|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
29-07-2014, 04:44 PM
|
||||
|
||||
فضيحة مرور مدينة نصر ( سرقة علني )
السلام عليكم ورحمة الله وبركاته
كان جايلي مخالفات 650 جنيه لما رحت اجدد رخصة العربية ولما شفت بنود المخالفات لقيتها 1-عدم اتباع قواعد المرور 2-عدم اتباع تعليمات شرطي المرور. طبعا عملت تظلم عند نيابة مرور م نصر الاستاذة الي ورا الشباك المقفول ! وطلع ان انا اتحددلي جلسة في مرور الدراسة قدام قاضي يوم 27 يوليو ..قلتلها مفيش ورقة قالتلي لا اسمك مكتوب هناك رحت يوم الوقفة باختصار طلعت الجلسة يوم 26 ...لاول وهلة طبعا قلت انا الي غلطانة ونسيت ...لكن لقيت 3 غيري نفس المشكلة من مرور م نصر دخلنا لوكيل النيابة يقولنا ازااااااااااااي تمشوا من عند الست في مرور م نصر من غير ورقة بالمعاد واحد رد قاله اصلها اول مرة تحصلي وطبعا فهمت الليلة .. هي تدينا معاد غلط يقومو ياخدو الحد الاقصي للمخالفة بحكم غيابي ويقسموها علي بعض رجعت مرور م نصر قابلت الضابط المدير قالي هاتي ورقة بالمعاد من ملفك للو 26 يبقي انتي الي غلطانة مش الموظفة اللذيذ في الموضوع ان العسكري وانا داخلة بيسالني داخلة لية فلما حكيتله ضحك وقالي مش اول واحدة ... وطبعا الورق بتاعنا كله طلع المعاد 26 وكلنا وحشين وغلطنا وجينا 27 عشا غاويين نتمشور ونتفسح يوم الوقفة وحابين نجرب الاحكام الغيابية المهم بقي ان الغرامة بعد الحكم الفيابي 2630 ؟ اه والله و30 !!! تخيل يا مؤمن ! وقال بعد العيد ادفع نصهم يعني 1300واعمل حاجة تانية اسمها اشكال طب اشتكي لمين لما هم اسرة مع بعضيهم عصابة مرور م نصر تحيا جمهورية مصر العربية القصة دي فكرتني بحكاية زمان دكتور نسا كان لما تيجي واحدة تتابع معاه يقولها هتجيبي بنت ويكتب في الملف ولد عشان لو جابت بنت يبقي خير وبركة ...جابت ولد ..يطلع الملف ويقولها ... اهو انا كنت كاتب ولد! فلا تحسبن الله غافلا
__________________
 بسم الله الرحمن الرحيم
وما كان ربك نسيا صدق الله العظيم 
|
|
#2
29-07-2014, 04:50 PM
|
||||
|
||||
|
رد: فضيحة مرور مدينة نصر ( سرقة علني )
عليك بحسبى الله ونعم الوكيل فى كل مسئول متقاعس فى بلد العجائب
__________________
|
|
#3
29-07-2014, 05:06 PM
|
||||
|
||||
|
رد: فضيحة مرور مدينة نصر ( سرقة علني )
جزاك الله خيرا
وذكروني كمان ب اللهم اجرني في مصيبتي واخلف لي خيرا منها بس المشكلة اني للاسف بفكر بمثالية شوية وكأن الامر منطقي قال اية .... بفكر في حل ! 
__________________
بسم الله الرحمن الرحيم
وما كان ربك نسيا صدق الله العظيم
|
|
#4
29-07-2014, 05:28 PM
|
||||
|
||||
|
رد: فضيحة مرور مدينة نصر ( سرقة علني )
ربنا يصبرك ... و يجعله فى ميزان حسناتك
ده موضوع طبيعى جدا و مش اول مرة و لا اخر مرة حد حيتعرض له فى بلدنا العجيبة .... ربنا يعفو عنا من النصائح المهمة لاحد الاصدقاء ... لما يجيلك مخالفة .. ادفعها و انت ساكت ... حتعترض و حتعمل بنى ادم و من حقك الاعتراض ؟! حتلف و تدوخ السبع دوخات و برضو حتدفع كل سنة و حضرتك طيبة ... و ممكن تعتبرى المخالفة دى .. عيدية المرور
__________________
|
|
#5
29-07-2014, 05:29 PM
|
||||
|
||||
|
رد: فضيحة مرور مدينة نصر ( سرقة علني )
ربنا يصبرك ... و يجعله فى ميزان حسناتك
ده موضوع طبيعى جدا و مش اول مرة و لا اخر مرة حد حيتعرض له فى بلدنا العجيبة .... ربنا يعفو عنا من النصائح المهمة لاحد الاصدقاء ... لما يجيلك مخالفة .. ادفعها و انت ساكت ... حتعترض و حتعمل بنى ادم و من حقك الاعتراض ؟! حتلف و تدوخ السبع دوخات و برضو حتدفع كل سنة و حضرتك طيبة ... و ممكن تعتبرى المخالفة دى .. عيدية المرور
__________________
|
|
|
|
