#1
|
|||
|
|||
مشكلة لمبة chick
السلام عليكم
العربية لانوس 2005 عاملة 138 الف المهم انا من ساعة ما جيبتها غيرت سيور وبوجيهات وسلوك بوجيهات وكلة كويس مؤشر البنزين مجنون شوية بس مش مشكلة اوى انا تقريبا بمشى بالعربية كل يوم 1/4 ساعة او نص ساعة بالكتير مش اكتر وكنت كمان مغير البطارية. انهاردة الصبح جيت ادورها واستنين تقريبا دقيقة ونص وطلعت كلة كويس بعدها علطول لقيت العربية برجلت وبطلت دورت تانى ومشيت لقيت لمبة CHICK فى التابلوة منورة؟ بس العربية ماشية كويس عادى رحت لمياكنيك ما كنش مكنشى موجود الصبى بتاعة قالى الشكمان فى خرم رحت لحمتة وبردة لسة اللمبة منورة . سألت اللى كان جايبلى العربية قالى مادام داية استنىيوم او اتنين ممكن تطفى لوحدها من غير حاجة يعنى خرطوم مسدود او حاجة . اعمل اية |
#2
|
||||
|
||||
رد: مشكلة لمبة chick
روح لاى مركز مختص يكشفلك على العربية بالكمبيوتر
بلاش عك الميكانيكية بجد تروحله بعيب ترجع بأكتر من عيب دة اذا العيب الاساسى اتصلح ربنا يتولانا من الناس دى بالتوفيق |
#3
|
||||
|
||||
رد: مشكلة لمبة chick
فيه عندك خرطوم رفيع راكب بين بوابة المكنه وحساس موجود فى سدر المكنه ( شكله مستطيل أسود )
شوف الخرطوم ده راكب صح بين البوابه والحساس ده ولا لا لو لقيته مفصول من عند بوابة المكنه ركبه هتلاقى اللمبه طفيت
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
#4
|
|||
|
|||
رد: مشكلة لمبة chick
الحمد لله انا رحت للميكانيكة وكان عندة مهندس ومعاة الكمبيوتر كشف على العربية وقالى الرشاشات هى السبب انها واطية ومش قادرة تقوم العربية المهم قالى انا قوتلك الرشاشات وبالفعل العربية اتظبطت واللمبة انطفت وسألتة عن السبب وعلى فكرة انا كنت مفول بنزين 90 الجمعة اللى فاتت ودى اول مرة من ساعة ما اشتريت العربية احطة فيها (كنت دايما بحط 92 وساعات قليلة 80 بس نسبة 92 بتكون اكتر) المهم قالى ان تغير البنزين هو اللى برجل الرشاشات. هل الكلام صح ولا لاة
وانا سألت ميكانيكى تانى جارى قالى الكلام دة هبل مفيش حاجة اسمها زود قوة الرشاشات وقالى ان فى رشاش عندى هو اللى عمل المشكلة. بس انا محتار لان فعلا العربية اول ما تحطت على الكمبيوتر اتظبطت حتى المهندس عشان يثبتلى كلامة قلل قوة الرشاشات اللمبة نورت تانى ولما علاها اللمبة طفت. اية رأيكوا |
#5
|
|||
|
|||
رد: مشكلة لمبة chick
والراجل بعد ما خلص غشل العربية بالبنزين ونظف الايدل كنترول وبس يعنى ما لعبش فى اى حاجة تانية خالص
|
|
|