سؤال فنى ازاى العجل يتحرك وفرامل اليد مرفوعه عند الجر

[حسام البورسعيدى]

المشاركة الأصلية كتبت بواسطة فادى فرامل اليد تعمل على الطبلة الخلفية و هى لا تقوم بفرملة العجلات بدرجة كبيرة, الهدف من فرامل اليد هو فرملة العجلات الخلفية فرملة خفيفة تكفى فقط لمنع انزلاق السيارة فى منحدر او مقاومة دفعها بواسطة الناس و لكنها لا تقاوم السير او الجر بواسطة ونش, و لذا فان السيارات كلها يمكن السير بها و فرامل اليد مرفوعة و هو خطأ شائع يؤدى الى تلفها.

مع احترامى يا باشا بس الكلام ده خاطئ ..

فرامل اليد لو مشدودة تفرمل العجل جامد ومينفعش يمشى ..

بدليل انك بتلاقى العربيات الجر الامامى فى التخميس يرفع الفرامل ويدوس بنزين والعربية تتسحب والعجلتين اللى ورا واقفين ... صح ؟؟

ويفضل يخمس ساعة لغاية لما يحرق الكاوتشات (اصل ماما اللى جايبهاله ههههههههه)

بس دى فعلا حاجة محيرة .. بس غالبا لازم مينفعش يشدها والفرامل مشدودة ...

[hazem_khidr]

زي ما قال الباشمهندس فادي
مهما كانت مشدوده ممكن اه توقف العربيه و تخمس بيها و كل الحاجات دي
اما لو الونش شدها (و غالبا بتبقي عربيات قديمه و مش بيقدر يشد عربيه مرسيدس حدثيثه او بي ام دبليو مثلا خوفا من بطش اصحابها!!!!)
بتلاقي العربيه ممكن تقوام الاول لكن تقل العربيه و ضعف التيل مهما كان بيأدي ان كده كده التيل حيتآكل و حتبتدي تمشي برضه

[moslem2]

امممممممممممم
اعتقد اننا مش وصلنا لنتيجه مع احترامى الشديد للتفسيرات ولكنها كلها تكهنات
فى انتظار من عنده التفسير العلمى
واستبعد طبعا ان الفرامل مش جامده قوى علشان كده الونش بيجرها لانها بتعتمد عالقوه الميكانيكيه وشد السلك او ارتخاءه وكمان الونش بشوفه يجر عربيات حديثه طبعا مش بى ام ومرسيدس لكن فيرنا وكرولا ولانسر ودى برده مش عربيات اى كلام

http://www.youtube.com/watch?v=H9Tc4CSZQ84

[hazem_khidr]

واستبعد طبعا ان الفرامل مش جامده قوى علشان كده الونش بيجرها لانها بتعتمد عالقوه الميكانيكيه وشد السلك او ارتخاءه وكمان الونش بشوفه يجر عربيات حديثه طبعا مش بى ام ومرسيدس لكن فيرنا وكرولا ولانسر ودى برده مش عربيات اى كلام

الفيرنا و اللانوس و الكورولا كلها عربيات اي كلام فعلا مش عربيات قويه ولا حاجه زي ما الكل متخيل علشان ثمنها غالي
لكن هيا في الخارج زيها زي ال 128 و ال 131 القديمه عندنا كده مثلا.

[احمد على 1999]

يا جماعة فعلا زى ما قالوا الفرامل مش حتقدر توقف العجل بالاخص ان مع ارتفاع العربية من الامام التقل بيزيد على العجلتين الخلفيتين
و حتى لو العجل ملفش بتهيالى حيمشوا بيها برضه
فى حركة معرفش تنفع و لا لأ ممكن لو حطيت ايدك على سلك فرامل اليد من جنب العجلة و رفعته لفوق الفرامل تفك