتجاه أحمد شفيق, أضف الى ذلك ان معظم أصوات عمرو موسى سوف تصب ناحية أحمد شفيق فى حالة الاعادة. لذا فان الفريق أحمد شفيق كانت له فرصة قوية و هو معبر عن تيار موجود و له أرضية فى مصر, و هو التيار الوسطى أو تيار الاعتدال. ( و للأسف ذهبت معظم أصوات هذا التيار فى انتخابات البرلمان الى حزب الحرية و العدالة لأنه لم يكن هناك بديل سوى الليبراليون الداعون الى الفوضى المستمرة, بينما ركز الحرية و العدالة على الاستقرار (أخلى بوعوده فيما بعد). - هذا القانون يطبق بأثر رجعى, فاذا كان تولى رئاسة الوزراء فى عهد مبارك جريمة, حسنا لا بأس, لكن وقتها لم تكن هذه جريمة (بل كانت شرف ما بعده شرف), و أى واحد من البهوات اللى فى مجلس الشعب كان يتمنى تنظيف حذاء مبارك من القاذورات و ليس تولى الوزارة فى عهده! - الفكاهة فى الموضوع, أن القانون تغاضى عن أعضاء لجنة السياسات بالحزب الوطنى بالذات, عارفين ليه؟ لأن عمرو حمزاوى كان من أعضاء لجنة السياسات بالحزب الوطنى! و طبعا لأن الباشا حاليا تحول الى ثورجى (و تزوج من واحدة "ثائرة" برضو حرمه المصون بسمة الممثلة) و شارك فى اعداد القانون فكان لازم يتشال منو لجنة السياسات عشان بسمة متزعلش. تحياتى للجميع.

[samirayad]

دكتور شفيق كان ماسك وزير الطيران

ومين إللى مسكه

ومين إللى وافقله على البذخ على المطارات

ياهندسه

دى منظومه متكامله

وأى منظمومه متكامله إتضح فسادها

يبقى متلزمناش

---------------

لو عندك عربيه موديل 1950 وحالتها بالبلاء

وخلاص رمتها

تقوم تقولى

أنا هاخد منها الزماره

هههههههه