بتستخدموا بنزين اية للانوس 2

[maka]

سعة التنك 48 لتر

[m_o_sakr]

متنسوش ان البنزين الـ 92 بيدى اداء احسن و بيخلى استهلاك العربيه للبنزين احسن, يعنى لو الـ 20 لتر من بنزين 90 بيعملو معاك 200كم فالـ 20 لتر من بنزين 92 حيعملو 220 كم (مثال للإيضاح فقط)

[walidmhafeez]

المشاركة الأصلية كتبت بواسطة m_o_sakr متنسوش ان البنزين الـ 92 بيدى اداء احسن و بيخلى استهلاك العربيه للبنزين احسن, يعنى لو الـ 20 لتر من بنزين 90 بيعملو معاك 200كم فالـ 20 لتر من بنزين 92 حيعملو 220 كم (مثال للإيضاح فقط)

الكلام دة مش صحيح
رقم الاوكتان مش بياثر علي الاستهلاك
بالعكس كل ما رقم الاوكتان بيعلي درجة تطاير الوقود بتزيد
رقم الوكتان له غلاقة مباشرة بنسبة الانضغاط عشان كدة الكتالوجات بتنصح برقم اوكتان معين عشان العربية متسقفش او ما يعرف بالصفع وعشان تدي احسن كفاءة
ومش معني انك حطيت اوكتان اعلي ان كفاءة الموتور تتحسن بالعكس كل ما رقم الاوكتان يعلي او ينزل اوي عن الموصي به دة بياثر بالسلب علي موتور العربية
مع العلم ان كلامي دة مبني علي دراستي لمحركات الاحتراق الداخلي في كلية الهندسة

[MO]

و علي فكرة يا دكتور
الفرق مش كبير ده كل 10 لتر فرق 1ج عن 90

و بصراحة الفرق يستاهل
مش بيتحرق بسرعة

[m_o_sakr]

المشاركة الأصلية كتبت بواسطة walidmhafeez الكلام دة مش صحيح رقم الاوكتان مش بياثر علي الاستهلاك (مش متفق معاك فى النقطه دي) بالعكس كل ما رقم الاوكتان بيعلي درجة تطاير الوقود بتزيد (التنك المفروض انه مأفول علطول و دايرة البنزين دايره مغلقه, يعنى المفروض مفيش تطاير و لا بخر) رقم الوكتان له غلاقة مباشرة بنسبة الانضغاط عشان كدة الكتالوجات بتنصح برقم اوكتان معين عشان العربية متسقفش او ما يعرف بالصفع وعشان تدي احسن كفاءة (لما الموتور يديك احسن كفاءة معناها انك حتوفر فى البنزين و لو الموتور مشتغلش باحسن كفاءة يستهلك بنزين اكتر [يعنى لو الموتور كفاءته 80% او موتور كفاءته 70% انهى فيهم يستهلك بنزين اكتر علشان يديلك نفس القدره!!]- يعنى الكفاءة ليها علاقه باستهلاك البنزين مش موضوع ان الموتور يسقف او ميسقفش بس) ومش معني انك حطيت اوكتان اعلي ان كفاءة الموتور تتحسن بالعكس كل ما رقم الاوكتان يعلي او ينزل اوي عن الموصي به دة بياثر بالسلب علي موتور العربية (متفق معاك فى النقطه دي) مع العلم ان كلامي دة مبني علي دراستي لمحركات الاحتراق الداخلي في كلية الهندسة

و على فكره انا كمان مهندس ميكانيكا باور خريج 2002