حكايتى ...... مع التاكيهات

[Hisham.Elgazzar]

المشاركة الأصلية كتبت بواسطة mazen mazen طب يعنى ايه تاكيهات مش بتتضبط؟ على زيت اكسنت 99-1500 انجيكشن

دى البلوف يباشا اللى اتكلمنا عليها
لما بتبوظ والسوست بتاعتها بتضعف
بتتغير
لكن برضو ليها ظبطه

المشاركة الأصلية كتبت بواسطة Hisham.Elgazzar مع وعد بتكمله الموضوع انا مشيت من الشغل النهردة بعد العشاء ولسه راجع طبعا فاجئتونى بردودكم الأكتر من رائعة ورفعتم معنوياتى آخر حاجة ربنا يسعد قلوبكم كلكم يارب زى ما فرحتونى أخى العزيز كارز أدماير أثرا الموضوع بلمساته الفنية الساحرة الصور الى تفضل أستاذى ووضعهالنا هى مايطلق عليها البلوف وتقوم بنفس فكرة عمل الأطباق ولكن بطريقة أخرى على فكرة موجودة فى اللانوس وفى اللادا valve tappet نوع آخر حديث ( صباب غماز ) ومشروح طريقة ظبطه classic car overhead ده بتاع البولونيز وال131 المواتير الشعبى عمود الكامة أهو تحت بياخد الحركة من الكاتينة وهنا كتينة جنزير على فوق بالرود (الصباع الطويل ) على عمود التاكيهات (شواكيييش) وطبعا طريقة ظبطة سهلة بمفك وبنسة وفيللر Engine tappets, Hydraulic valve lifter وادى كمان البلوف اللى قلنا عليها بتاعت اللادا واللانوس ( فكيتها مرة فى الورشة كان واحد جاى ومعاه جولييت وكانت جايبة جوان وش، طبعا فورت كل البلوف ومن جوا البلف كان مليان طحينة فكيتهم والحمدلله بلف بلف ورجعوا تانى فلة ) الميزة بقى فى البلوف دى انها بتدى عزم أكبر على السرعات العالية وتخليلك الموتور على الطريق محدش يلحقك علشان كده لما كنت رايح الغردقة بالفيرنا كنت بخيط واحد بتاع لانوس لحد سرعة 160 مايحصلنيش ، بعد كده صباح الفل الاقيه واخد الطريق قطر معرفتش أحصله) مرة تانية كنت على طريق السويس بالـ131 وقابلتنى صديقتى اللدودة اللادا برضو طلع منى على الخامس ده الكستبان من جوا وبرضو دى كستبانات هنا بتظبط التاكيهات عن طريق انك تلف الكستبان وتظبط بالفيللر ولا أروع :Bra vo:

شكرا يا أخى وصديقى كارز أدماير

[/QUOTE]
:pod_of_gold ::pod_of_gol d::pod_of_go ld:

محمدصلاح القاضى, Hisham.Elgazzar, nktis, Vanditta




:pod_of_gold ::pod_of_gol d::pod_of_go ld:

[Hisham.Elgazzar]

المشاركة الأصلية كتبت بواسطة Vanditta اية ياعم الجمال دة فسرت لغر من الغاز الموتور كتير مننا كان بيسمع عنة بس ومايعرفش هو اية ربنا يباركلك ويجعلة فى ميزان حسناتك يارب بس فين المواتير اليابانى يا استاذ هشام ماقولتهاش لية ؟!! وهل هى كمان بتحتاج خراط عشان يظبطها ولا بتتظبط ازاى !!!

تسلم يا جميل
ده بقى وش السيلندر بتاع السيفيك ال1600 فاكروا
الموتور التعبان ده اللى بيطلع 120 حصان ونتا طالع
طبعا ده قصة لوحدوا
بص كده
طبعا ماشاء الله تحفة فنية
انت عارف صبابات البنزين والعادم
طبعا الوش ده متطور جدا وتكنولوجى سابقة أوانها

الجزء العلوى بتاع صبابات العادم وطبعا تقدر تظبطها بكل سهولة مش لازم خراط ( مفك وبنسة وفيللر ) الناحية بقى اللى فوق صبابات العادم وجنبها اللى فيها المواسير دى :
بتركب البوجيهات جوا المواسير دى وتلاقى البوجيه فوسط غرفة الحريق وش
عشان كده الموتور ده حامى وعالى الأداء

حاجة تانية كمان بخصوص الـVTEC
المكنة دى المفروض انها 16 صباب

ايوه فعلا 4 صباب لكل بستم لكن هيا بتشتغل فى العادى 12 صباب
والزيادة دول بيفتحوا مع الVTEC على 3.5 أو 4.5 أر بى ام عشان تشتغل معاك 16 صباب
وتاخد منها أقوى عزم ، وتلاحظ الموضوع ده لما تكون بتشد بيها ( الزنة المشهورة بتاعت مواتير السيفيك وخصوصا مواتير الـSI والـTYPE-R

بس الـVTEC مابقاش ينزل الإتحاد الأوروبى عشان بيزود إستهلاك الوقود ومش متناسب مع مواصفاتهم علشان كده شركة هوندا عملت الـI-VTEC
وضحكت عليهم ونزلت أسواق أوروبا ، لكن مع الأسف مبقيناش نطلع من مواتير السيفيك الهورس باور بتاع زمان لكن برضو الهوندا هوندا

[Hisham.Elgazzar]

المشاركة الأصلية كتبت بواسطة الايطالى الصغير عموما انا فهمت كده منك انى اروح لخراط كرنك او مواتير وبالمرة ندى الخراط كام ؟ يعنى لو غير طبق مثلا او اكثر ازاى اقدر مصنعيته علشان انت عارف الجشع اللى فى قلة منهم مش كلهم ؟؟؟ جزاك الله كل خير على تعبك ومجهودك فى الرد على اسئلتى

جزاك الله كل خير
بالنسبة لمكان ظبط التاكيهات ممكن عند محل متخصص أو عند الخراط
بس عموما تكلفة الطبق الواحد ماتزيدش عن 10 جنيه
يعنى انا عملت 3 أطباق ب 30 جنيه
بس خلى بالك من الوقت والدور لأن فى بعض الأماكن بتبقى طوابير