ايه راى الناس فى 6 ابريل وفى البرادعى

[mf]

[QUOTE=mmffor;507614]الموضوع واخد منحنى سخيف من التخوين و الاهانات بغير دليل
اللي عنده دليل يتفضل
لكن اهانة او تخوين الاخر بدون دليل ده لعب عيال
و طلبت قبل كده من زميل عرض ادلة عنده كان عمل موضوع كامل يقول خيانة 6 ابريل بالدليل و طلبت منه دليل واحد فقط - و مظهرش ولا ورقة بفرة عليها رقم تليفون

[SIZE=6]

غمزولمز لا اقبلة وانا رديت عليك وقلتلك لسه لحد الان لم تصدر الاوامر لنشر الوثائق

بس كان لي استفسار ؟؟؟؟

هو ورق البفره بيكتبوا عليه ارقام تليفونات ولا بيلفوا فيه الب..... والح.....

[akefpop]

المشاركة الأصلية كتبت بواسطة mf86 هههههههههههه دا انا لسه حتي واخد خمشتسناشر الف جنيه حوافز ودعم وشراء ذمتي ....... ياااخي حراام عليك هو انته قاعد في بيتكم وبتعيد مع ولادك وأهلك واحنا طالع عين اللي خلفونا من جرجا الي المحله الي رفح وفي الاخر وانته قاعد في بيتكم وبتقول بيشترونا بالفلوس طيب جرب اسأل حد شوف هو أخد ايه في رمضان .... حسبي الله ونعم الوكيل .... اللي اخدناهم في رمضان يااستاذ .... مروحه وبطانية وكرتونه رمضان فيها حاجات بحوالي 150 جنية بس هقول ايه حسبي الله ونعم الوكيل في اللي بيتهمنا اننا بنبيع ذمتنا وضميرنا علشان الفلوس

يا باشا متحرقش دمك مع الاشكال دى
كلنا عارفين هما مين وعايزين ايه ؟ وكل حاجه اتكشفت خلاص والنت اللى بيستخدموه عشان يحرضوا الناس على الجيش هو نفس النت اللى فضايحهم عليه
بقا الجيش هو اللى بيشترى ذمم الضباط الصغيرين ولا 6 ابريل اللى ضحكت على شباب صغيرين اكبر واحد فيهم ملازم اول وجابوهم يوم 8 ابريل لا وايه مسمينهم الضباط الاحرار هههههههههههههههه
و اللى سبحان الله كان اول مطلب ليهم برضه ــ مجلس مدنى رئاسى ــ مش عارف دى بقى صدفه ولا حاجه تانيه !!!

[تامر ديزل]

المشاركة الأصلية كتبت بواسطة د.هبه77 6 ابريل وحشين يعني ؟ طيب وحشين ملهومش حاجه كويسة خالص؟ المؤمن كيس فطن انت مش مفروض تبقي مع ناس علطول ولا ضدهم علطول لان هم ناس يعني بشر انت تاخد اللي صح وتوافق علية واللي غلط .....

عيـــــــــــــــن العــــــــــــــــــــــ ـــقل

[تامر ديزل]

المشاركة الأصلية كتبت بواسطة د.هبه77 6 عموما انا حاسة ان الثورة فقط نتيجتها الي الان هو خلع حسني مبارك وبس هو دة الحاجة الوحيدة اللي اتعملت لامتصاص بس غضب الشعب ونزع الرمز الاعظم للفساد (مجرد مخدر موضعي)لكن شجرة الفساد في كل شبر في مصر محدش بيتخذ خطوات اللهم ولي امورنا خيارنا ولا تولي امورنا شرارنا

ودي كمان صح جدا

[تامر ديزل]

المشاركة الأصلية كتبت بواسطة dr.wael7yran الى كل الاخوات الكلام يبقى بالراحة و بدون غلط و لازم كلنا نتفق على حاجة اللي حصل ده نعمة من عند الله و تخطيط الهي و اي جهة معينة تحاول نسب المكسب ليها تبقى بتهرج يعني مع كامل احترامي لكل اعضاء 6 ابريل الجيش لو كان قرر يقف مع الريس السابق كنا هنبقى في موقف صعب جدا و اللي كان في التحرير يوم 28 عارف كويس جدا الجيش كان يقدر يعمل ايه فو قفة الجيش تحترم و 6 ابريل من اوائل الناس اللي قالت لأ ايام ما كان الجيش بيقول وعدت فنفذت فاوفيت يا ريس و دي وقفة برده تحترم بس اللي يراقب دلوقتي لا الجيش ماشي مظبوط و لا 6 ابريل ماشية مضبوطة برده و اللي انا و كل واحد بيفهم في مصر دلوقتي مصرين عليه انك لو حاولت تمشي موش مظبوط فانا موش هاسيبك سواء كنت جيش 6 ابريل اخوان ليبرالي شاب فحلقي يا تمشي عدل و تاخد بالك من البلد دي و تاخدلي حقي انما هتحاول تركب الموجة يبقى هعلقك في الميدان خلاص مفيش ابطال و مفيش فراعنة تاني و مفيهاش حاجة خالص اني اقول انا موش مرتاح لشباب 6 ابريل ده احساس شخصى وانا حر فيه و بكرر ...واجهتهم الاعلامية فاشلة جدا...و ده شيء لازم يحلوه بجد و انا برده موش مرتاح للجيش ... مبيقدمش حاجة الا بوقفة الناس في الميدان و تحت الضغط و من بين الناس اللي بيضغطوا 6 ابريل فهى دائرة مغلقة و اتخاذ الحذر واجب و تقصى الحق واجب و التركيز على اللي جاي واجب و محدش نيته سليمة مية في المية و محدش فوق القانون و ربنا يكرمنا في اللي جاي ان شاء الله

استاذ كبير وهوه ده خلاصة الموضوع احنا لينا بالنتائج ونحب حد او نكرهه دي حاجه ما لهاش دعوه بمحاسبته على اخطاؤه او ذكر محاسنه
تحياتي