زيوت العربيات كلها مضروبة !!!!!!!

[matrux]

لسة جاى من عند واحد بيتاجر فى الزيوت وكنت بسألو عن زيت فوكس سوبر جى تى
الراجل قام ضاحك

انا قولت لنفسى هو انا قوت الاسم غلط ولا حاجة لسمح الله

قام باصصلى بصة غريبة كدة انا خوفت منو الصراحة

وقالى انت جاى من برا ولا حاجة

اة جاى من طلخا الصراحة

قالى الحاجات دى مش بتنزل مصر اساسا وان زيوت موبيل وان هى اللى ممتازة وكلها مضروبة
قولت الراجل دة بيقول كدة عشان اشترى من عندو ولا اية فقام قايلى حتى ماتشتريش من عندى عشان كل الزيوت مضروبة !!!!!
حتى الزيوت بتضرب مافيش حاجة عدلة فى البلد ابدا ؟؟
فياترى الكلام دة صحيح ولا الراجل اللى روحتلو دة مجنون ولا اية

[AbOnOrA]

هو مفيش شك انه لاسع شوية بس فعلا الزيوت المضروبة منتشره جداً لدرجة تخلى الواحد يشك فى كل الزيوت اللى بتتعبى فى مصر

اما الزيوت المضمونة اكتر فهى المستوردة من الخارج زى (فيسكو ) الامارات - (ليكوى مولى) المانى - كاسترول وفالفولين

[Vanditta]

انا سمعت قبل كدة ان فى بعض بائعى الزيت عديمى الضمير بيجيب الجركل لو قلنا مثلا موبيل ويقوم يملاة زيت سايب ويقوم مبرشم الجركل على اساس انة جاى كدة من الشركة ويبيعة بنفس تمن الجركل الاصلى ولا حد بياخد بالة

[M.TONSY]

فعلا زيت فيسكو عن تجربة ممتاز ومينفعش يتضرب لانه بيجى من الامارات متبرشم ومغلف وهو زيت خاماته انجليزية ومضمون ويباع فى محطات كارجاس

[M.TONSY]

وافضل شئ منعا للتعرض للغش انك تقوم بشراء الجيركن من المحطة وتخليهم يغيروه او الميكانيكى يغيره واحذروا التعامل مع محلات بيع الزيوت لان المغشوش بيتباع من خلالهم