عيوب و مميزات الفيرنا ال 1600cc

[gold_killer]

شكرا على اجابتك بس كده بيبقى التكييف شغال ولا لأ
وبرضه هو كده يعتبر الطبيعى بتاع ال 1600 عامة ولا كده اقتصادى ولا كده اوفر ؟؟

شكرا ليك مره تانى

[AHMEDCAR]

لا كده من غير تكييف و برضو انا بقولك المتوسط يعنى انا ليا واحد صحبى بيعمل 240 داخل البلد من غير تكييف لان رجله حنينه قوى على البنزين

و ده طبعا استهلاك طبيعى بالمقارنه بلانوس ال1500 8 صباب بتعمل نفس المعدل بالظبط

[drift]

المشاركة الأصلية كتبت بواسطة AHMEDCAR سياره ممتازه قطع غيار متوفره و رخيصه +موتور قوى جدا مالوش اعطال مميزه سلبيات ثبات سيى بعد ال120 +القفيل ممكن تلاقى فيه عيوب بسيطه و بيتم علاجها فى صيانه الالف الاولى

السيارة سيئة للغاية وثباتها سيء جدا وعيوب التقفيل فيها كتير كفاية ان مفيهاش abs وطنابيرها مصري وقواعد موتورها مصري والعفشة اناشفة الغير مريحة يبقي ازاي عربية ممتازة لو ممتازة لازم سعرها ميزدش عن 50 الف ازيد من كدة كتير عليها

[AHMEDCAR]

المشاركة الأصلية كتبت بواسطة drift السيارة سيئة للغاية وثباتها سيء جدا وعيوب التقفيل فيها كتير كفاية ان مفيهاش abs وطنابيرها مصري وقواعد موتورها مصري والعفشة اناشفة الغير مريحة يبقي ازاي عربية ممتازة لو ممتازة لازم سعرها ميزدش عن 50 الف ازيد من كدة كتير عليها

طيب ايه الافضل منها ياباشا نورنا ولا انت داخل تهاجم و خلاص بينلنا انهى سياره افضل منها و نتناقش

[drift]

المشاركة الأصلية كتبت بواسطة Ahmed Anwer بص الفيرنا فيها ثلاث ميزات هامة جدا عن اللانوس * موتور قوي ،،، و في نفس الوقت نفس استهلاك البنزين * تكييف قوي ، * عفشة بتستحمل و دوول في وجهة نظري اهم ثلاث ميزات في عربية اقتصادية و اللاانوس فيها ميزتين * أن صالونها اوسع شوية * صوت موتورها أهدي بصراحة ما بين الاتنين أنا اختار الفيرنا و طبعا الاتوماتيك احسن من المانيوال بس هات بقه نيو اكسنت اتوماتيك او فيرنا اتوماتيك عشان موتورها يكون قوي ميتخنقشي بالاتوماتيك

انا من راي الانوس لان لو بتحب السرعة هتعمل اية بموتور الفيرنا القوي علي انها مش ثابتة يبقي الموتور ملوش لازمة وموتور الفيرنا كتير اوي علي البودي بتاعها انا بفضل الانوس لانها ثابتة لان الثبات افضل من القوة لان العربية وهي ماشية 160 محتاجة ثبات مش قوة